完整藏文原文 · 德格版页 当前仅加载第 36 函德格 346b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་ཏུ་བཟང་པོའི་སྤྱོད་པས་ཡང་དག་པར་འབྱུང་ངོ་། །ཕྱི་མའི་མཐའི་མུར་ཐུག་པའི་འགྲོ་བ་ཐམས་ཅད་གདུལ་བའི་ཕྱིར། སངས་རྒྱས་ཀྱི་ཆོས་ཐམས་ཅད་རྣམ་པར་ཕྱེ་བའི་ཆོས་ཀྱི་འཁོར་ལོ་རབ་ཏུ་བསྐོར་བ་འགྲོ་བ་ཐམས་ཅད་གདུལ་བའི་
D44.036.0346b01.01མཐར་ཐུག་པར་བྱིན་གྱི་རླབས་ཀྱིས་བྱིན་ཏུ་རློབ་བོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ནི། སྨོན་ལམ་གྱི་ཁྱད་པར་དེ་ལྟ་བུ་དང་ལྡན་པས་ཡོངས་སུ་གྲུབ་པ་མ་གྲུབ་ན། འཇིག་རྟེན་ཐམས་ཅད་ཀྱི་སློབ་དཔོན་དུ་གྱུར་པ་ཡིན།
D44.036.0346b02.01ཆོས་ཀྱི་ཉི་མ་འཇིག་རྟེན་དུ་ཤར་བ་ཡིན། ཡེ་ཤེས་ཀྱི་ཟླ་བ་འཇིག་རྟེན་ཐམས་ཅད་དུ་སྣང་བར་བྱུང་བ་ཡིན། ཡེ་ཤེས་དམ་པའི་རི་རབ་མི་གཡོ་བ་འཇིག་རྟེན་ཐམས་ཅད་ལས་མངོན་པར་འཕགས་པ་ཡིན། ཡེ་ཤེས་ཀྱི་རྒྱ་མཚོ་ཚད་མེད་པ་
D44.036.0346b03.01འཇིག་རྟེན་ཐམས་ཅད་དུ་ཡང་དག་པར་གནས་པ་ཡིན། བསྒྲུབ་པ་རྒྱུན་མི་ཆད་པས་འཇིག་རྟེན་ཐམས་ཅད་དུ་ཆོས་ཀྱི་ནན་ཏན་བྱེད་པ་ཡིན། འཇིག་རྟེན་གྱི་ཁམས་མཚམས་མེད་པ་ཐམས་ཅད་དུ་རབ་ཏུ་སྣང་བ་ཡིན། རྣམ་པར་དག་
D44.036.0346b04.01པ་ཡངས་ཤིང་མཐའ་ཡས་པ་འགྲོ་བ་ཐམས་ཅད་དུ་བརྗོད་པ་ཡིན། སེམས་ཅན་གྱི་ཁམས་མཐའ་དང་དབུས་མེད་པ་དགེ་བའི་རྩ་བ་དང་བསོད་ནམས་ཀྱི་རྒྱུད་དང་ཐམས་ཅད་མཁྱེན་པ་ཉིད་དང་ལྡན་པའི་སྨོན་ལམ་ཆེན་པོ་རབ་ཏུ་
D44.036.0346b05.01བརྩོན་པར་གཞོག་པ་ཡིན། ཀུན་ཏུ་བཟང་པོས་སྤྱོད་པའི་བརྩོན་འགྲུས་ཡངས་བ་རྒྱ་ཆེན་པོའི་སྨོན་ལམ་ཆེན་པོ་ལ་རབ་ཏུ་གཞོག་པ་ཡིན། སྤྱོད་པ་ཆེན་པོ་དང་ཏིང་ངེ་འཛིན་ཡངས་པའི་རྣམ་པར་འཕྲུལ་པ་བརྗོད་དུ་མེད་
D44.036.0346b06.01པའི་ཡང་བརྗོད་དུ་མེད་པ་ལ་སེམས་ཅན་གྱི་ཁམས་ཡང་དག་པར་གཞོག་ཅིང་རབ་ཏུ་སྦྱོར་རོ། །དེ་ལྟར་བྱང་ཆུབ་སེམས་དཔའི་དེ་ལྟ་བུའི་ངང་ཚུལ་ཅན་དེ་ལྟ་བུའི་ཡེ་ཤེས་ཅན། དེ་ལྟ་བུའི་ཆོས་འཐོབ་པར་གྱུར་པ། དེ་ལྟ་བུའི་
D44.036.0346b07.01