完整藏文原文 · 德格版页 当前仅加载第 36 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་པ་འདི་ལྟ་སྟེ། རིའི་རྒྱལ་པོ་ཆེན་པོ་ཁ་བ་ཅན་དང་། རིའི་རྒྱལ་པོ་ཆེན་པོ་སྤོས་ངད་ཅན་དང་། རིའི་རྒྱལ་པོ་ཆེན་པོ་རྣམ་པར་འདལ་བ་དང་། རིའི་རྒྱལ་པོ་ཆེན་པོ་དྲང་སྲོང་རི་དང་། རིའི་རྒྱལ་པོ་ཆེན་པོ་གཉའ་ཤིང་འཛིན་དང་།
D44.036.0276a01.01རིའི་རྒྱལ་པོ་ཆེན་པོ་རྟ་རྣ་རི་དང་། རིའི་རྒྱལ་པོ་ཆེན་པོ་ས་འཛིན་དང་། རིའི་རྒྱལ་པོ་ཆེན་པོ་ཁོར་ཡུག་དང་། རིའི་རྒྱལ་པོ་ཆེན་པོ་དཔལ་ཆེན་དང་། རིའི་རྒྱལ་པོ་ཆེན་པོ་རི་རབ་བོ། །ཀྱེ་རྒྱལ་བའི་སྲས་དེ་ལ་འདི་ལྟ་སྟེ་དཔེར་ན། རིའི་རྒྱལ་པོ་ཆེན་པོ་ཁ་བ་
D44.036.0276a02.01ཅན་ནི་སྨན་གྱི་རྣམ་པ་ཐམས་ཅད་ཀྱི་འབྱུང་གནས་ཏེ། སྨན་སྣ་ཚོགས་ཐམས་ཅད་བླངས་པས་མཐར་ཐུག་པ་མེད་དོ། །ཀྱེ་རྒྱལ་བའི་སྲས་དེ་བཞིན་དུ་བྱང་ཆུབ་སེམས་དཔའི་ས་རབ་ཏུ་དགའ་བ་ལ་གནས་པའི་བྱང་ཆུབ་སེམས་དཔའ་ཡང་འཇིག་
D44.036.0276a03.01རྟེན་པའི་གཙུག་ལག་དང་། ཚིག་དང་སྔགས་དང་། རིག་པའི་གནས་ཀྱི་འབྱུང་གནས་ཡིན་ཏེ། འཇིག་རྟེན་པའི་གཙུག་ལག་དང་ཆིག་དང་སྔགས་དང་། རིག་པའི་གནས་བསྟན་པས་མཐར་ཐུག་པ་མེད་དོ། །ཀྱེ་རྒྱལ་བའི་སྲས་འདི་ལྟ་སྟེ་
D44.036.0276a04.01དཔེར་ན། རིའི་རྒྱལ་པོ་སྤོས་ཀྱི་ངད་ཅན་ནི། སྤོས་ཀྱི་རྣམ་པ་ཐམས་ཅད་ཀྱི་འབྱུང་གནས་ཡིན་ཏེ། སྤོས་ཀྱི་རྣམ་པ་སྣ་ཚོགས་བླངས་པས་མཐར་ཐུག་པ་མེད་དོ། །ཀྱེ་རྒྱལ་བའི་སྲས། དེ་བཞིན་དུ་བྱང་ཆུབ་སེམས་དཔའི་ས་དྲི་མ་དང་
D44.036.0276a05.01བྲལ་བ་ལ་གནས་པའི་བྱང་ཆུབ་སེམས་དཔའ་འང་བྱང་ཆུབ་སེམས་དཔའི་ཚུལ་ཁྲིམས་དང་། སྡོམ་པ་དང་ཚུལ་ཐམས་ཅད་ཀྱི་འབྱུང་གནས་ཡིན་ཏེ། བྱང་ཆུབ་སེམས་དཔའི་ཚུལ་ཁྲིམས་དང་སྡོམ་པ་དང་། ཚུལ་རྣམ་པ་སྣ་ཚོགས་ཀྱི་སྤོས་ཀྱི་མཐར་
D44.036.0276a06.01ཐུག་པ་མེད་དོ། །ཀྱེ་རྒྱལ་བའི་སྲས། འདི་ལྟ་སྟེ་དཔེར་ན། རིའི་རྒྱལ་པོ་རྣམ་པར་འདལ་བ་ནི། རིན་པོ་ཆེའི་རང་བཞིན་ཤིན་ཏུ་དག་པ། རིན་པོ་ཆེའི་རྣམ་པ་ཐམས་ཅད་ཀྱི་འབྱུང་གནས་ཡིན་ཏེ། རིན་པོ་ཆེ་རྣམ་པ་སྣ་ཚོགས་ཐམས་ཅད་བླངས་
D44.036.0276a07.01