完整藏文原文 · 德格版页 当前仅加载第 36 函德格 374b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ཀྱང་ཡོད་པའང་མ་ཡིན་མེད་པའང་མ་ཡིན་ནོ། །ཇི་ལྟར་སྤྲུལ་པ་དེ་ཡོད་པའང་མ་ཡིན་མེད་པ་ཡང་མ་ཡིན་པ་དེ་བཞིན་དུ། བྱང་ཆུབ་སེམས་དཔའ་སེམས་དཔའ་ཆེན་པོ་ཡང་སྤྲུལ་པ་ལྟ་བུའི་བཟོད་པ་ལ་གནས་ཤིང་། སངས་རྒྱས་ཐམས་ཅད་
D44.036.0374b01.01ཀྱི་བྱང་ཆུབ་ཀྱང་ཡོངས་སུ་རྫོགས་པར་བྱེད་དོ། །སེམས་ཅན་གྱི་དོན་ཀྱང་རབ་ཏུ་བྱེད་དོ། །ཀྱེ་རྒྱལ་བའི་སྲས་དག་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སྤྲུལ་པ་ལྟ་བུའི་བཟོད་པ་ཐོབ་པ་སྟེ། དགུ་པའོ། །བཟོད་པ་དེ་
D44.036.0374b02.01དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་སངས་རྒྱས་ཀྱི་ཞིང་ཐམས་ཅད་ལ་མི་གནས་པ་ཡིན་ཏེ། ཇི་ལྟར་སྤྲུལ་པ་དེ་འཇིག་རྟེན་གྱི་ཁམས་ཐམས་ཅད་ལ་མི་གནས་པར་སྤྱོད་ཅིང་། སངས་རྒྱས་ཀྱི་ཆོས་ཐམས་ཅད་ལ་རྣམ་པར་རྟོག་
D44.036.0374b03.01པ་མེད་པར་སྤྱོད་པ་དང་། ཇི་ལྟར་སྤྲུལ་པ་དེ་སངས་རྒྱས་ཀྱི་བྱང་ཆུབ་དང་བྱང་ཆུབ་སེམས་དཔའི་སྤྱོད་པ་ཐམས་ཅད་ལ་དུབ་པ་མེད་པར་སྤྱོད་པ་དང་། ཇི་ལྟར་སྤྲུལ་པ་དེ་ཕྱིན་ཅི་ལོག་མེད་ཅིང་ལུས་སུ་དམིགས་པ་ཐམས་ཅད་ལ་ལུས་མེད་པར་
D44.036.0374b04.01སྤྱོད་པ་དང་། ཇི་ལྟར་སྤྲུལ་པ་དེ་བྱིན་གྱི་རླབས་ཀྱིས་གཟུགས་ཀྱི་རྣམ་པ་ཐམས་ཅད་ཀྱི་གཟུགས་ལ་མི་གནས་པར་སྤྱོད་པ་དང་། ཇི་ལྟར་སྤྲུལ་པ་དེ་རང་བཞིན་སྣང་བའི་ཚུལ་དུ་ཡང་དག་པའི་མཐའ་མཉམ་པ་ཉིད་ཡོངས་སུ་རྫོགས་པར་བྱེད་པ་
D44.036.0374b05.01དང་། ཇི་ལྟར་སྤྲུལ་པ་དེ་ཆོས་ཐམས་ཅད་ལ་རྣམ་པར་གྲོལ་བའི་ཆོས་གནས་མེད་པར་སྤྱོད་པ་དང་། ཇི་ལྟར་སྤྲུལ་པ་དེ་གནས་མེད་པའི་རང་བཞིན་དང་། ཆོས་ཐམས་ཅད་ཀྱི་ཚུལ་གྱི་རྣམ་པར་བྱང་བ་ལ་སྤྱོད་པ་དང་། ཇི་ལྟར་སྤྲུལ་པ་དེ་དེ་
D44.036.0374b06.01བཞིན་གཤེགས་པ་ཐམས་ཅད་ཀྱི་འཁོར་དུ་ཆོ་འཕྲུལ་གྱི་ཉེ་བར་འགྲོ་ཞིང་འགྲོ་བ་མེད་པར་སྤྱོད་པ་དང་། ཇི་ལྟར་སྤྲུལ་པ་དེ་ཁོར་ཡུག་དང་། རི་རབ་ཐམས་ཅད་ལ་སྣང་བ་བཞིན་ནོ། །ཀྱེ་རྒྱལ་བའི་སྲས་དག་བྱང་ཆུབ་སེམས་དཔའ་སེམས་དཔའ་
D44.036.0374b07.01