完整藏文原文 · 德格版页 当前仅加载第 36 函德格 179b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱུན་མི་འཆད་པར་བྱ་བ་དང་། ཐེག་པ་ཆེན་པོའི་ས་ལ་ཆོས་ཐམས་ཅད་རྣམ་པར་དགོད་པ་ཡང་དག་པར་བསྟན་པ་དང་། ཆོས་ཤེས་པའི་རྫུ་འཕྲུལ་གྱི་རྒྱུ་དང་། མངོན་པར་ཤེས་པ་དང་དབང་གིས་ཆོས་ཀྱི་དབྱིངས་ཐམས་ཅད་སྤྲུལ་པས་རྣམ་པར་དགང་བའི་ཕྱིར།
D44.036.0179b01.01ཆོས་ཀྱི་དབྱིངས་ཀྱིས་ཀླས་པར་རྒྱ་ཆེ་བ། ནམ་མཁའི་དབྱིངས་ཀྱི་མཐར་ཐུག་པ། ཕྱི་མའི་མཐའི་མུར་ཐུག་པ། བསྐལ་པ་འགྲངས་པ་ཐམས་ཅད་དུ་མངོན་པར་འཚང་རྒྱ་བ་འགྲངས་པར་ཡེ་ཤེས་ཆེན་པོའི་མངོན་པར་ཤེས་པ་རྒྱུན་མི་འཆད་པའི་སྨོན་
D44.036.0179b02.01ལམ་ཆེན་པོ་མངོན་པར་སྒྲུབ་བོ། །ཀྱེ་རྒྱལ་བའི་སྲས་དག །དེ་ལྟར་རྣམ་པ་འདི་ལྟ་བུའི་སྨོན་ལམ་ཆེན་པོ་དང་། བརྩོན་འགྲུས་ཆེན་པོ་དང་། མངོན་པར་བསྒྲུབ་པ་ཆེན་པོའི་སྨོན་ལམ་གྱི་སྒོ་བཅུ་པོ་འདི་དག་ལས་{སྩོགས་,སོགས་}པ། སྨོན་ལམ་བརྒྱ་སྟོང་
D44.036.0179b03.01གྲངས་མེད་པ་ཕྲག་བཅུ་ཚང་བ་དག །བྱང་ཆུབ་སེམས་དཔའི་ས་རབ་ཏུ་དགའ་བ་ལ་གནས་པའི་བྱང་ཆུབ་སེམས་དཔས་ཐོབ་བོ། །མངོན་པར་སྒྲུབ་བོ། །སྨོན་ལམ་དེ་དག་ཀྱང་མཐར་ཐུག་པའི་གནས་བཅུས་མངོན་པར་བསྒྲུབ་སྟེ། བཅུ་གང་ཞེ་ན། འདི་ལྟ་སྟེ།
D44.036.0179b04.01སེམས་ཅན་གྱི་ཁམས་ཀྱི་མཐར་ཐུག་པ་དང་། འཇིག་རྟེན་གྱི་ཁམས་ཀྱི་མཐར་ཐུག་པ་དང་། ནམ་མཁའི་ཁམས་ཀྱི་མཐར་ཐུག་པ་དང་། ཆོས་ཀྱི་ཁམས་ཀྱི་མཐར་ཐུག་པ་དང་། མྱ་ངན་ལས་འདས་པའི་ཁམས་ཀྱི་མཐར་ཐུག་པ་དང་། སངས་རྒྱས་
D44.036.0179b05.01འབྱུང་བའི་ཁམས་ཀྱི་མཐར་ཐུག་པ་དང་། དེ་བཞིན་གཤེགས་པའི་ཡེ་ཤེས་ཀྱི་ཁམས་ཀྱི་མཐར་ཐུག་པ་དང་། སེམས་ཀྱི་{དམྱིགས་,དམིགས་}པའི་ཁམས་ཀྱི་མཐར་ཐུག་པ་དང་། ཡེ་ཤེས་མངོན་པར་བསྒྲུབ་པའི་ཁམས་ཀྱི་མཐར་ཐུག་པ་དང་། འཇིག་རྟེན་གྱི་
D44.036.0179b06.01རྒྱུད་དང་། ཆོས་ཀྱི་རྒྱུད་དང་། ཡེ་ཤེས་ཀྱི་རྒྱུད་ཀྱི་ཁམས་ཀྱི་མཐར་ཐུག་པ་དག་གོ། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་བཅུ་བཞི་པ། དེ་ལྟར་སྨོན་ལམ་ཆེན་པོ་འདི་དག་སེམས་ཅན་གྱི་
D44.036.0179b07.01