完整藏文原文 · 德格版页 当前仅加载第 36 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཤེས་པར་བྱ་བའི་ཕྱིར་སེམས་ཅན་ཐམས་ཅད་ཀྱི་སྒྲ་སྐད་ཤེས་པའི་མངོན་པར་ཤེས་པ་ཡང་དག་པར་འཛིན་པ་ལ་མཁས་པར་གྱུར་ཅིག་ཇི་ལྟར་དེ་བཞིན་ཉིད་འགྲོ་བ་ཐམས་ཅད་ལས་རྣམ་པར་འདས་ཤིང་འགྲོ་བ་ཐམས་ཅད་ཡོངས་སུ་བསྡུ་བའི་
D44.036.0117a01.01མཐར་ཐུག་པ་དེ་བཞིན་དུ་དགེ་བའི་རྩ་བ་འདིས་སེམས་ཅན་ཐམས་ཅད་དགེ་བའི་རྩ་བ་ལ་རབ་ཏུ་རྟེན་པར་བྱ་བའི་ཕྱིར་འགྲོ་བ་ཐམས་ཅད་ལས་འདས་པར་གྱུར་ཅིག །ཇི་ལྟར་དེ་བཞིན་ཉིད་ཡངས་པ་དེ་བཞིན་དུ་དགེ་བའི་རྩ་བ་འདིས་འཁྲུལ་བ་མེད་པར་བྱང་ཆུབ་སེམས་དཔའི་སྤྱོད་པ་ཐམས་
D44.036.0117a02.01ཅད་ལ་ཤིན་ཏུ་བརྩོན་པས་འདས་པ་དང་མ་བྱོན་པ་དང་ད་ལྟར་བྱུང་བའི་སངས་རྒྱས་ཐམས་ཅད་ཀྱི་ཆོས་བསྟན་པ་ཡང་དག་པར་འཛིན་པར་གྱུར་ཅིག །ཇི་ལྟར་དེ་བཞིན་ཉིད་ནམ་ཡང་ཡལ་བ་མེད་པ་དེ་བཞིན་དུ་དགེ་བའི་རྩ་བ་འདིས་ཡེ་ཤེས་ཆེན་པོ་ལ་སེམས་ཅན་ཐམས་
D44.036.0117a03.01ཅད་རབ་ཏུ་དགོད་པའི་ཕྱིར། བསྐལ་པ་ཐམས་ཅད་དུ་བྱང་ཆུབ་སེམས་དཔའི་སྤྱོད་པ་ལ་རབ་ཏུ་བརྩོན་པར་གྱུར་ཅིག །ཇི་ལྟར་དེ་བཞིན་ཉིད་ཆོས་འབྱམ་ཀླས་པ་ཐམས་ཅད་ལ་ཡོད་པ་དེ་བཞིན་དུ་དགེ་བའི་རྩ་བ་འདིས་ཆགས་པ་མེད་པའི་དྲན་པ་རྣམ་པར་དག་པས་
D44.036.0117a04.01བསོད་ནམས་ཀྱི་རྒྱུད་འབྱམ་ཀླས་པ་གཟུང་བར་གྱུར་ཅིག །ཇི་ལྟར་དེ་བཞིན་ཉིད་བསྔགས་པ་མཐའ་ཡས་པ་དེ་བཞིན་དུ་དགེ་བའི་རྩ་བ་འདིས་བྱང་ཆུབ་སེམས་དཔའི་སྤྱད་པ་ཐོབ་པའི་ཕྱིར་ཡེ་ཤེས་བསྔགས་པ་མཐའ་ཡས་པ་ཁོང་དུ་ཆུད་པར་གྱུར་ཅིག །ཇི་ལྟར་དེ་བཞིན་ཉིད་
D44.036.0117a05.01ཉེ་བར་ལེན་པ་མེད་པ་དེ་བཞིན་དུ་དགེ་བའི་རྩ་བ་འདིས་འགྲོ་བ་ཐམས་ཅད་ཉེ་བར་བཟུང་བ་རྣམ་པར་དག་ཅིང་ཆོས་ཐམས་ཅད་ལ་ལེན་པ་མེད་པར་གྱུར་ཅིག །ཇི་ལྟར་དེ་བཞིན་ཉིད་གཡོ་བ་མེད་པ་དེ་བཞིན་དུ་དགེ་བའི་རྩ་བ་འདིས་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་
D44.036.0117a06.01དང་། སྨོན་ལམ་ཡོངས་སུ་རྫོགས་པས་མི་གཡོ་ཞིང་བརྟན་པ་དང་། ཤིན་ཏུ་གནས་པར་གྱུར་ཅིག །ཇི་ལྟར་དེ་བཞིན་ཉིད་སངས་རྒྱས་ཀྱི་ཡུལ་དུ་གྱུར་པ་དེ་བཞིན་དུ་དགེ་བའི་རྩ་བ་འདིས་ཉོན་མོངས་པ་ཐམས་ཅད་ཀྱི་ཡུལ་ཞི་བར་བྱ་བའི་ཕྱིར་འགྲོ་བ་ཐམས་ཅད་ཀྱི་ཡེ་ཤེས་ཀྱི་ཡུལ་
D44.036.0117a07.01