完整藏文原文 · 德格版页 当前仅加载第 36 函德格 327b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་འབབ་བོ། །ཆུ་ཀླུང་ཆེན་པོ་པ་ཀྴུ་ནི་རྟའི་ཁ་ནས་འབབ་བོ། །དེ་དག་དེ་ལྟར་ཕྱོགས་བཞི་ནས་ཁ་བཞི་ནས་འབབ་སྟེ། ཆུ་ཀླུང་གང་གཱ་ནི་དངོ་ནས་དངུལ་གྱི་བྱེ་མ་འདྲེན་ཅིང་འབབ་སྟེ། དངུལ་གྱི་བྱེ་མ་ལ་གནས་སོ། །ཆུ་ཀླུང་སི་ཏ་ནི་དངོ་
D44.036.0327b01.01ནས་རྡོ་རྗེའི་བྱེ་མ་འདྲེན་ཅིང་འབབ་སྟེ། རྡོ་རྗེའི་བྱེ་མ་ལ་གནས་སོ། །ཆུ་ཀླུང་སིན་དྷུ་ནི་དངོ་ནས་གསེར་གྱི་བྱེ་མ་འདྲེན་ཅིང་འབབ་སྟེ། གསེར་གྱི་བྱེ་མ་ལ་གནས་སོ། །ཆུ་ཀླུང་ཆེན་པོ་པཀྴུ་ནི་དངོ་ནས་བཻ་ཌཱུརྱ་སྔོན་པོའི་བྱེ་མ་འདྲེན་ཅིང་
D44.036.0327b02.01འབབ་སྟེ། བཻ་ཌཱུརྱ་སྔོན་པོའི་བྱེ་མ་ལ་གནས་སོ། །ཆུ་ཀླུང་ཆེན་པོ་གང་གཱ་ནི་ལྷ་རྫས་ཀྱི་དངུལ་གྱི་ཁ་དོག་ལྟ་བུའི་སྒོ་ནས་འབབ་བོ། །ཆུ་ཀླུང་ཆེན་པོ་སི་ཏ་ནི་ལྷ་རྫས་ཀྱི་རྡོ་རྗེའི་ཁ་དོག་ལྟ་བུའི་སྒོ་ནས་འབབ་བོ། །ཆུ་ཀླུང་ཆེན་པོ་སིན་དྷུ་ནི་
D44.036.0327b03.01ལྷ་རྫས་ཀྱི་གསེར་གྱི་ཁ་དོག་ལྟ་བུའི་སྒོ་ནས་འབབ་བོ། །ཆུ་ཀླུང་ཆེན་པོ་པ་ཀྴུ་ནི་ལྷ་རྫས་ཀྱི་བཻ་ཌཱུརྱ་སྔོན་པོའི་ཁ་དོག་ལྟ་བུའི་སྒོ་ནས་འབབ་བོ། །ཆུ་ཀླུང་ཆེན་པོ་དེ་བཞི་ཡང་ཁའི་སྒོ་དཔག་ཚད་ཙམ་གྱི་ཚད་ནས་འབབ་སྟེ། དེ་དག་
D44.036.0327b04.01འབབ་པའི་ཚེ་རེ་རེས་ཀྱང་མཚོ་ཆེན་པོ་ལ་ལན་བདུན་དུ་གཡས་ཕྱོགས་སུ་བསྐོར་ཏེ། ཕྱོགས་བཞིར་འབབ་ཅིང་རྒྱ་མཚོ་ཆེན་པོ་གང་ཆེན་མཚོ་ལ་ཞེན་པར་འདོང་ངོ་། །དེ་ལྟར་ཆུ་ཀླུང་ཆེན་པོ་རྣམས་ཀྱིས་ལན་བདུན་དུ་གཡས་ཕྱོགས་སུ་
D44.036.0327b05.01བསྐོར་བའི་བར་གྱི་གླིང་དེ་དག་ཀྱང་མེ་ཏོག་ཨུཏ་པ་ལ་དང་། པད་མོ་དང་། ཀུ་མུ་ད་དང་། པུན་ད་རི་ཀ་དང་། ལྷ་རྫས་ཀྱི་རིན་པོ་ཆེའི་རང་བཞིན་ལས་གྲུབ་པ་ཡིད་དུ་འོང་བ་དྲི་ཞིམ་པ། མཐའི་རྒྱན་དུ་སྡུག་པ། མདོག་གསལ་བ།
D44.036.0327b06.01རིན་པོ་ཆེ་སྣ་ཚོགས་ཀྱི་ཁ་དོག་ལྟར་འདུག་པ། འོད་དང་ཞིང་གསལ་བ། གཅིག་གི་གཟུགས་བརྙན་གཅིག་ཏུ་སྣང་བ་མདངས་དགའ་བ་བལྟ་ན་ཡིད་དུ་འོང་བ། རང་བཞིན་དང་ཞིང་ཤིན་ཏུ་རྣམ་པར་དག་པས་བརྒྱན་པ་སྟེ། བལྟ་ན་ཁ་
D44.036.0327b07.01