完整藏文原文 · 德格版页 当前仅加载第 36 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པ་ཡིན། འཇིག་རྟེན་གྱི་ཆོས་ཀྱིས་མ་གོས་པས་འཇིག་རྟེན་ལས་འདས་པའི་ཆོས་དང་འབྱོར་པ་ཡིན། ཡེ་ཤེས་དང་ལྡན་པའི་མངོན་པར་ཤེས་པའི་ལས་དང་ལྡན་པས་ལས་འབྱམ་ཀླས་པ་མཐའ་དང་དབུས་མེད་པ་ཐམས་ཅད་རབ་ཏུ་ཤེས་པ་ཡིན། གནས་པ་ཐམས་ཅད་
D44.036.0005b01.01ཡང་དག་པར་བཅོམ་པས་ཡོངས་སུ་བསྔོ་བ་ལ་མཁས་པ་ཡིན་ཏེ། ཀྱེ་རྒྱལ་བའི་སྲས་དག །འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡོངས་སུ་བསྔོ་བ་གསུམ་པ་སངས་རྒྱས་ཐམས་ཅད་ལ་ཡང་དག་པར་བསྐྱེད་པ་ཞེས་བྱ་བ་སྟེ་བསྔོ་བ་དེ་ལ་གནས་པའི་སེམས་དང་ལྡན་
D44.036.0005b02.01པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། དེ་བཞིན་གཤེགས་པའི་ཕྲིན་ལས་ཀྱི་ཟིལ་དང་ལྡན་པ་ཡིན། སངས་རྒྱས་ཀྱི་ཕུན་སུམ་ཚོགས་པ་ལ་ཞུགས་པ་ཡིན། ཡེ་ཤེས་ཀྱི་ཡུལ་ལ་ཞུགས་པ་ཡིན། བྱང་ཆུབ་སེམས་དཔའི་ལས་དང་མ་བྲལ་བ་ཡིན། ཐབས་མཁས་པ་རྣམ་
D44.036.0005b03.01པར་དཔྱོད་པ་ལ་མཁས་པ་ཡིན། ཆོས་ཀྱི་དབྱིངས་ལ་རབ་ཏུ་ཞུགས་པ་ཡིན། བྱང་ཆུབ་སེམས་དཔས་ཡོངས་སུ་སྨྱིན་པར་བྱ་བའི་ཕྱིར། མཚམས་སྦྱོར་བ་ལ་མཁས་པ་དང་ལྡན་པ་ཡིན། དེ་བཞིན་གཤེགས་པ་ཐམས་ཅད་ཀྱི་རིགས་དང་རྒྱུད་དུ་ཆུད་པ་ཡིན། ཆོས་ཐམས་ཅད་ཀྱི་རྒྱུས་
D44.036.0005b04.01མཐའ་དང་དབུས་མེད་པ་ལ་མཁས་པས་རབ་ཏུ་དབྱེ་བར་ཁོང་དུ་ཆུད་པ་ཡིན། འཇིག་རྟེན་དུ་སྐྱེ་བར་སྣང་ཡང་འཇིག་རྟེན་གྱི་ཆོས་ཀྱིས་མི་བརྗོད་པ་ཡིན་ནོ། །དེ་ནས་བྱང་ཆུབ་སེམས་དཔའ་རྡོ་རྗེའི་རྒྱལ་མཚན་གྱིས། སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་
D44.036.0005b05.01བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །དེ་དག་བསྔོ་བ་བསླབ་པ་བསླབས་པ་སྟེ། །སྐྱེས་བུའི་གཙོ་བོ་ཇི་སྙེད་འདས་པ་དང་། །གང་དག་མ་བྱོན་གང་དག་བཞུགས་པ་རྣམས། །དེ་དག་སྤྱོད་པ་རྗེས་སུ་དཔའ་བ་སློབ། བདེ་བ་ཇི་སྙེད་གང་དག་རྒྱུ་བ་དང་། །
D44.036.0005b06.01སྐྱེས་བུའི་གཙོ་བོས་གང་དག་རབ་བསྔགས་པ། །{མྱིག་,མིག་}དུ་འོང་ཞིང་དག་པ་རྒྱ་ཆེན་རྣམས། །འཇིག་རྟེན་མཁྱེན་པ་རྣམས་ལ་ཡོངས་སུ་བསྔོ། །ལུས་ཀྱི་བདེ་བ་གང་དག་ཤེས་པ་དང་། །{མྱིག་,མིག་}བདེ་དེ་བཞིན་རྣ་བའི་བདེ་བ་དང་། །སྣ་དང་ལྕེ་ཡི་བདེ་བ་མཐའ་ཡས་པ། །དེ་དག་རྒྱལ་བ་
D44.036.0005b07.01