完整藏文原文 · 德格版页 当前仅加载第 36 函德格 380b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་མཐའ་ཡས་འདུ་ཤེས་རྣམ་པ་སྣ་ཚོགས་ཡིན། །མ་ནོར་མིག་དང་ལྡན་པ་རྣམས། །འཇིག་རྟེན་སྣ་ཚོགས་འདུ་ཤེས་རབ་ཏུ་མཐོང་། །འཇིག་རྟེན་སྨིག་རྒྱུ་འདྲ་བ་སྟེ། །འདུ་ཤེས་སྣ་ཚོགས་རྣམ་པས་འཇིག་རྟེན་
D44.036.0380b01.01རྣམ་པར་བཀོད། །འཇིག་རྟེན་འདུ་ཤེས་གནས་པ་སྟེ། །དེ་དག་ཕྱིན་ཅི་ལོག་གསུམ་རྣམ་པར་སྤངས། །ཇི་ལྟར་སྨིག་རྒྱུའི་ཚོགས་ཀྱི་རྣམས། །འགྲོ་བ་རྣམས་ལ་ཆུ་ཡི་རྣམ་པར་དམིགས་པར་སྣང་། །དེ་ལ་ཆུ་ནི་ཡོད་མིན་
D44.036.0380b02.01ཡང་། །ཆུ་ཡི་འདུ་ཤེས་རྣམ་པར་རབ་ཏུ་བསླུ། །དེ་བཞིན་འཇིག་རྟེན་ཐམས་ཅད་ཀྱང་། །ཁམས་གསུམ་ལམ་རྒྱུད་རྣམ་པ་སྣ་ཚོགས་མཐའ་ཡས་ཏེ། །འདུ་ཤེས་རྣམ་པ་སྨིག་རྒྱུ་བཞིན། །ཆགས་མེད་ཡིད་ལྡན་སྤྱོད་ཡུལ་
D44.036.0380b03.01མཐའ་ཡས་སོ། །འདུ་ཤེས་ཐམས་ཅད་རྣམ་པར་སྤངས། །ཆགས་མེད་ཡེ་ཤེས་ལྡན་ཞིང་སྤྲོས་པ་མེད་པ་རྣམས། །འགྲོ་བ་འདུ་ཤེས་ཆགས་གྱུར་པ། །འདུ་ཤེས་བསླུས་ལས་བརྟན་པ་འགྲེལ་བར་བྱེད། །ང་རྒྱལ་རློམ་དང་
D44.036.0380b04.01དྲེགས་པ་སྤངས། །འདུ་ཤེས་ཐམས་ཅད་བསྩལ་ཅིང་འཇིག་རྟེན་འདྲེན་པ་བྱེད། །མི་ཟད་ཟད་པ་རྟོགས་པ་རྣམས། །བདེན་པ་ཟད་མི་ཤེས་པའི་ཚུལ་འདི་ཡིན། །འཇིག་རྟེན་འདི་དག་ཐམས་ཅད་རྨི་ལམ་ལྟ་བུར་ཁོང་དུ་ཆུད།
D44.036.0380b05.01ཆོས་རྣམས་ཐམས་ཅད་རྨི་ལམ་ངོ་བོ་ཉིད་དུ་རབ་ཏུ་རྟོགས། །རྨི་ལམ་དེ་དག་ཡུལ་ལ་མི་གནས་ཕྱོགས་ལ་འང་མི་གནས་ཏེ། །རྨི་ལམ་ལྟ་བུར་འཇིག་རྟེན་རབ་ཏུ་ཞི་ལ་དེ་དག་གཞོལ། །རྨི་ལམ་རང་བཞིན་མཁས་ཤིང་རྣམ་པར་རྟོག་མེད་
D44.036.0380b06.01ཆོས་དང་ལྡན། །རྨི་ལམ་རྟོགས་པའི་ཡིད་ལྡན་སེམས་ལ་འགྱུར་བ་གང་ཡང་མེད། །འཇིག་རྟེན་ཀུན་ཏུ་རྨི་ལམ་ལྟ་བུར་ཤིན་ཏུ་རྒྱུ་ཞིང་སྤྱོད། །དུས་གསུམ་མ་ལུས་ཐམས་ཅད་སྒྱུ་མ་ལྟ་བུའི་ཚུལ་དུ་རྟོགས། །རྨི་ལམ་ཤི་འཕྱོར་
D44.036.0380b07.01