完整藏文原文 · 德格版页 当前仅加载第 36 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ཡང་དག་པར་རྫོགས་པའི་སངས་རྒྱས་མཐའ་ཡས་པ་ལས་གཟུངས་ཀྱི་སྒོ་བརྒྱ་སྟོང་གྲངས་མེད་པ་ཕྲག་བཅུས་ཆོས་ཁོང་དུ་ཆུད་པར་བྱེད་དོ། །དེ་སྨོན་པ་ཙམ་གྱིས་ཀྱང་ཡང་དག་པར་རྫོགས་པའི་སངས་རྒྱས་རྣམས་ལས་ཆོས་ཀྱི་སྒོ་སྣང་བ་ཆེས་མང་དུ་ཡང་དག་པར་འཛིན་གྱི་ཉན་ཐོས་ཤིན་
D44.036.0256b01.01ཏུ་མང་དུ་ཐོས་པ་དང་ལྡན་པ་ཐོས་པ་འཛིན་པའི་གཟུངས་རབ་ཏུ་ཐོབ་པ་རྣམས་ཀྱིས་ནི་བསྐལ་པ་བརྒྱ་ཕྲག་སྟོང་དུ་ཡང་གཟུང་བའི་བྱིན་གྱི་རླབས་ཀྱིས་དེ་ལྟར་{མྱི་,མི་}ཟིན་ཏོ། །དེ་ལྟར་དེ་ལྟ་བུའི་གཟུངས་ཐོབ་ཅིང་སྤོབས་པ་ཐོབ་པས་ཆོས་ཀྱི་གཏམ་བྱ་བའི་ཕྱིར་འདུག་ན། སྟོང་གསུམ་གྱི་སྟོང་
D44.036.0256b02.01ཆེན་པོའི་འཇིག་རྟེན་གྱི་ཁམས་ཐམས་ཅད་རྒྱས་པར་བཀང་སྟེ། ཆོས་ཀྱི་སྟན་ལ་འདུག་ཅིང་སེམས་ཅན་རྣམས་ལ་བསམ་པ་ཇི་ལྟ་བ་བཞིན་དུ་རྣམ་པར་ཕྱེ་ཞིང་ཆོས་སྟོན་ཏོ། །དེའི་ཆོས་ཀྱི་སྟན་ཡང་དེ་བཞིན་གཤེགས་པ་དག་དང་། བྱང་ཆུབ་སེམས་དཔའ་དབང་
D44.036.0256b03.01བསྐུར་བའི་ས་ཐོབ་པ་མ་གཏོགས་པར་ཐམས་ཅད་ལས་འཕགས་ཤིང་སྣང་བ་ཚད་{མྱེད་,མེད་}པ་དང་ལྡན་པ་ཡིན། དེ་འདོད་ན་ཆོས་ཀྱི་སྟན་ལ་འདུག་ཅིང་དབྱངས་གཅིག་གིས་འཁོར་ཐམས་ཅད་དུ་སྒྲ་སྐད་སྣ་ཚོགས་རྣམ་པ་ཐ་དད་པས་ཡང་དག་པར་གོ་བར་བྱེད་དོ། །འདོད་ན་སྒྲ་
D44.036.0256b04.01སྐད་སྣ་ཚོགས་དང་། དབྱངས་ཀྱི་ཡན་ལག་ཐ་དད་པ་རྣམ་པར་ཕྱེ་བས་འཁོར་ཐམས་ཅད་མངོན་པར་གོ་བར་བྱེད་དོ། །འདོད་ན་འོད་གཟེར་གྱི་སྒོ་ཉེ་བར་བསྒྲུབ་པས་ཆོས་ཀྱི་སྒོ་ཤིན་ཏུ་བརྗོད་དོ། །འདོད་ན་བ་སྤུའི་བུ་ག་ཐམས་ཅད་ནས་དབྱངས་རྣམ་པར་ཕྱེ་བ་ཤིན་ཏུ་བརྗོད་དོ། །འདོད་
D44.036.0256b05.01ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་གཟུགས་སུ་སྣང་བ་ཇི་སྙེད་ཡོད་པའི་གཟུགས་སུ་སྣང་བ་དེ་དག་ལས་ཆོས་ཀྱི་སྒྲ་འབྱུང་བར་བྱེད་དོ། །འདོད་ན་དབྱངས་ཀྱི་ཡན་ལག་གཅིག་གི་སྒྲས་ཆོས་ཀྱི་དབྱིངས་ཐམས་ཅད་ཁོང་དུ་ཆུད་པར་བྱེད་དོ། །འདོད་ན་སྒྲ་
D44.036.0256b06.01དང་དབྱངས་ཐམས་ཅད་ཆོས་ཀྱི་སྒྲར་བྱིན་གྱིས་རློབ་བོ། །འདོད་ན་འཇིག་རྟེན་གྱི་ཁམས་ཐམས་ཅད་ན་ཡོད་པའི་གླུ་དང་རོལ་མོ་བརྡུང་བ་དང་དཀྲོལ་བའི་སྒྲ་ཐམས་ཅད་ལས་ཆོས་ཀྱི་སྒྲ་འབྱུང་བར་བྱེད་དོ། །འདོད་ན་ཡི་གེ་གཅིག་གི་སྒྲ་ལས་ཆོས་ཐམས་ཅད་ཀྱི་ཚིག་རབ་ཏུ་ཕྱེ་བའི་
D44.036.0256b07.01