完整藏文原文 · 德格版页 当前仅加载第 36 函德格 115b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ཕྱིར་ཡོངས་སུ་བསྔོའོ། །དེ་བཞིན་ཉིད་ཀྱིས་ཇི་ལྟར་འགྲོ་བ་ཐམས་ཅད་ཡང་དག་པར་བཟུང་བ་དེ་བཞིན་དུ་དགེ་བའི་རྩ་བ་དེ་དག་བྱང་ཆུབ་སེམས་དཔའི་སྤྱོད་པ་ཐམས་ཅད་ཡང་དག་པར་བཟུང་བ་རབ་ཏུ་ཐོབ་པར་བྱ་བའི་ཕྱིར་ཡོངས་སུ་བསྔོའོ། །ཇི་ལྟར་དེ་བཞིན་
D44.036.0115b01.01ཉིད་སྤྱོད་པ་ཐམས་ཅད་ཀྱི་རྗེས་སུ་སོང་བ་དེ་བཞིན་དུ་དགེ་བའི་རྩ་བ་དེ་དག་བརྗོད་པ་དང་སྤྱོད་པ་ཐམས་ཅད་མ་ལུས་པར་ཡོངས་སུ་ཤེས་པའི་ཡེ་ཤེས་ཀྱི་ཕྱིར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་ཆོས་རྣམ་པ་ཐ་དད་པ་ཐམས་ཅད་མ་ལུས་པ་ལ་འགྲོ་བ་དེ་བཞིན་
D44.036.0115b02.01དུ་དགེ་བའི་རྩ་བ་དེ་དག་སངས་རྒྱས་ཀྱི་ཞིང་ཐམས་ཅད་དུ་མངོན་པར་འཚང་རྒྱ་བས་མངོན་པར་སངས་རྒྱས་ཤིང་རྣམ་པར་འཕྲུལ་པ་ཡང་དག་པར་བསྟན་པ་ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་རྣམ་པར་རྟོག་པ་མེད་པ་དེ་བཞིན་
D44.036.0115b03.01དུ་དགེ་བའི་རྩ་བ་དེ་དག་འཇིག་རྟེན་ཐམས་ཅད་ཀྱི་ཡོངས་སུ་རྟོག་པ་རྣམ་པར་རྟོག་པ་མེད་པར་བྱ་བའི་ཕྱིར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་ལུས་ཐམས་ཅད་ལ་ཡོད་པ་དེ་བཞིན་དུ་དགེ་བའི་རྩ་བ་དེ་དག་ཚད་མེད་པའི་ལུས་ཀྱིས་སངས་རྒྱས་ཀྱི་ཞིང་ཐམས་
D44.036.0115b04.01ཅད་རྒྱས་པར་དགང་པའི་ཕྱིར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་སྐྱེ་བ་མེད་པ་དེ་བཞིན་དུ་དགེ་བའི་རྩ་བ་དེ་དག་སྐྱེ་བ་མེད་པས་སྐྱེ་བ་མངོན་པར་བསྒྲུབ་པ་ལ་མཁས་པ་བསྟན་པའི་ཕྱིར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་གང་ན་ཡང་མེད་པ་མ་ཡིན་པ་
D44.036.0115b05.01དེ་བཞིན་དུ་དགེ་བའི་རྩ་བ་དེ་དག་དུས་གསུམ་དུ་མ་གཏོགས་པའི་ལུས་ཐམས་ཅད་ཀྱིས་ཐམས་ཅད་དུ་རྣམ་པར་འཕྲུལ་ཞིང་སངས་རྒྱས་ཀྱི་ཞིང་བྱིན་གྱིས་བརླབ་པ་ཡང་དག་པར་བསྟན་པ་ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོ་སྟེ། ཇི་ལྟར་དེ་བཞིན་ཉིད་
D44.036.0115b06.01མཚན་མོ་ལ་ཡོད་པ་དེ་བཞིན་དུ་དགེ་བའི་རྩ་བ་འདིས་དུས་ཐམས་ཅད་དུ་བླ་ན་མེད་པའི་སྣང་བ་ཐོབ་ཅིང་། སངས་རྒྱས་ཀྱི་མཛད་པ་ཡོངས་སུ་རྫོགས་པར་གྱུར་ཅིག །ཇི་ལྟར་དེ་བཞིན་ཉིད་ཉིན་མོ་ལ་ཡོད་པ་དེ་བཞིན་དུ་དགེ་བའི་རྩ་བ་འདིས་འགྲོ་བ་ཀུན་གྱི་ཉིན་མོར་
D44.036.0115b07.01