完整藏文原文 · 德格版页 当前仅加载第 36 函德格 379a 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་པ་མེད། །མ་སྐྱེས་གང་ཡིན་ཆོས་དེ་ནམ་ཡང་འགག་པ་མེད། །དམ་པའི་ཆོས་ཀྱི་རྐྱེན་བརྟེན་མཁས་པ་རབ་ཏུ་ཞུགས། །མ་འགག་གང་ཡིན་མི་ཟད་ཆོས་རྒྱུད་དེ་དང་དེ། །ཆོས་ཉིད་འདི་ཡི་ཚུལ་ལ་
D44.036.0379a01.01རབ་ཏུ་གནས་པ་ཡིན། །ཐ་དད་ཆེད་པའི་ཆོས་དབྱིངས་འདི་ལ་རབ་ཏུ་འཇུག །འཇིག་རྟེན་ཐ་དད་མེད་པའི་རྒྱུད་ཀྱི་ཚུལ་ཡང་ཤེས། །དེ་བཞིན་ཉིད་མཉམ་འཇིག་རྟེན་ཞི་བའི་གཞར་གྱུར་པ། །གཞི་མེད་ཐ་དད་མེད་པའི་ཡང་དག་
D44.036.0379a02.01མཐའ་ཤེས་ཏེ། །སྨོན་ལམ་རྡོ་རྗེའི་རང་བཞིན་འགྲོ་ལ་ཕན་ཕྱིར་འདེབས། །རྒྱལ་སྲས་དེ་ནི་བདེ་གཤེགས་མཁྱེན་ལའང་མངོན་ཆགས་མེད། །དེ་ནི་དབེན་གཞོལ་སངས་རྒྱས་ཆོས་རྣམས་སྟོན་པ་བྱེད། །ཆོས་ཀྱི་ཤུགས་
D44.036.0379a03.01ལས་འོན་ཀྱང་གཡོ་བར་འགྱུར་བ་མེད། །བརྡ་དང་གྲངས་ཀྱི་ཚུལ་གྱིས་མངོན་པར་འདུ་བྱེད་དེ། །འཇིག་རྟེན་སྙིང་བརྩེར་སྨོན་ལམ་དམ་པ་རབ་ཏུ་འདེབས། །སྨོན་ལམ་འདེབས་ལ་གནས་ཀྱང་སྟོབས་བཅུ་ལྡན་པ་སྟེ། །
D44.036.0379a04.01འགྲོ་བ་མ་ལུས་ཀུན་ལ་དེ་ནི་གནས་པ་མེད། །མཁས་པའི་ཡེ་ཤེས་ཡོངས་སུ་ལེན་དང་འདོར་བ་སྤངས། །ཆོས་དང་ཆོས་ཀྱི་མན་ངག་རྣམ་པའི་ཚུལ་ལ་མཁས། །འདི་ནི་བཟོད་པའི་དམ་པ་མ་སྐྱེས་ཆོས་ཅན་ཏེ། །དེས་ནི་
D44.036.0379a05.01ཆོས་རྣམས་ཟད་མེད་ཟད་པར་མི་འགྱུར་རོ། །མི་སྐྱེའི་ཚུལ་གྱིས་ཡོངས་སུ་གདམས་བྱའི་ཆོས་ཀྱི་དབྱིངས། །དེ་བཞིན་ཉིད་ལས་བརྟན་པ་རྣམ་པར་འགྱུར་བ་མེད། །རྒྱལ་སྲས་བྱང་ཆུབ་དོན་དུ་བཟོད་པ་འདིར་གནས་པ། །དེ་ལ་ཕྱོགས་ཀུན་
D44.036.0379a06.01སངས་རྒྱས་མཐའ་ཡས་ལུང་ཡང་སྟོན། །རྒྱལ་སྲས་དེ་ལ་སངས་རྒྱས་མཁྱེན་པས་དབང་བསྐུར་མཛད། །ཕྱོགས་བཅུ་ཀུན་ནས་རབ་ཏུ་སྣང་བར་མངོན་དུ་གནས། །དེ་དག་ཆོས་ཀུན་རབ་ཞི་རྟག་ཏུ་ཞི་བའི་སེམས། །མངོན་པར་སྒྲུབ་ཅིང་དགེ་
D44.036.0379a07.01