完整藏文原文 · 德格版页 当前仅加载第 36 函德格 347b 版页；藏文 NFD、目录标记与异常页序保留在来源切片中，重复版页行以稳定序号区分。
པར་དག་པས་གནས་པ་ཡིན། འདས་པ་དང་མ་བྱོན་པ་དང་ད་ལྟར་བྱུང་བའི་སངས་རྒྱས་ཐམས་ཅད་ཀྱི་བྱང་ཆུབ་ཐ་དད་པར་མི་བྱེད་པས་གནས་པ་ཡིན། ཆགས་པ་མེད་པའི་མཐའ་བསྒྲིབས་པ་མེད་པའི་ཆོས་ཐམས་ཅད་ཀྱི་ངོ་བོ་ཉིད་དང་།
D44.036.0347b01.01རང་བཞིན་མཚན་ཉིད་མེད་པས་གནས་པ་ཡིན། དེ་བཞིན་གཤེགས་པ་ཐམས་ཅད་ཀྱི་དགེ་བའི་རྩ་བ་འདས་པ་དང་མ་བྱུང་བ་དང་། ད་ལྟར་བྱུང་བ་ཐམས་ཅད་དང་རྒྱུད་ཀྱི་ཚུལ་གཅིག་ཏུ་གྱུར་པས་གནས་པ་ཡིན། དེ་བཞིན་གཤེགས་
D44.036.0347b02.01པ་ཐམས་ཅད་ཀྱི་སྐུའི་ཕྲིན་ལས་དང་གསུང་གི་ཕྲིན་ལས་དང་། ཐུགས་ཀྱི་ཕྲིན་ལས་འདས་པ་དང་མ་བྱུང་བ་དང་། ད་ལྟར་བྱུང་བ་མེད་པའི་ཆོས་ཀྱི་དབྱིངས་ཤིན་ཏུ་སྟོན་པའི་ཡེ་ཤེས་སྔོན་དུ་འགྲོ་བས་གནས་པ་ཡིན། དེ་བཞིན་གཤེགས་
D44.036.0347b03.01པ་འདས་པ་དང་མ་བྱོན་པ་དང་ད་ལྟར་བྱུང་བ་ཐམས་ཅད་ཀྱི་སྐྱེ་བ་དང་། མངོན་པར་འབྱུང་བ་དང་། སྙིང་པོ་བྱང་ཆུབ་ཏུ་གཤེགས་པ་དང་། མངོན་པར་འཚང་རྒྱ་བ་དང་། ཆོས་ཀྱི་འཁོར་ལོ་བསྐོར་བ་དང་། ཡོངས་སུ་མྱ་ངན་ལས་
D44.036.0347b04.01འདའ་བ་དུས་གསུམ་མཉམ་པ་ཉིད་དུ་ཐུགས་སུ་ཆུད་པ་སྐད་ཅིག་གཅིག་གི་མཐར་འཇུག་པས་གནས་པ་ཡིན་ཏེ། དེ་ལྟར་བྱང་ཆུབ་སེམས་དཔའི་ལྷག་པའི་བསམ་པ་དེ་དག་ནི་ཚད་མེད་པ། ཤིན་ཏུ་ཡངས་པ་བགྲང་དུ་མེད་པ་གཞལ་
D44.036.0347b05.01དུ་མེད་པ། ཟད་མི་ཤེས་པ་བརྗོད་པར་དཀའ་བ། བསམ་གྱིས་མི་ཁྱབ་པ། བརྗོད་དུ་མེད་པ། བཟོད་པར་དཀའ་བ། འགྲོ་བ་ཐམས་ཅད་ཀྱིས་མི་འཕྲོགས་པ་དག་སྟེ། ཆོས་ཐམས་ཅད་ཀྱི་ཡེ་ཤེས་རབ་ཏུ་བསྒྲུབ་པའི་ཕྱིར་
D44.036.0347b06.01བྱང་ཆུབ་སེམས་དཔའ་དེ་ལྷག་པའི་བསམ་པ་དེ་ལྟ་བུས་གནས་སོ། །དེ་དག་གི་བྱང་ཆུབ་སེམས་དཔའ་དེ་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པའི་ཕ་རོལ་ཏུ་ཕྱིན་པ་ཐོབ་པ་ཡིན་ཏེ། ཆོས་རྣམ་པར་དག་པ་ཡང་རབ་ཏུ་
D44.036.0347b07.01