完整藏文原文 · 德格版页 当前仅加载第 36 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱ་བའི་ཕྱིར་དགེ་བའི་རྩ་བ་ཐམས་ཅད་ཡོངས་སུ་འགྱུར་བར་ཤོག་ཤིག །སེམས་ཅན་ཐམས་ཅད་ཀྱིས་ཐམས་ཅད་མཁྱེན་པའི་ཡེ་ཤེས་ཁོང་དུ་ཆུད་པར་བྱ་བའི་ཕྱིར་དགེ་བའི་རྩ་བ་འདི་དག་མ་ལུས་པར་རྐྱེན་དུ་འགྱུར་བར་ཤོག་ཤིག །ཅི་ནས་ཀྱང་བདག་
D44.036.0010a01.01མེད་པའི་ཆོས་ཀྱི་དབྱིངས་ལས་ཆོས་ཐམས་ཅད་འདའ་བར་མི་འགྱུར་བར་དགེ་བའི་རྩ་བ་འདི་དག་གིས་སེམས་ཅན་ཐམས་ཅད་སངས་རྒྱས་ཐམས་ཅད་ལ་བསྙེན་བཀུར་ཡོངས་སུ་སྤྱོད་པས་ཡང་དག་པར་ཟིན་པར་གྱུར་ཅིག །ཆགས་པ་མེད་པ་ལ་འཇུག་པའི་ཕྱིར་ཆོས་ཐམས་ཅད་
D44.036.0010a02.01ལ་ཡང་དག་པར་ཟིན་པར་གྱུར་ཅིག །བྱང་ཆུབ་སེམས་དཔའ་ཐམས་ཅད་དགེ་བའི་རྩ་བ་ཐམས་ཅད་ཀྱི་གྲོགས་གཅིག་ཏུ་འཐུན་པ་ཡང་དག་པར་ཟིན་པར་གྱུར་ཅིག །བྱང་ཆུབ་སེམས་དཔའི་སྤྱོད་པ་ཐམས་ཅད་སྨོན་ལམ་ཡོངས་སུ་རྫོགས་པས་ཡང་དག་པར་ཟིན་པར་གྱུར་ཅིག
D44.036.0010a03.01བསྒྲིབས་པ་མེད་པ་ཁོང་དུ་ཆུད་པར་བྱ་བའི་ཕྱིར་བྱང་ཆུབ་སེམས་དཔའི་ཆོས་སྣང་བ་ཐམས་ཅད་ཡང་དག་པར་ཟིན་པར་གྱུར་ཅིག་མཐའ་དང་དབུས་{མྱེད་,མེད་}པ་ལ་མཁས་པར་བྱ་བའི་ཕྱིར། དེ་བཞིན་གཤེགས་པ་ཐམས་ཅད་ཀྱི་རྣམ་པར་འཕྲུལ་པས་ཡང་དག་པར་ཟིན་པར་གྱུར་ཅིག
D44.036.0010a04.01སེམས་ཚད་མེད་པས་ཡོངས་སུ་རྒྱས་པར་བྱ་བའི་ཕྱིར་སངས་རྒྱས་ཐམས་ཅད་ཀྱི་སྟོབས་དང་མི་བསྙེངས་པས་ཡང་དག་པར་ཟིན་པར་གྱུར་ཅིག །མི་གཉིས་པའི་སྣང་བ་གྲུབ་པས་བྱང་ཆུབ་སེམས་དཔའི་ཏིང་ངེ་འཛིན་དང་སྤོབས་པ་དང་། གཟུངས་ཀྱི་སྒོར་འཇུག་
D44.036.0010a05.01པས་ཡང་དག་པར་ཟིན་པར་གྱུར་ཅིག །དེ་བཞིན་གཤེགས་པའི་རྣམ་པར་འཕྲུལ་པ་དང་། ཆོ་འཕྲུལ་ཆེན་པོ་ཤིན་ཏུ་བསྟན་པ་བསྒྲུབ་པའི་ཕྱིར། དེ་བཞིན་གཤེགས་པ་ཐམས་ཅད་ཀྱི་ཚུལ་ལ་མཁས་པས་ཡང་དག་པར་ཟིན་པར་གྱུར་ཅིག །སྐྱེ་བ་དང་རྣམ་པར་འཚང་
D44.036.0010a06.01རྒྱ་བ་དང་། འཁོར་ལོ་བསྐོར་བ་དང་། མྱ་ངན་ལས་འདའ་བ་དང་། ཉེ་བར་གཤེགས་པ་བསྟན་པ་དང་། མཆོད་པ་དང་རིམ་གྲོ་དང་། སེམས་ཅན་གདུལ་བ་ལ་འཇུག་པའི་ཕྱིར། དེ་བཞིན་གཤེགས་པ་དུས་གསུམ་དུ་བྱོན་པ་མཐའ་དང་དབུས་མེད་པ་ཐམས་ཅད་
D44.036.0010a07.01