完整藏文原文 · 德格版页 当前仅加载第 36 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
རྡལ་དུ་ཕྱིན་གྱི་བར་དུ་ཤིན་ཏུ་མཁས་པ་ཡིན། ལམ་གྱི་བར་མ་ལ་དེ་ནས་མ་འཕགས་པར་དེ་ཉིད་ནས་ཤེས་པས་ཤིན་ཏུ་བརྟགས་པའི་བློ་དང་བརྒྱགས་ཀྱི་ཚོགས་ཆེན་པོ་ཕུན་སུམ་ཚོགས་པས་ལམ་གྲོགས་མང་པོ་རྣམས་ཉམ་ཉེས་{མྱེད་,མེད་}
D44.036.0184a01.01པར་གྲོང་རྡལ་ཆེན་པོ་དེར་ཕྱིན་པར་བྱེད་དེ། མྱ་ངམ་དང་དགོན་པའི་ཉེས་པས་བདག་དང་ལམ་གྲོགས་རྣམས་ལ་གནོད་པར་མི་འགྱུར་བར་བྱེད་དོ། །ཀྱེ་རྒྱལ་བའི་སྲས་དག །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་དེད་དཔོན་མཁས་པ་
D44.036.0184a02.01ཡང་གང་གི་ཚེ་བྱང་ཆུབ་སེམས་དཔའི་ས་དང་པོ་ལ་གནས་ཤིང་སའི་ཕྱོགས་དང་མི་མཐུན་པའི་ཕྱོགས་ལ་མཁས་པ་དང་། ས་འགྲུབ་པ་དང་འཇིག་པ་ལ་མཁས་པ་དང་། སའི་རྣམ་པ་དང་རྒྱུ་མཐུན་པའི་འབྲས་བུ་ལ་མཁས་པ་དང་། ས་འཐོབ་པར་བྱ་
D44.036.0184a03.01བ་དང་། རྣམ་པར་བསྒོམ་པ་ལ་མཁས་པ་དང་། སའི་ཡན་ལག་ཡོངས་སུ་སྦྱང་བ་ལ་མཁས་པ་དང་། ས་ནས་སར་འཕར་བ་ལ་མཁས་པ་དང་། ས་ནས་སར་རྣམ་པར་གནས་པ་ལ་མཁས་པ་དང་། ས་ནས་སར་ཁྱད་པར་དུ་འགྱུར་བའི་ཡེ་ཤེས་ལ་
D44.036.0184a04.01མཁས་པ་དང་། ས་ནས་ས་ཐོབ་པ་ལས་ཕྱིར་མི་ལྡོག་པ་ལ་མཁས་པ་དང་། བྱང་ཆུབ་སེམས་དཔའི་ས་ཐམས་ཅད་ཡོངས་སུ་སྦྱང་བས་དེ་བཞིན་གཤེགས་པའི་ས་གནོན་པ་ལ་མཁས་པར་གྱུར་པ་དེའི་ཚེ། བསོད་ནམས་ཀྱི་ཚོགས་ཆེན་པོའི་
D44.036.0184a05.01བརྒྱགས་ཡོངས་སུ་གཟུང་བ་དང་། ཡེ་ཤེས་ཀྱི་ཚོགས་ཆེན་པོ་ལ་རྣམ་པར་དབྱེ་བ་ཤིན་ཏུ་བྱས་པ་དང་། སེམས་ཅན་གྱི་ལམ་གྲོགས་མང་པོ་ཡོངས་སུ་གདོན་པའི་བསམ་པ་དང་ལྡན་པས་ཐམས་ཅད་མཁྱེན་པའི་གྲོང་རྡལ་ཆེན་པོར་ཕྱིན་པར་བྱ་བར་
D44.036.0184a06.01འདོད་ཅིང་ཐོག་མ་ནས་སའི་ལམ་དང་། སའི་ལམ་གྱི་ཡོན་ཏན་དང་། སའི་ལམ་གོལ་བའི་ཉེས་པ་དང་། སའི་ལམ་གྱི་བར་མལ་གྱི་ཁྱད་པར་དང་། སའི་ལམ་གྱི་བར་མལ་འཁྲུལ་ན་ཉེས་པར་འགྱུར་བ་དང་། བསོད་ནམས་ཀྱི་ཚོགས་
D44.036.0184a07.01