完整藏文原文 · 德格版页 当前仅加载第 36 函德格 154a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་ཀྱི་སེམས་རིན་པོ་ཆེ་དང་ལྡན་པས་རིན་པོ་ཆེ་རྣམ་པར་དག་པས་རྣམ་པར་སྦྱངས་པ་གྲངས་མེད་པ་ཀུན་ནས་གནས་པར་གྱུར་ཅིག །རིན་པོ་ཆེའི་ཁ་དོག་བསམ་གྱིས་མི་ཁྱབ་ཅིང་རྣམ་པར་དག་པའི་སྣམ་བུ་རིན་པོ་ཆེ་རབ་ཏུ་སྦྱངས་པ་
D44.036.0154a01.01གྲངས་མེད་པ་ཀུན་ནས་གནས་པར་གྱུར་ཅིག །རིན་པོ་ཆེའི་ཟླ་གམ་གྱི་རྒྱལ་མཚན་གྱིས་རྣམ་པར་མཛེས་པའི་རིན་པོ་ཆེའི་རྒྱལ་མཚན་བསྒྲེང་བ་གྲངས་མེད་པ་ཀུན་ནས་གནས་པར་གྱུར་ཅིག །རིན་པོ་ཆེ་ཐམས་ཅད་ཀྱི་བ་དན་གྱི་སྤྲིན་གྱི་ཆར་མངོན་པར་འབབ་
D44.036.0154a02.01པའི་རིན་པོ་ཆེའི་བ་དན་གྲངས་མེད་པ་ཀུན་ནས་གནས་པར་གྱུར་ཅིག །བར་སྣང་གི་རྒྱན་སྣ་ཚོགས་ཀྱི་སྣམ་བུ་རིན་པོ་ཆེའི་ལྡ་ལྡི་མངོན་པར་བྲེས་པ་གྲངས་མེད་པ་ཀུན་ནས་གནས་པར་གྱུར་ཅིག །རིན་པོ་ཆེ་སྣ་ཚོགས་རེག་ན་བདེ་བའི་རིན་པོ་ཆེའི་
D44.036.0154a03.01གདིང་བ་ཡོངས་སུ་བཏིང་བ་གྲངས་མེད་པ་ཀུན་ནས་གནས་པར་གྱུར་ཅིག །བྱང་ཆུབ་སེམས་དཔའ་ཐམས་ཅད་ཡང་དག་པར་སྟོན་ཅིང་ཐམས་ཅད་མཁྱེན་པའི་སྤྱན་རྣམ་པར་སྦྱོང་བའི་རིན་པོ་ཆེའི་གློང་གྲངས་མེད་པ་ཀུན་ནས་གནས་པར་གྱུར་ཅིག །
D44.036.0154a04.01བྱང་ཆུབ་སེམས་དཔའི་ཚོགས་བརྒྱ་སྟོང་ཐམས་ཅད་ཀྱིས་མཛེས་པར་གྱུར་པའི་རིན་པོ་ཆེའི་སེ་མོ་དོ་རབ་ཏུ་སྤྱངས་པ་གྲངས་མེད་པ་ཀུན་ནས་གནས་པར་གྱུར་ཅིག །གནས་པ་དང་མི་གནས་པ་ཐམས་ཅད་ལས་ཤིན་ཏུ་འདས་པས་རིན་པོ་ཆེའི་ཁང་པ་དང་གནས་གྲངས་
D44.036.0154a05.01མེད་པ་ཀུན་ནས་གནས་པར་གྱུར་ཅིག །རྡོ་རྗེ་རིན་པོ་ཆེས་མཛེས་པར་གྱུར་ཅིང་རིན་པོ་ཆེའི་རྒྱན་གྱིས་རབ་ཏུ་བརྒྱན་པ་གྲངས་མེད་པ་ཀུན་ནས་གནས་པར་གྱུར་ཅིག །གྲངས་མེད་པར་མཐོང་བ་ཐམས་ཅད་རྣམ་པར་དག་ཅིང་རིན་པོ་ཆེ་སྣ་ཚོགས་ཀྱིས་ཤིན་ཏུ་བརྒྱན་
D44.036.0154a06.01པ་གྲངས་མེད་པ་ཀུན་ནས་གནས་པར་གྱུར་ཅིག །རིན་པོ་ཆེ་ཁྱད་པར་དུ་འཕགས་པ་ཐམས་ཅད་དང་ལྡན་ཞིང་རིན་པོ་ཆེ་རྣམ་པར་དག་པས་རྣམ་པར་སྦྱངས་པ་གྲངས་མེད་པ་ཀུན་ནས་གནས་པར་གྱུར་ཅིག །ཆགས་པ་མེད་པའི་ལུས་ཀྱི་ཚུལ་རྣམ་པར་དག་པས་རིན་པོ་ཆེའི་
D44.036.0154a07.01