完整藏文原文 · 德格版页 当前仅加载第 36 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་ཐོབ་པ། མུན་པ་{མྱེད་,མེད་}པའི་ཆོས་ཀྱི་དབྱིངས་ཀྱི་ཡེ་ཤེས་དང་ལྡན་པ། ཆོས་ཀྱི་དབྱིངས་ཐམས་ཅད་ལུས་གཅིག་གིས་ཁྱབ་པར་བྱེད་པའི་རྣམ་པར་འཕྲུལ་པ་ཆེན་པོ་ཡང་དག་པར་སྟོན་པ། ཡེ་ཤེས་ཆེན་པོ་ཁོང་དུ་ཆུད་པས་ཐམས་
D44.036.0017a01.01ཅད་མཁྱེན་པ་ཉིད་ཀྱི་སྤྱོད་ཡུལ་དང་ལྡན་པ། ཆོས་ཀྱི་དབྱིངས་མཐའ་ཡས་པའི་ཚིག་རབ་ཏུ་དབྱེ་བ། མངོན་པར་བསྒྲུབ་པ་ལ་མཁས་པ། ཞིང་ཐམས་ཅད་ཀྱི་རྗེས་སུ་སོང་བ་གནས་མེད་པར་སངས་རྒྱས་ཀྱི་ཞིང་ཐམས་ཅད་ན་གནས་པ། ནམ་མཁའི་དབྱིངས་སུ་
D44.036.0017a02.01མོས་པས་{མྱི་,མི་}གནས་པའི་ཡིད་དང་ལྡན་པ། ཆོས་ཀྱི་དབྱིངས་ཐམས་ཅད་དུ་རྣམ་པར་ཕྱེ་བའི་བསམ་པ་ཅན། བྱང་ཆུབ་སེམས་དཔའི་ཏིང་ངེ་འཛིན་བསམ་གྱིས་མི་ཁྱབ་པ་ལ་མཉམ་པར་གཞོལ་བ་ལ་མཁས་པ། ཐམས་ཅད་མཁྱེན་པའི་སྤྱོད་ཡུལ་(ཀྱི་,གྱི་)སངས་རྒྱས་ཀྱི་
D44.036.0017a03.01ཞིང་ལ་གནས་པ། སངས་རྒྱས་ཐམས་ཅད་ཀྱི་བྱིན་གྱི་རླབས་ཤེས་པར་བྱ་བ་ལ་མཁས་པ། ཆོས་གྲངས་{མྱེད་,མེད་}པ་བསྟན་ཅིང་བཤད་པ་ལ་འཇིགས་པ་{མྱེད་,མེད་}པ། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་ཐམས་ཅད་ཀྱི་དགེ་བའི་རྗེས་སུ་སོང་བ།
D44.036.0017a04.01དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དབྱིངས་ལ་གནས་པ། སངས་རྒྱས་ཐམས་ཅད་ཀྱིས་ཆོས་བསྟན་པ་ཡོངས་སུ་འཛིན་པ། སྒྲ་བསམ་གྱིས་མི་ཁྱབ་པ་རྣམ་པར་དབྱེ་ཞིང་མངོན་པར་བསྒྲུབ་པ་ལ་མཁས་པ། གྲངས་{མྱེད་,མེད་}པའི་སྐད་རྣམ་པ་ཐ་དད་པ་ཤེས་
D44.036.0017a05.01པ། བླ་ན་{མྱེད་,མེད་}པའི་སངས་རྒྱས་ཀྱི་རྣམ་པར་འཕྲུལ་པའི་ས་ཁོང་དུ་ཆུད་པ། འཇིག་རྟེན་གྱི་ཁམས་ཐམས་ཅད་ཀྱི་རྗེས་སུ་སོང་ཞིང་ཆགས་པ་{མྱེད་,མེད་}པར་སྤྱོད་པ། ཉོན་མོངས་པ་{མྱེད་,མེད་}པའི་ཆོས་ཀྱི་ཚུལ་ལ་ཆོས་སུ་རྟོགས་པས་གནས་པ་{མྱེད་,མེད་}པ། སེམས་བསྐྱེད་པ་
D44.036.0017a06.01ཡངས་པ་ཤིན་ཏུ་རྣམ་པར་བསྒོམས་པ་རབ་ཏུ་ཐོབ་པ། ཡེ་ཤེས་གཅིག་ནས་གཅིག་ཏུ་བརྒྱུད་པའི་རྒྱུད་ལ་མཁས་པ། དོན་གཅིག་ནས་གཅིག་ཏུ་བསྟན་པ་རབ་ཏུ་གྲུབ་པ། དེ་ལྟ་བུ་དག་གིས་འཇིག་རྟེན་གྱི་ཁམས་དེ་དག་ཡོངས་སུ་བརྒྱན་པར་གྱུར་
D44.036.0017a07.01