完整藏文原文 · 德格版页 当前仅加载第 36 函德格 310a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་མཐོང་ཡང་དེ་བཞིན་གཤེགས་པའི་སྐུ་དེ་རྣམ་པར་འཕེལ་བར་ཡང་མི་བྱེད། འགྲིབ་པར་ཡང་མི་བྱེད་དོ། །ཀྱེ་རྒྱལ་བའི་སྲས་དག །འདི་ལྟ་སྟེ་དཔེར་ན། ནམ་མཁའ་ནི་ཡུངས་ཀར་སྲིན་བུས་ཟོས་
D44.036.0310a01.01པའི་སྦུབས་ཀྱིས་ཆུང་ངུ་བྱས་པ་ཡང་མ་ཡིན། འཇིག་རྟེན་གྱི་ཁམས་གྲངས་མེད་པ་དང་། འཇིག་རྟེན་གྱི་ཁམས་ཀྱི་མཚམས་དེ་དག་གིས་ཡངས་པར་བྱས་པ་ཡང་མ་ཡིན་ནོ། །ཀྱེ་རྒྱལ་བའི་སྲས་དག །དེ་བཞིན་དུ་དེ་བཞིན་གཤེགས་པའི་སྐུ་
D44.036.0310a02.01ཡང་ལྟ་བ་རྒྱ་ཆེན་པོས་ཡངས་པར་བྱས་པ་འང་མ་ཡིན། ལྟ་བ་རྒྱ་ཆུང་ངུས་བལྟས་པས་ཆུང་ངུ་བྱས་པ་ཡང་མ་ཡིན་ནོ། །ཀྱེ་རྒྱལ་བའི་སྲས་དག །འདི་ལྟ་སྟེ་དཔེར་ན། ཟླ་བའི་དཀྱིལ་འཁོར་ནི་འཛམ་བུའི་གླིང་ནས་ལྟ་བས་ཆུང་ངུ་བྱས་
D44.036.0310a03.01པ་འང་མ་ཡིན། ཟླ་བའི་དཀྱིལ་འཁོར་ལ་གནས་ཏེ་བལྟས་པས་ཆེར་བྱས་པ་འང་མ་ཡིན་ནོ། །ཀྱེ་རྒྱལ་བའི་སྲས་དག །དེ་བཞིན་དུ་བྱང་ཆུབ་སེམས་དཔའ་དེ་དག་ཏིང་ངེ་འཛིན་འདི་ལ་གནས་ཤིང་སངས་རྒྱས་དེ་དག་མཐོང་བར་
D44.036.0310a04.01ཡང་འགྱུར་ལ། དེ་བཞིན་གཤེགས་པའི་སྤྲུལ་པ་དེ་དག་ཀྱང་འཇིག་པར་མི་བྱེད་དོ། །བསམ་པ་ཇི་ལྟ་བ་བཞིན་དུ་ཡང་སངས་རྒྱས་མཐོང་བར་བྱེད་དོ། །སངས་རྒྱས་ཀྱི་གསུང་དེ་བཞིན་གཤེགས་པའི་དབྱངས་ཀྱིས་ཆོས་ཇི་སྙེད་དུ་བརྗོད་
D44.036.0310a05.01ཅིང་བསྟན་པ་དེ་དག་ཐམས་ཅད་ཀྱང་རབ་ཏུ་འཛིན་ཅིང་ཤེས་པར་བྱེད་པ་ཡིན། རབ་ཏུ་ཤེས་པར་བྱེད་པ་ཡིན། ཉམས་པ་མེད་པའི་ཆོས་ལ་འང་རབ་ཏུ་རྟེན་པ་ཡིན། ཀྱེ་རྒྱལ་བའི་སྲས་དག །འདི་ལྟ་སྟེ་དཔེར་ན། སེམས་ཅན་རྣམས་
D44.036.0310a06.01ཀྱི་འཆི་འཕོ་དང་སྐྱེ་བ་ནི་སེམས་ལ་གསོལ་བ་གདབ་པ་མེད་དོ། །དེ་བཞིན་དུ་བྱང་ཆུབ་སེམས་དཔའི་ཏིང་ངེ་འཛིན་འདི་ལ་གནས་པའི་འཇིག་རྟེན་གྱི་ཁམས་ཀྱི་རྒྱན་དང་སངས་རྒྱས་རྣམ་པར་དམིགས་པ་ཡང་ནན་ཏན་བྱ་མི་དགོས་
D44.036.0310a07.01