完整藏文原文 · 德格版页 当前仅加载第 36 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་ཆེན་པོས་ཆོས་དེ་ལྟ་བུ་དག་ཉན་པས། དེ་བཞིན་གཤེགས་པ་ལ་དགའ་བ་ཚད་མེད་པ་རྣམ་པར་འཕེལ་བའི་སེམས་དང་ལྡན་པ། ཆོས་སྤྱོད་པ་ལ་ཡང་དག་པར་གནས་པའི་སེམས་ཅན་དམ་པ་རང་གི་ཐེ་ཙོམ་ཆད་པ། གཞན་གྱི་ཐེ་ཙོམ་
D44.036.0074b01.01གཅོད་པ་ལ་རབ་ཏུ་ཞུགས་པ། རབ་ཏུ་དགའ་བའི་མཚན་མས་སེམས་མ་ཉམས་པ་དགེ་བའི་རྩ་བ་ཐམས་ཅད་དང་། ཡོན་ཏན་གྱི་འབྱུང་གནས་རབ་ཏུ་ཐོབ་པ། བསམ་པ་ཚད་མེད་པ་སྤྱོད་པའི་རྗེས་སུ་ཞུགས་པ། སེམས་ཅན་ཐམས་
D44.036.0074b02.01ཅད་ཀྱི་དོན་ལ་བརྩོན་པའི་སེམས་དང་ལྡན་པ། རྡོ་རྗེའི་སྙིང་པོ་ལྟ་བུའི་ཡེ་ཤེས་དམ་པའི་ཁྱད་(བར་,པར་)ཁོང་དུ་ཆུད་པའི་སེམས་བརྟན་ཞིང་ཤིན་ཏུ་གནས་པ་སངས་རྒྱས་ཐམས་ཅད་ཀྱི་ཞབས་ཀྱི་དྲུང་ན་གནས་ཤིང་རྣམ་པར་དག་པར་བྱེད་པ། དེ་བཞིན་
D44.036.0074b03.01གཤེགས་པ་ཐམས་ཅད་ཀྱི་ཞབས་ཀྱི་དྲུང་ན་གནས་པ་ལས་མི་འབྲལ་བ་དེ་ཆོས་ཀྱི་རྣམ་པ་འདི་ལྟ་བུ་དག་ལ་རབ་ཏུ་གནས་ཏེ། རང་གི་ལུས་དེ་བཞིན་གཤེགས་པ་ལ་མངོན་པར་འབུལ་བའི་ཚེ། དགེ་བའི་རྩ་བ་དེ་དག་སེམས་ཅན་ཐམས་
D44.036.0074b04.01ཅད་ལ་འདི་ལྟར་ཡོངས་སུ་བསྔོ་སྟེ། དགེ་བའི་རྩ་བ་འདིས་སེམས་ཅན་ཐམས་ཅད་སངས་རྒྱས་ཐམས་ཅད་ཀྱིས་ཡང་དག་པར་བཟུང་བའི་ལུས་དང་ལྡན་ཞིང་མི་དམའ་བའི་ལུས་ཡོངས་སུ་རྫོགས་པ་རབ་ཏུ་ཐོབ་པར་གྱུར་ཅིག །སེམས་ཅན་
D44.036.0074b05.01ཐམས་ཅད་སངས་རྒྱས་ཐམས་ཅད་བལྟ་བ་དང་མི་འབྲལ་བའི་རྗེས་སུ་སོང་བའི་སེམས་དང་ལྡན་པས་སངས་རྒྱས་ཐམས་ཅད་ལ་ཉེ་བར་རྟེན་ཅིང་སྤྱོད་པར་གྱུར་ཅིག །སེམས་ཅན་ཐམས་ཅད་ཡེ་ཤེས་ཀྱི་ཡོན་ཏན་དང་ལྡན་ཞིང་ཉམས་
D44.036.0074b06.01པ་མེད་པའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་སངས་རྒྱས་ཐམས་ཅད་མཉེས་པར་བྱ་བ་ལ་བརྩོན་ཞིང་མི་{དམྱིགས་,དམིགས་}པས་ཚངས་པའི་སྤྱད་པ་སྤྱོད་པར་གྱུར་ཅིག །སེམས་ཅན་ཐམས་ཅད་བདག་ཏུ་བྱ་བ་དང་། བདག་གིར་བྱ་བ་
D44.036.0074b07.01