完整藏文原文 · 德格版页 当前仅加载第 36 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེའི་སྙིང་པོས་སའི་དོན་འདི་ཉིད་ཡང་བརྟག་པར་བྱ་བ་དང་། བསྟན་པར་བྱ་བའི་ཕྱིར་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །མཁས་པས་ལམ་གྱི་སྤྱོད་པ་ལྔ་པོར་ཡོངས་རྫོགས་ནས། །ཆོས་རྣམས་མཚན་མེད་མཚན་ཉིད་མེད་དང་མ་སྐྱེས་དང་། །
D44.036.0226b01.01མ་བྱུང་སྔ་ནས་ཡོངས་སུ་ཞི་ཞིང་སྤྲོས་མེད་པ། །ཡོངས་སུ་བསྒོམ་པས་ཡེ་ཤེས་བློ་ཅན་དྲུག་པ་གནོན། །ཆོས་རྣམས་དབེན་ཞིང་ལེན་མེད་རྣམ་པར་རྟོག་མེད་དང་། །སྒྱུ་མའི་རང་བཞིན་གཉིས་ཀའི་དངོས་ལམ་རྣམ་གྲོལ་བས། །ཆོས་ཀྱི་ཚུལ་ལ་
D44.036.0226b02.01འགལ་མེད་རྗེས་སུ་འཐུན་བྱེད་ཅིང་། །ཡེ་ཤེས་ལྡན་པའི་དམ་པ་དྲུག་པ་ཡོངས་སུ་གནོན། །འཐུན་པ་རྣོ་ལ་གནས་ཤིང་ཡེ་ཤེས་སྟོབས་ལྡན་པ། །འཇིག་རྟེན་ཀུན་གྱི་འབྱུང་དང་འཇིག་ལ་རབ་ཏུ་རྟོག །གཏི་མུག་མུན་པས་འགྲོ་བ་འབྱུང་བ་ཀུན་
D44.036.0226b03.01ཏུ་སྐྱེད། །གཏི་མུག་དེ་ཉིད་བྲལ་བས་འབྱུང་བ་མེད་པ་ཡིན། །རྐྱེན་གྱི་རྣམ་པ་དོན་དམ་སྟོང་པར་རྣམ་པར་འབྱེད། །བྱ་བ་མི་འགལ་རྒྱུ་རྐྱེན་བྱེད་པ་མཉམ་པར་ཤེས། །ཡང་དག་ཇི་བཞིན་བྱེད་པ་མེད་པར་ལས་ཤེས་ནས། །འདུས་བྱས་སྤྲིན་སྡུག་ལྟ་བུར་བྱེད་པ་མེད་
D44.036.0226b04.01པར་ཤེས། །བདེན་པ་མི་ཤེས་དེ་ནི་ཡང་དག་མ་རིག་པ། །ལས་ནི་སེམས་ཀྱི་སྟོབས་ཀྱིས་མགོ་རྨོངས་བྱུང་བར་གྱུར། །སེམས་ལ་རྟེན་ཏེ་ལྷན་ཅིག་བྱུང་བ་མིང་དང་གཟུགས། །དེ་ལྟར་སྡུག་བསྔལ་ཕུང་པོ་ཆེན་པོའི་བར་དུ་འབྱུང་། །ཁམས་གསུམ་སེམས་ཀྱི་རྒྱུ་
D44.036.0226b05.01ལས་བྱུང་བར་དེ་འཇུག་སྟེ། །སྲིད་པའི་ཡན་ལག་བཅུ་གཉིས་འདི་དག་སེམས་གཅིག་རྟེན། །འདོད་ཆགས་སྐྱེས་པ་དེ་ལས་སེམས་སུ་བརྗོད་པ་ཡིན། །དེ་བཞིན་སྲིད་པའི་དངོས་པོ་སེམས་ཀྱི་རྣམ་པའོ། །མ་རིག་བྱ་བ་གཉིས་བྱེད་རྨོངས་པའི་དངོས་པོ་ལ། །རྨོངས་པར་
D44.036.0226b06.01བྱས་ཤིང་དེ་ནས་སེམས་པའི་རྒྱུ་ཡང་འབྱིན། །དེ་བཞིན་རྒ་བ་ཕུང་པོ་གཞིག་བྱ་འཇིག་བྱེད་པར། །དེ་ལས་སྡུག་བསྔལ་མིང་ཐོགས་ཐམས་ཅད་མི་ཟད་འབྱུང་། མ་རིག་རྐྱེན་གྱིས་ཆད་པར་འགྱུར་བ་ཡོད་པ་མ་ནི། །རྣམ་པར་ཆད་ཅིང་རྒྱུ་རྐྱེན་བྲལ་བས་ཡོད་པ་འགག །
D44.036.0226b07.01