完整藏文原文 · 德格版页 当前仅加载第 36 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དགེ་བ་བརྩམས་པ་གཞན་དང་གཞན་གྱིས་སེམས་ཅན་ཐམས་ཅད་སངས་རྒྱས་ཐམས་ཅད་ཀྱི་བྱིན་གྱིས་བརླབས་ཤིང་བྱང་ཆུབ་སེམས་དཔར་གྱུར་ཏེ། ཆོས་སྨྲ་བར་གྱུར་ཅིག །སེམས་ཅན་ཐམས་ཅད་ཆོས་ཀྱི་དབྱིངས་ཀྱི་ཐམས་ཅད་མཁྱེན་པའི་
D44.036.0146a01.01ཡེ་ཤེས་ལ་སེམས་ཅན་ཐམས་ཅད་དགོད་པའི་ཚུལ་གྱིས་བླ་ན་མེད་པའི་ཆོས་སྨྲ་བར་གྱུར་ཅིག །སེམས་ཅན་ཐམས་ཅད་འཇིག་རྟེན་ཀུན་གྱིས་ཆོས་ཡོངས་སུ་དྲིས་པས་ཟད་པར་མི་འགྱུར་བས་མི་འཕྲོགས་པའི་ཆོས་སྨྲ་བར་གྱུར་ཅིག །སེམས་ཅན་ཐམས་
D44.036.0146a02.01ཅད་ཆོས་ཀྱི་སྣང་བ་བསྒྲིབས་པ་མེད་པ་ཐོབ་པའི་ཕྱིར་ཆགས་པ་མེད་པའི་ཆོས་སྨྲ་བར་གྱུར་ཅིག །སེམས་ཅན་ཐམས་ཅད་སངས་རྒྱས་ཀྱི་ཆོས་ཐམས་ཅད་ཀྱི་ཚིག་དང་ཡི་གེ་བརྗོད་པ་ལ་མཁས་ཤིང་ཡེ་ཤེས་ཀྱི་སྙིང་པོའི་ཆོས་སྨྲ་བར་གྱུར་ཅིག །སེམས་
D44.036.0146a03.01ཅན་ཐམས་ཅད་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་སྟོན་པ་ལ་མཁས་ཤིང་སངས་རྒྱས་ཀྱི་བྱིན་གྱིས་བརླབས་པའི་ཆོས་སྨྲ་བར་གྱུར་ཅིག །སེམས་ཅན་ཐམས་ཅད་གཞན་གྱིས་དྲིང་མི་འཇོག་ཅིང་ཡང་དག་པ་ཇི་ལྟ་བ་བཞིན་དུ་ཆོས་སྟོན་པས་
D44.036.0146a04.01མིག་དང་འདྲ་བའི་ཆོས་སྨྲ་བར་གྱུར་ཅིག །སེམས་ཅན་ཐམས་ཅད་རིག་པས་བཟུང་བའི་ཚིག་དང་ཡི་གེ་ཆུད་མ་ཟོས་པར་ཤིན་ཏུ་སྟོན་པས་སངས་རྒྱས་ཀྱིས་ཆོས་ཐམས་ཅད་དྲན་པས་ཡང་དག་པར་འཛིན་པའི་ཆོས་སྨྲ་བར་གྱུར་ཅིག །སེམས་ཅན་
D44.036.0146a05.01ཐམས་ཅད་མཚན་གྱིས་ཤིན་ཏུ་བརྒྱན་པའི་ལུས་དང་ལྡན་ཞིང་འོད་མཐའ་ཡས་པར་འཕྲོ་བའི་ཆོས་ཡང་དག་པར་དཔྱད་པ་ལ་མཁས་པས་ཉེ་བར་མི་{དམྱིགས་,དམིགས་}པའི་ལམ་དུ་ཞུགས་པའི་ཆོས་སྨྲ་བར་གྱུར་ཅིག །སེམས་ཅན་ཐམས་ཅད་ཆོས་རྒྱུན་མི་
D44.036.0146a06.01འཆད་པ་ལ་གནས་ཤིང་། །སངས་རྒྱས་ཀྱི་ཆོས་ཐམས་ཅད་ཀྱི་ཆར་བསམ་པ་ཐག་པས་དབབ་པའི་བྱིན་གྱི་རླབས་ཀྱིས་ཆོས་ཀྱི་སྤྲིན་རབ་ཏུ་སྟོན་ཅིང་། སངས་རྒྱས་ཀྱི་ཞིང་བརྗོད་དུ་མེད་པ་ལུས་ཀྱིས་རྒྱས་པར་འགེངས་པའི་ཆོས་སྨྲ་བར་
D44.036.0146a07.01