完整藏文原文 · 德格版页 当前仅加载第 36 函德格 39b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་འགྲོ་བ་ཀུན་ཐམས་ཅད་མཁྱེན་པ་ཉིད་ཀྱི་ལམ་གྱི་མཐར་གཏུགས་པར་མངོན་པར་གཟུང་བར་བྱ་བའི་ཕྱིར། ཐེག་པ་ཤིན་ཏུ་མཐོ་བར་གནས་ཤིང་རབ་ཏུ་བརྟན་པ་དང་ལྡན་པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་
D44.036.0039b01.01སེམས་དཔའ་ཆེན་པོ་གླང་པོ་ཅང་ཤེས་དང་རྟ་ཅང་ཤེས་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པའི་སྦྱིན་པ་བྱེད་པའི་ཚེ། དགེ་བའི་རྩ་བ་དེ་དག་སེམས་ཅན་ཐམས་ཅད་ཆགས་པ་མེད་པའི་ཐེག་པ་ལ་མངོན་པར་བསྐྱོན་ཞིང་ཡེ་ཤེས་ཀྱི་བཞོན་པ། ཡོངས་སུ་འགྲུབ་
D44.036.0039b02.01པ་དང་དེ་བཞིན་གཤེགས་པའི་ཐེག་པ་བསྒྲིབ་པ་མེད་པས་འབྱུང་བའི་མཐར་ཐུག་པར་ཡོངས་སུ་བསྔོའོ། །འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་ལོས་སྒྱུར་བའི་རྒྱལ་པོར་གྱུར་པ་ཆོས་ཀྱི་དབང་བྱེད་པ། སྟན་གྱི་སྦྱིན་པ་བྱེད་ཅིང་
D44.036.0039b03.01རྒྱལ་པོ་བཞུགས་པའི་ཁྲི་སྟན་བཟང་པོ་བཻ་ཌཱུརྱའི་རྐང་པ་ཅན་སེང་གེའི་ཁྲི་ལ་གནས་པ། གསེར་གྱི་རྒྱུ་དང་རིན་པོ་ཆེའི་དྲ་བས་བླས་པ། སྟན་རེག་ན་བདེ་བ་གྲངས་{མྱེད་,མེད་}པ་དུ་མ་བཏིང་བ། ཉེན་ཀོར་སྤོས་ཀྱི་དམ་པ་ཐམས་ཅད་ཀྱིས་ཤིན་ཏུ་དྲི་ཞིམ་པར་
D44.036.0039b04.01བྱས་པ་ནོར་བུ་རིན་པོ་ཆེ་སྣ་ཚོགས་ཀྱི་རྒྱལ་མཚན་བསྒྲེང་བ་རིན་པོ་ཆེ་བྱེ་བ་ཁྲག་ཁྲིག་བརྒྱ་སྟོང་དུ་མའི་རྒྱན་གྱིས་བརྒྱན་པ། གསེར་གྱི་དྲ་བའི་བླ་རེ་བྲེས་པ། གསེར་གྱི་དྲིལ་བུའི་དྲ་བ་འཁྲོལ་བའི་སྒྲ་ཡིད་དུ་འོང་བའི་དབྱངས་འབྱུང་བ། རིན་པོ་ཆེའི་འབྲུ་བྱེ་བ་
D44.036.0039b05.01ཁྲག་ཁྲིག་བརྒྱ་སྟོང་ཕྲག་བཅུས་ཀུན་ནས་བསྐོར་ཏེ་རྣམ་པར་ཕྱེ་བས་ཤིན་ཏུ་འཕགས་ཤིང་བལྟ་ན་མཛེས་པ། སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པས་ཀུན་ནས་བལྟ་བ། གདུགས་ཁབ་གཅིག་གིས་ས་ཆེན་པོ་ཐམས་ཅད་སྐྱོང་བར་དབང་
D44.036.0039b06.01བསྐུར་བ། རྒྱལ་སྲིད་ཀྱི་དབང་ཕྱུག་ཐམས་ཅད་ལ་དབང་བའི་སྟན་དུ་བྱ་བ་དེ་ལ་འདུག་ཅིང་འཁོར་ལོ་ཐོགས་པ་མེད་པས་བསྐྱང་བ་དང་། ཆིས་བྱ་བ་ལ་རྒྱལ་པོའི་བཀའ་ཐམས་ཅད་ཉམས་པ་མེད་པར་ཉན་པ། དཔལ་རྣམ་པར་སྣང་བ་དང་། ཨིན་དྲ་ནཱི་ལ་
D44.036.0039b07.01