完整藏文原文 · 德格版页 当前仅加载第 36 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷག་པའི་བསམ་པ་ལ་རབ་ཏུ་གནས་པ། གཞན་གྱི་དྲིང་མི་འཇོག་པ་ཤ་སྟག་ཚོགས་པས་ཡོངས་སུ་དག་པ་ཡིན་གྱིས། ཀྱེ་རྒྱལ་བའི་སྲས་དེ་བཞིན་གཤེགས་པའི་བྱིན་གྱིས་ལེགས་པར་བཤད་པ་མཛོད་ཅིག་དང་། བྱང་ཆུབ་སེམས་དཔའ་འདི་དག་ཐམས་ཅད་ནི་རྣམ་
D44.036.0171b01.01པ་འདི་ལྟ་བུའི་གནས་ཟབ་མོ་ལ་མངོན་སུམ་དུ་གནས་པ་ཤ་སྟག་གོ །དེ་ནས་བྱང་ཆུབ་སེམས་དཔའ་རྣམ་པར་གྲོལ་བའི་ཟླ་བས་དོན་འདི་ཉིད་གསལ་བར་བཟླས་པའི་ཕྱིར། བྱང་ཆུབ་སེམས་དཔའ་རྡོ་རྗེའི་སྙིང་པོ་ལ་ཚིགས་སུ་བཅད་དེ་སྨྲས་པ། །བྱང་ཆུབ་སེམས་
D44.036.0171b02.01དཔའི་སྤྱོད་པ་བླ་མེད་པ། །ས་རྣམས་རབ་ཕྱེ་རྣམ་དགོད་བརྟགས་པ་ཡི། །ཡེ་ཤེས་སྦྱོང་ཞིང་བྱང་ཆུབ་ཐོབ་བྱེད་པ། །མཆོག་དང་དམ་པ་ཞི་བའི་ཆོས་རྣམས་ཤོད། །འཁོར་འདི་དག་པ་ཉོན་མོངས་མེད་པའི་མཆོག །མོས་དང་བསམ་པ་ཤིན་ཏུ་སྦྱངས་པ་སྟེ། །
D44.036.0171b03.01སངས་རྒྱས་བྱེ་བ་མང་ལ་སྤྱད་པ་སྤྱད། །ས་འདི་བརྟགས་ལ་ཡིད་ཆེས་ལྡན་པ་ཡིན། །དེ་ནས་བྱང་ཆུབ་སེམས་དཔའ་རྡོ་རྗེའི་སྙིང་པོས་བྱང་ཆུབ་སེམས་དཔའ་རྣམ་པར་གྲོལ་བའི་ཟླ་བ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་འཁོར་འདི་ལྟར་བྱང་ཆུབ་སེམས་དཔའ་
D44.036.0171b04.01སེམས་དཔའ་ཆེན་པོ་ཆོས་ཀྱི་རྣམ་པ་འདི་ལྟ་བུའི་གནས་ཟབ་མོ་ལ་བསམ་པ་ཤིན་ཏུ་སྦྱངས་པ། ཀུན་ཏུ་རྟོག་པ་ཡོངས་སུ་སྦྱངས་པ། སྤྱོད་པ་ཤིན་ཏུ་སྤྱད་པ། ཚོགས་ཤིན་ཏུ་བསྩགས་པ། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ལ་དགེ་བའི་རྩ་བ་ཤིན་ཏུ་བསྩགས་པ། ཡོན་ཏན་དང་ཡེ་ཤེས་
D44.036.0171b05.01ཚད་མེད་པ་དང་ལྡན་པ། ཐེ་ཙོམ་དང་ནེམ་ནུར་མེད་པ། ཉོན་མོངས་པ་དང་བྲལ་བ། མོས་པ་དང་ལྷག་པའི་བསམ་པ་ལ་རབ་ཏུ་གནས་པ། གཞན་གྱི་དྲིང་མི་འཇོག་པ་ཤ་སྟག་ཚོགས་པས་ཤིན་ཏུ་དག་པ་ཡང་ཡིན་ན། འོན་ཀྱང་སེམས་ཅན་མོས་པ་ཆུང་ངུ་གཞན་དག་གིས་ཟབ་
D44.036.0171b06.01མོའི་རྣམ་པ་འདི་ལྟ་བུ་བསམ་གྱིས་མི་ཁྱབ་པའི་གནས་དག་ཐོས་པར་གྱུར་ལ་ཐོས་ནས་ཀྱང་ཐེ་ཙོམ་དང་ཡིད་གཉིས་སུ་གྱུར་ན། དེ་དག་ལ་ཡུན་རིང་པོར་གནོད་པ་དང་། དོན་མེད་པ་དང་། མི་བདེ་བའི་རྒྱུར་འགྱུར་བས་འདི་ལྟ་ཞིག་ཏུ་སྙིང་བརྩེ་བའི་ཕྱིར་བདག་ནི་
D44.036.0171b07.01