完整藏文原文 · 德格版页 当前仅加载第 36 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
མགོས་ཡོངས་སུ་བསྐང་སྟེ། བག་ཡོད་པའི་སེམས་ཀྱིས་ཡོངས་སུ་གཏོང་བར་གྱུར་ཅིག །འཇིག་རྟེན་གྱི་ཁམས་གྲངས་མེད་པར་རང་གི་ལུས་ལས་བྱུང་བའི་མིག་གིས་ཡོངས་སུ་བཀང་སྟེ། མིག་གི་སྦྱིན་པ་བྱེད་པར་གྱུར་ཅིག །འཇིག་རྟེན་གྱི་
D44.036.0097b01.01ཁམས་གྲངས་མེད་པ་ཤ་དང་རྐང་གིས་ཡོངས་སུ་བཀང་སྟེ། སྡུག་བསྔལ་གྱིས་ཉམས་པ་མེད་པའི་ཡིད་ཀྱི་དབང་པོས་ཡོངས་སུ་གཏོང་བར་གྱུར་ཅིག །འཇིག་རྟེན་གྱི་ཁམས་གྲངས་མེད་པ་བདག་དབང་བའི་རྒྱལ་པོའི་སྲིད་དང་སྐྱིད་པས་ཡོངས་སུ་བཀང་སྟེ།
D44.036.0097b02.01སྲིད་ཀྱི་སྦྱིན་པ་བྱེད་པར་གྱུར་ཅིག །འཇིག་རྟེན་གྱི་ཁམས་གྲངས་མེད་པར་བྲན་དང་ལས་བྱེད་པའི་མིས་ཡོངས་སུ་བཀང་སྟེ། བཏང་བ་ཐམས་ཅད་ཡོངས་སུ་གཏོང་བ་དང་མ་འདྲེས་པར་གཏང་བ་ཆེན་པོའི་སེམས་ལ་གནས་པས་སློང་བ་རེ་རེ་ལ་ཡང་ཡོངས་
D44.036.0097b03.01སུ་གཏོང་བར་གྱུར་ཅིག །དེ་བཞིན་དུ་སེམས་ཅན་གྱི་ཁམས་ཐམས་ཅད་མ་ལུས་པར་ཡོངས་སུ་བཟུང་སྟེ། སེམས་ཅན་གྱི་ཁམས་ཐམས་ཅད་ལ་གཅིག་ཀྱང་མ་ཆུད་པ་མེད་པར་སློང་བ་གཅིག་ལ་ཇི་ལྟར་སློང་བ་ཐམས་ཅད་ལའང་དེ་བཞིན་དུ་སེམས་
D44.036.0097b04.01ཅན་རེ་རེ་ཞིང་ཡང་ཕྱི་མའི་མཐའི་བསྐལ་པའི་མུར་ཐུག་པར་ཚིམ་པར་བྱེད་པར་གྱུར་ཅིག །འཇིག་རྟེན་གྱི་ཁམས་གཅིག་ཏུ་ཕྱི་མའི་མཐའི་བསྐལ་པའི་མུར་ཐུག་པར་བྱང་ཆུབ་སེམས་དཔའི་སྤྱད་པ་སྤྱོད་ཅིང་། འཇིག་རྟེན་གྱི་ཁམས་གཅིག་ཏུ་ཇི་ལྟ་བ་
D44.036.0097b05.01དེ་བཞིན་དུ་འཇིག་རྟེན་གྱི་ཁམས་ཆོས་ཀྱི་དབྱིངས་ཀྱིས་ཀླས་པ། ནམ་མཁའི་དབྱིངས་ཀྱི་མཐས་གཏུགས་པ་ཐམས་ཅད་དུ་ཡང་སྙིང་རྗེ་ཆེན་པོ་ཡངས་པས་ཡོངས་སུ་རྒྱས་པའི་སེམས་དང་སེམས་ཅན་ཐམས་ཅད་ལ་སྙིང་བརྩེ་བས་སེམས་ཅན་
D44.036.0097b06.01ཐམས་ཅད་ལ་རིམ་གྲོ་བྱེད་པའི་ཚེ། དེའི་རྒྱུས་བདག་གི་སེམས་སྦྱིན་པ་ལས་ཕྱིར་ལྡོག་པར་མ་གྱུར་ཅིག །གཏོང་བའི་སེམས་ཀྱིས་སེ་གོལ་གཏོགས་པ་ཙམ་ཡང་སྐྱོ་བར་མ་གྱུར་ཅིག །དེ་ཡང་འདི་ལྟར་ཆགས་པ་མེད་པའི་སེམས་དང་
D44.036.0097b07.01