完整藏文原文 · 德格版页 当前仅加载第 36 函德格 306b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོག་པའི་རྣམ་པ་ཐམས་ཅད་ཀྱིས་མཆོད་པ་བྱེད་དོ། །རྒྱན་རྣམ་པར་ཕྱེ་བའི་ཚོགས་ཀྱི་རྣམ་པ་ཐམས་ཅད་ཀྱིས་མཆོད་པ་བྱེད་དོ། །ནོར་བུ་རིན་པོ་ཆེ་སྣ་ཚོགས་དམ་པའི་གཙུག་ལག་ཁང་གི་རྣམ་པ་གྲངས་མེད་པ་ཐམས་ཅད་ཀྱིས་མཆོད་པ་བྱེད་དོ། །ལྷ་རྫས་ལས་
D44.036.0306b01.01ཀྱང་འདས་པའི་མན་བསྩལ་དང་། ཞལ་ཟས་སངས་རྒྱས་ཀྱི་བྱིན་གྱིས་བརླབས་པའི་རྣམ་པ་དམ་པ་ཐམས་ཅད་ཀྱིས་མཆོད་པ་བྱེད་དོ། །སངས་རྒྱས་ཀྱི་ཞིང་ཐམས་ཅད་རྣམ་པར་དག་པར་བྱ་བའི་རྒྱན་སྣ་ཚོགས་རྣམ་པ་ཐ་དད་པ་
D44.036.0306b02.01མ་ལུས་པ་སངས་རྒྱས་བསྙེན་བཀུར་བ་དང་། མཆོད་པའི་རྣམ་པར་གཏོགས་པས་སངས་རྒྱས་ཐམས་ཅད་ལ་རིམ་གྲོ་བྱ་བའི་ཚུལ་དང་ལྡན་པར་མཆོད་པ་བྱེད་དོ། །དེ་བཞིན་གཤེགས་པ་དེ་དག་གི་ཞབས་ལའང་ཕྱག་འཚལ་ཞིང་ལུས་
D44.036.0306b03.01ཐམས་ཅད་ཀྱིས་རབ་ཏུ་འབེབས་སོ། །རྗེ་སར་ཞུ་བ་རྣམས་ཀྱང་བྱེད་དེ། སངས་རྒྱས་ཀྱི་ཆོས་ཀྱང་ཤིན་ཏུ་རྟོགས་པར་བྱེད་དོ། །སངས་རྒྱས་ཀྱི་བསྟན་པ་ཡང་རབ་ཏུ་འཛིན་ཏོ། །སངས་རྒྱས་ཀྱི་ཆེ་བ་ཉིད་ཀྱང་ཁོང་དུ་ཆུད་པར་བྱེད་
D44.036.0306b04.01དོ། །དེ་བཞིན་ཉིད་ལ་ཡང་ཡང་དག་པར་འཇུག་པས་རབ་ཏུ་འཇུག་གོ །སྙིང་རྗེ་ཆེན་པོའི་རྗེས་སུ་འབྲང་བ་འང་རབ་ཏུ་བྱེད་དོ། །ཆགས་པ་མེད་པའི་སྟོབས་རབ་ཏུ་སྤེལ་བ་ལའང་མངོན་པར་མོས་ཤིང་། སངས་རྒྱས་ཀྱི་ཆོས་ཐམས་ཅད་ཀྱང་ཡོངས་
D44.036.0306b05.01སུ་འཐོབ་པར་བྱེད་དོ། །སེམས་ཅན་ཐམས་ཅད་ཀྱི་གཙོ་བོའི་རྗེས་སུ་ཡང་རབ་ཏུ་འབྲང་སྟེ། སྐད་ཅིག་གཅིག་གིས་མཐར་ཡང་རབ་ཏུ་འཇུག་གོ །དེ་བཞིན་གཤེགས་པ་དེ་དག་འབྱུང་བའི་ཚེའང་སྐྱེ་བ་མི་དམིགས་སོ། །དེ་བཞིན་གཤེགས་པ་
D44.036.0306b06.01དེ་དག་མྱ་ངན་ལས་འདའ་བའི་ཚེའང་འཇིག་པ་མི་དམིགས་སོ། །ཀྱེ་རྒྱལ་བའི་སྲས་དག །འདི་ལྟ་སྟེ་དཔེར་ན། གཡེང་བའི་སེམས་ཀྱིས་ཡུལ་རྣམ་པར་དམིགས་པ་ནི་གཟུགས་ལས་ཀྱང་མ་བྱུང་དམིགས་པ་ལས་ཀྱང་མ་བྱུང་
D44.036.0306b07.01