完整藏文原文 · 德格版页 当前仅加载第 36 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་སེམས་དཔའ་ཆེན་པོའི་ཀུན་ཏུ་བཟང་པོའི་གདམས་ངག་བཞིན་དུ་ཐལ་མོ་སྦྱར་ཏེ། བཅོམ་ལྡན་འདས་ལ་ཕྱག་འཚལ་ནས་སེམས་ཤིང་རྟོག་པ་དང་། བཅོམ་ལྡན་འདས་ཀྱི་ཞབས་ཀྱི་མཐིལ་གཉིས་ཀྱི་འཁོར་ལོ་རྩིབས་སྟོང་ཡོད་
D44.036.0287b01.01པ་ལ་འཇིག་རྟེན་གྱི་ཁམས་ཆོས་ཀྱི་དབྱིངས་ཀྱི་འཁོར་ལོ་ཞེས་བྱ་བ་ཡོད་པ་མཐོང་བར་གྱུར་ཏེ། འཇིག་རྟེན་གྱི་ཁམས་དེ་ན་དེ་བཞིན་གཤེགས་པ་ཆོས་ཀྱི་དབྱིངས་ཀྱི་རྒྱན་གྱི་རྒྱལ་པོ་ཞེས་བྱ་བ་བཞུགས་ཤིང་འཚོ་སྐྱོང་ངོ་ཆོས་སྟོན་ཏོ། །དེའི་སངས་རྒྱས་
D44.036.0287b02.01ཀྱི་ཞིང་ནས་བྱང་ཆུབ་སེམས་དཔའ་ཀུན་ཏུ་སྣང་བ་མཛོད་ཀྱི་སྙིང་པོས་བྱུང་བ་ཞེས་བྱ་བ་བྱང་ཆུབ་སེམས་དཔའི་འཁོར་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པ་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་
D44.036.0287b03.01བསྐོར་ཅིང་མདུན་དུ་བྱས་ཏེ་འོངས་ནས་སེང་གེའི་ཁྲི་ཆགས་པ་མེད་པའི་རྒྱན་གྱི་སྙིང་པོ་ཅན་ལ་འདུག་གོ །བཅོམ་ལྡན་འདས་ཀྱི་ཞབས་བྱིན་པ་{རི་དགས་,རི་དྭགས་}ཨེ་ན་ཡའི་བྱིན་པ་ལྟ་བུ་གཉིས་ལ་འཇིག་རྟེན་གྱི་ཁམས་ཆགས་པ་མེད་པའི་སྙིང་པོ་ཅན་ཞེས་བྱ་
D44.036.0287b04.01བ་ཡོད་དེ་དེ་ན་དེ་བཞིན་གཤེགས་པ་འོད་རྒྱ་མཚོ་ཆགས་པ་མེད་ཅིང་དྲི་མ་མེད་པའི་སྙིང་པོ་ཞེས་བྱ་བ་བཞུགས་ཤིང་འཚོ་སྐྱོང་ངོ་། །ཆོས་སྟོན་ཏོ། །དེའི་སངས་རྒྱས་ཀྱི་ཞིང་ནས་བྱང་ཆུབ་སེམས་དཔའ་ཟབ་མོའི་མཛོད་ཀྱི་སྙིང་པོས་བྱུང་བ་ཞེས་
D44.036.0287b05.01བྱ་བ་བྱང་ཆུབ་སེམས་དཔའི་འཁོར་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པ་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་བསྐོར་ཅིང་མདུན་དུ་བྱས་ཏེ། འོངས་ནས་སེང་གེའི་ཁྲི་ཆགས་པ་མེད་པའི་རྒྱན་
D44.036.0287b06.01གྱི་སྙིང་པོ་ཅན་ལ་འདུག་གོ །དེ་བཞིན་གཤེགས་པའི་ཞབས་པུས་མོ་གཉིས་ཀྱི་ལྷ་ང་ལ་འཇིག་རྟེན་གྱི་ཁམས་ས་ལེ་སྦྲམ་ཡོད་པ་ཞེས་བྱ་བ་ཡོད་དེ་དེ་ན་དེ་བཞིན་གཤེགས་པ་གསེར་འབར་བ་དམ་པ་ཞེས་བྱ་བ་བཞུགས་ཤིང་འཚོ་སྐྱོང་ངོ་ཆོས་སྟོན་ཏོ། །
D44.036.0287b07.01