完整藏文原文 · 德格版页 当前仅加载第 36 函德格 34a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྡན་པ། ཚོགས་རིན་པོ་ཆེ་ལ་ཤིན་ཏུ་མོས་པའི་བསམ་པ་ཅན། བསྟན་པ་རབ་ཏུ་བཟུང་བའི་ཡིད་དང་ལྡན་པ། ལྷག་པའི་བསམ་པ་ཤིན་ཏུ་བརྟན་པའི་བསམ་པ་ཅན། རིམ་གྲོ་བྱེད་པ་དང་ལྡན་པ། མཆོད་སྦྱིན་
D44.036.0034a01.01ཆེན་པོའི་མཆོད་སྦྱིན་ཤིན་ཏུ་བྱས་པ། བསྟན་པའི་ཡོན་ཏན་ཆེན་པོ་བརྗོད་པ། སངས་རྒྱས་ཀྱི་བསྟན་པ་ཡོན་ཏན་ཐ་{མྱི་,མི་}དད་པས་འོད་གསལ་ཞིང་རྙོག་པ་{མྱེད་,མེད་}པར་དག་པ་སྟེ། དེ་བཞིན་གཤེགས་པའི་དགེ་འདུན་དཀོན་མཆོག་ལ་ཤིང་རྟ་འབུལ་བའི་ཚེ།
D44.036.0034a02.01དགེ་འདུན་དཀོན་མཆོག་ལ་ཤིང་རྟ་ཕུལ་བས་ཡང་དག་པར་བཟུང་བའི་དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་སྟེ། དགེ་བའི་རྩ་བ་འདིས་སེམས་ཅན་ཐམས་ཅད་སངས་རྒྱས་ཀྱི་བསྟན་པ་ལ་ཡང་དག་པར་གཞོལ་བས་ཡང་དག་པར་ཟིན་པར་གྱུར་ཅིག
D44.036.0034a03.01སེམས་ཅན་ཐམས་ཅད་འཕགས་པའི་སྐྱེ་མཆེད་ལས་ཆོས་གཞན་{མྱེད་,མེད་}པར་ཤིན་ཏུ་གྲུབ་པས། སེམས་ནང་དུ་གཞོལ་བར་གྱུར་ཅིག །སེམས་ཅན་ཐམས་ཅད་སངས་རྒྱས་ཀྱི་ཆོས་གཅིག་ནས་གཅིག་ཏུ་བརྒྱུད་པས་ཡང་དག་པར་བཟུང་བས་འཕགས་པར་རེད་
D44.036.0034a04.01པར་གྱུར་ཅིག །སེམས་ཅན་ཐམས་ཅད་འཇིག་རྟེན་ཀུན་གྱི་ཤེས་པས་ཡིད་ཆེས་པར་བྱ་བས་གྲངས་སུ་བགྲང་བར་གྱུར་ཅིག །སེམས་ཅན་ཐམས་ཅད་ཆོས་ཀྱི་དབྱིངས་{མྱི་,མི་}གཉིས་པའི་རང་བཞིན་ཤེས་པ་ཁོང་དུ་ཆུད་པས་ཆགས་པ་{མྱེད་,མེད་}པའི་དབྱིངས་ལ་
D44.036.0034a05.01ཡང་དག་པར་གཞོལ་བར་གྱུར་ཅིག །སེམས་ཅན་ཐམས་ཅད་དེ་བཞིན་གཤེགས་པའི་ཡེ་ཤེས་ཀྱི་སྤྱོད་ཡུལ་གྱིས་ཡང་དག་པར་བྱུང་བས་ཅང་ཤེས་ཀྱིས་ཀུན་ནས་བསྐོར་བར་གྱུར་ཅིག །སེམས་ཅན་ཐམས་ཅད་ཉེ་བའི་ཉོན་མོངས་པའི་རྡུལ་ཐམས་ཅད་
D44.036.0034a06.01དང་བྲལ་བར་ཉོན་མོངས་པ་{མྱེད་,མེད་}པའི་ཆོས་ལ་སྤྱོད་པར་གྱུར་ཅིག །སེམས་ཅན་ཐམས་ཅད་འཕགས་པའི་དགེ་འདུན་སོ་སོའི་སྐྱེ་བོ་{མྱེད་,མེད་}པའི་སས་བླ་ན་མེད་པའི་དགེ་འདུན་དཀོན་མཆོག་རབ་ཏུ་བརྗོད་པར་གྱུར་ཅིག །སེམས་ཅན་ཐམས་ཅད་ཆགས་
D44.036.0034a07.01