完整藏文原文 · 德格版页 当前仅加载第 36 函德格 72b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ཐམས་ཅད་སངས་རྒྱས་ཐམས་ཅད་བསྙེན་བཀུར་བ་དང་རིམ་གྲོ་བྱ་བ་ལ་མཁས་ཤིང་བརྩོན་ཏེ། ཅང་ཤེས་ཀྱི་སེམས་དང་ལྡན་པར་གྱུར་ཅིག །སེམས་ཅན་ཐམས་ཅད་སངས་རྒྱས་ཐམས་ཅད་ཀྱི་བཀའ་ཡང་དག་པར་ལེན་ཅིང་སངས་རྒྱས་ཐམས་ཅད་དང་
D44.036.0072b01.01མཐུན་པའི་རིམ་གྲོ་བར་གྱུར་ཅིག །སེམས་ཅན་ཐམས་ཅད་ཡིད་ལ་བྱ་བ་དང་བསམ་པ་དང་། རྣམ་པར་རྟོག་པ་གཞན་མེད་ཅིང་སངས་རྒྱས་ཐམས་ཅད་ལ་རྟག་ཏུ་སྐབས་ཕྱེ་བར་གྱུར་ཅིག །སེམས་ཅན་ཐམས་ཅད་དགེ་བ་ཐམས་ཅད་ཡང་དག་པར་
D44.036.0072b02.01སྡུད་པ་ལ་བརྩོན་ཞིང་སངས་རྒྱས་ཐམས་ཅད་ཀྱི་རིགས་ལས་མི་ཉམས་པ་དང་། སངས་རྒྱས་ཀྱི་རྗེས་སུ་སྙེག་པར་གྱུར་ཅིག །སེམས་ཅན་ཐམས་ཅད་དོན་ཡོད་པར་དུས་ཐམས་ཅད་དུ་འཕྲད་ཅིང་སངས་རྒྱས་ཐམས་ཅད་ལ་དུས་དང་མཐུན་པར་རིམ་གྲོ་
D44.036.0072b03.01དང་བསྙེན་བཀུར་བྱེད་པར་གྱུར་ཅིག །སེམས་ཅན་ཐམས་ཅད་ཡི་གེ་རྣམ་པར་དག་པས་མི་འཇིགས་པར་སྤྱོད་ཅིང་། སངས་རྒྱས་ཀྱི་ཆོས་ཀྱི་དོན་འཛིན་པར་གྱུར་ཅིག །སེམས་ཅན་ཐམས་ཅད་སངས་རྒྱས་ཐམས་ཅད་ལ་ལུས་དང་སྲོག་ཕུལ་ཞིང་།
D44.036.0072b04.01སངས་རྒྱས་ཐམས་ཅད་ལ་ངོམས་མི་ཤེས་པར་ལྟ་བར་གྱུར་ཅིག །སེམས་ཅན་ཐམས་ཅད་འཇིག་རྟེན་གྱི་གནས་ཐམས་ཅད་ཡང་དག་པར་འཇོམས་པས། སངས་རྒྱས་ཐམས་ཅད་ལ་ལྟ་བ་དང་ལྡན་པར་གྱུར་ཅིག །སེམས་ཅན་ཐམས་ཅད་ངོ་མཚར་དུ་འཛིན་པ་དང་།
D44.036.0072b05.01དེ་མ་ཡིན་པའི་གནས་གཞན་མེད་ཅིང་སངས་རྒྱས་ཐམས་ཅད་ལ་རྟེན་པར་གྱུར་ཅིག །སེམས་ཅན་ཐམས་ཅད་སངས་རྒྱས་ཀྱི་ཆོས། བླ་ན་མེད་པ་ལ་མངོན་དུ་གྱུར་པའི་སེམས་དང་ལྡན་པར་གྱུར་ཏེ། སངས་རྒྱས་ཀྱི་རྗེས་སུ་འབྲང་བའི་བློ་གྲོས་
D44.036.0072b06.01དང་ལྡན་པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རིམ་གྲོ་པ་ཡོངས་སུ་བཏང་བས་ཡང་དག་པར་བསྡུས་པའི་དགེ་བའི་རྩ་བ་དེ་དག་སེམས་ཅན་ཐམས་ཅད་ཀྱིས་རྡུལ་མེད་ཅིང་། རྡུལ་དང་བྲལ་བ་དྲི་མ་མེད་པ་རྙོག་
D44.036.0072b07.01