完整藏文原文 · 德格版页 当前仅加载第 36 函德格 7b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་བཅོམ་ལྡན་འདས་གང་ཇི་སྙེད་ཆོས་ཀྱི་དབྱིངས་མཐའ་དང་དབུས་མེད་པའི་འཇིག་རྟེན་གྱི་ཁམས་དང་། ནམ་མཁའི་དབྱིངས་འབྱམ་ཀླས་པ་ལ་རབ་ཏུ་གནས་པའི་འཇིག་རྟེན་གྱི་ཁམས་ཀྱི་རྒྱུད་དང་། ལས་གཞན་དང་གཞན་གྱིས་ཤིན་ཏུ་བསྒྲུབས་པའི་
D44.036.0007b01.01ཕྱོགས་འབྱམ་ཀླས་པ་དང་། འཇིག་རྟེན་གྱི་ཁམས་བརྗོད་དུ་མེད་པར་རྣམ་པར་རྒྱུ་བའི་འཇིག་རྟེན་གྱི་ཁམས་དང་། སངས་རྒྱས་ཀྱི་ཞིང་བརྗོད་དུ་མེད་པའི་འཇིག་རྟེན་གྱི་ཁམས་ཀྱི་ཁོངས་མཐའ་ཡས་པ་དང་། སངས་རྒྱས་ཀྱི་{དམྱིགས་,དམིགས་}པ་ལ་གནས་པའི་འཇིག་རྟེན་གྱི་
D44.036.0007b02.01ཁམས་དུ་མ་དང་། འཇིག་རྟེན་གྱི་ཁམས་སྣ་ཚོགས་འབྱམ་ཀླས་པ་དང་། ས་མཚམས་{མྱེད་,མེད་}པའི་འཇིག་རྟེན་གྱི་འཁོར་དང་སྣྲེལ་ཞིར་རྒྱུ་བའི་འཇིག་རྟེན་གྱི་ཁམས་མངོན་པར་གྲུབ་པ་དང་། སྤྱིའུ་ཚུགས་སུ་རྒྱུ་བའི་ཕྱོགས་ཀྱི་འཁོར་གྱི་རྒྱུད་ཀྱི་འཇིག་རྟེན་གྱི་ཁམས་འབྱམ་
D44.036.0007b03.01ཀླས་པ་དང་། སེམས་ཀྱི་འཁོར་མཐའ་དང་དབུས་མེད་པའི་འཇིག་རྟེན་གྱི་ཁམས་འབྱམ་ཀླས་པ་ཤིན་ཏུ་བསྟན་པ་ཐམས་ཅད་མ་ལུས་པ་དེ་དག་ན་བཞུགས་ཤིང་འཚོ་བ་དང་། སངས་རྒྱས་ཀྱི་འཕྲུལ་པ་དང་། ཆོ་འཕྲུལ་ཡང་དག་པར་སྟོན་པ་དང་། བྱང་
D44.036.0007b04.01ཆུབ་སེམས་དཔའ་དེ་དག་ཆོས་ཀྱི་དབྱིངས་མ་ལུས་པ་དང་། ནམ་མཁའི་དབྱིངས་སུ་རྩ་བ་མ་རྙེད་པ། འགྲོ་བ་ཐམས་ཅད་ཡོངས་སུ་གཟུང་བར་བསྒྲུབ་པའི་དེ་བཞིན་གཤེགས་པའི་བྱིན་གྱི་རླབས་ཡང་དག་པར་སྟོན་པ་དང་། སངས་རྒྱས་ཀྱི་གཟིགས་པ་ཡེ་ཤེས་
D44.036.0007b05.01འབྱམ་ཀླས་པའི་མངོན་པར་ཤེས་པས་ཐུགས་སུ་ཆུད་པ། རབ་ཏུ་བརྗོད་པ་རྣམ་པར་འཕྲུལ་པ་མཐའ་དང་དབུས་མེད་པས་རབ་ཏུ་བྱུང་བ། ཆོས་ཐམས་ཅད་ཀྱི་རང་བཞིན་གྱི་རྗེས་སུ་སོང་བ་ཐ་མི་དད་པའི་ཆོས་ཀྱི་དབྱིངས་གཞི་མཉམ་པ་ལ་རབ་ཏུ་ཞུགས་པ།
D44.036.0007b06.01དེ་བཞིན་གཤེགས་པའི་སྙིང་པོའི་ལུས་སུ་གཅིག་པ། ཆོས་ཐམས་ཅད་ཀྱིས་རབ་ཏུ་ཞུགས་པ་མེད་པ། འགྲོ་བ་ཐམས་ཅད་ལ་ཡང་དག་པར་སྟོན་པས་ན་ཕྱིར་ལྡོག་པ་མེད་པ། འཇིག་རྟེན་གྱི་ཁམས་ཐམས་ཅད་མངོན་པར་བསྒྲུབ་པ་ལ་མཁས་པ་ཐུགས་སུ་ཆུད་པས་
D44.036.0007b07.01