完整藏文原文 · 德格版页 当前仅加载第 36 函德格 319a 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་པའི་ངག་གི་ལས་དང་། མངོན་པར་འདུས་མ་བྱས་པའི་ཡིད་ཀྱི་ལས་དང་། དངོས་པོ་མེད་པ་ལ་གནས་ཤིང་། མངོན་པར་འདུས་མ་བྱས་པའི་རྫུ་འཕྲུལ་དང་། མ་ཉམས་ཤིང་མངོན་པར་འདུས་མ་བྱས་པའི་ཆོས་
D44.036.0319a01.01ཉིད་དང་། ཐ་མི་དད་པའི་ཡེ་ཤེས་དང་། མ་སྐྱེས་པའི་ཡེ་ཤེས་དང་། མ་འགགས་པའི་ཆོས་ཉིད་དང་། བསྟན་པའི་ཚིག་རབ་ཏུ་ཤེས་པ་དང་། དོན་ཉམས་པ་མེད་པ་སྟེ། ཀྱེ་རྒྱལ་བའི་སྲས་དག །བྱང་ཆུབ་སེམས་
D44.036.0319a02.01དཔའ་དེ་ཐམས་ཅད་དུ་མངོན་པར་འདུས་མ་བྱས་པའི་ཚིག་བཅུ་པོ་འདི་དག་གིས་ཤིན་ཏུ་བསླབས་པ་ཡིན། ཀྱེ་རྒྱལ་བའི་སྲས་དག །དེ་ལྟར་ན་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན་རྣམ་པ་
D44.036.0319a03.01ཐ་དད་པའི་དམིགས་པ་རྣམས་ཀྱིས་གཅིག་དང་མང་པོ་ལ་སྙོམས་པར་འཇུག་ཅིང་། རྣམ་པར་ལྡང་བ་དང་། སྐལ་བ་མི་མཉམ་པ་དང་། སྐལ་བ་མཉམ་པ་དང་། སྐལ་པ་མཉམ་པ་དང་། སྐལ་པ་མི་མཉམ་པ་དང་། ཡངས་པ་དང་། ཕྲ་བ་དང་།
D44.036.0319a04.01ཕྲ་བ་དང་། ཡངས་པ་དང་། ཆུང་བ་དང་། ཆེ་བ་དང་། ཆེ་བ་དང་། ཆུང་བ་དང་། རྗེས་སུ་འགྲོ་བ་དང་། རྣམ་པར་ཕྱེ་བ་དང་། རྣམ་པར་ཕྱེ་བ་དང་། རྗེས་སུ་འགྲོ་བ་དང་། ལུས་མེད་པ་དང་། ལུས་དང་བཅས་པ་དང་། ལུས་དང་བཅས་པ་དང་། ལུས་མེད་པ་དང་། རྣམ་པར་ལྡང་བ་དང་།
D44.036.0319a05.01སྙོམས་པར་ཞུགས་པ་དང་། སྙོམས་པར་ཞུགས་པ་དང་། རྣམ་པར་ལྡང་བ་དང་། རྣམ་པར་དམིགས་པ་དང་། {དམྱིགས་,དམིགས་}པ་མེད་པ་དང་། {དམྱིགས་,དམིགས་}པ་{མྱེད་,མེད་}པ་དང་། རྣམ་པར་དམིགས་པས་ཏིང་ངེ་འཛིན་འདི་ནི་ཆོ་འཕྲུལ་ཐམས་ཅད་ཀྱི་ཡུལ་ལོ། །ཀྱེ་རྒྱལ་བའི་སྲས་དག །འདི་ལྟ་སྟེ་དཔེར་ན།
D44.036.0319a06.01རིག་སྔགས་ཅན་ཆེན་པོའི་རིག་སྔགས་ཀྱིས་བསྒྲུབས་པ་ནི་གཟུགས་རྣམ་པ་སྣ་ཚོགས་བསྟན་པའི་འབྱུང་གནས་སུ་རབ་ཏུ་གྲུབ་པར་འགྱུར་ཡང་སྔགས་དེ་ཡང་གཞན་ལ་སྒྱུ་མའི་གཟུགས་ཀྱི་རྣམ་པར་སྨིན་པ་དག་ཀྱང་གཞན་ནོ། །དེ་ལྟ་
D44.036.0319a07.01