完整藏文原文 · 德格版页 当前仅加载第 36 函德格 332a 版页；藏文 NFD、目录标记与异常页序保留在来源切片中，重复版页行以稳定序号区分。
དོན་ཡང་ཡང་དག་པར་སྒྲུབ་བོ། །སངས་རྒྱས་ཀྱི་ཁྱུ་མཆོག་གི་མཐུ་ཕྱུང་བ་མཐོང་བས་ཀྱང་ངོམས་པར་མི་བྱེད་དོ། །ཆོས་ཀྱི་དབྱིངས་ཀྱི་མཐར་དབྱུང་བས་ཀྱང་སྒྱིད་ལུག་པར་མི་བྱེད་དེ། དེ་ལ་བཞག་པར་བྱ་བ་ཡང་གང་ཡང་{མྱེད་,མེད་}
D44.036.0332a01.01དོ། །ཐམས་ཅད་མཁྱེན་པའི་ཡེ་ཤེས་མངོན་པར་བསྒྲུབ་པའི་རྗེས་སུ་ཡང་རབ་ཏུ་འཇུག་གོ །ཡེ་ཤེས་ཀྱི་སྤྲུལ་པ་ཡང་བྱིན་གྱིས་རློབ་པོ། །སེམས་ཅན་གྱི་རིས་ལ་འཇུག་པར་ཡང་མཐའ་དང་དབུས་མེད་པར་འཇུག་གོ །འཇིག་རྟེན་གྱི་ཁམས་
D44.036.0332a02.01ཐམས་ཅད་རྣམ་པར་དག་པ་ཡང་ཡོངས་སུ་རྫོགས་པར་བྱེད་དོ། །འཇིག་རྟེན་གྱི་ཕྱིན་ཅི་ལོག་ཐམས་ཅད་ཀྱང་རྣམ་པར་རྟོག་པ་མེད་པས་རབ་ཏུ་ཤེས་སོ། །རྟོག་པའི་ས་ཐམས་ཅད་ལས་ཀྱང་ཡོངས་སུ་འདའོ། །མཚན་མ་སྣ་ཚོགས་
D44.036.0332a03.01ཡོངས་སུ་ཤེས་པ་ཡང་མི་སྤོང་ངོ་། །བྱང་ཆུབ་སེམས་དཔའི་ཡེ་ཤེས་དང་ཐབས་ལ་མཁས་པ་ཡང་ཡོངས་སུ་རྫོགས་པར་བྱེད་དོ། །ཤིན་ཏུ་རྣམ་པར་དག་པ་ལ་འང་རྟོག་པར་མི་བྱེད་དོ། །ཐམས་ཅད་ཟིལ་གྱིས་གནོན་པའི་ས་ཡང་རབ་ཏུ་
D44.036.0332a04.01འཐོབ་པར་བྱེད་དོ། །འདི་ལྟ་སྟེ་དཔེར་ན། ནམ་མཁའི་རང་བཞིན་ནི་དངོས་པོ་ཐམས་ཅད་ཀྱི་རྗེས་སུ་སོང་བ་འང་ཡིན་ལ། དངོས་པོ་ཐམས་ཅད་ལས་ཀྱང་རྣམ་པར་འདས་པའོ། །དེ་བཞིན་དུ་བྱང་ཆུབ་སེམས་དཔའ་ཡང་འཇིག་རྟེན་གྱི་
D44.036.0332a05.01ཁམས་ཐམས་ཅད་དུའང་རྒྱུ་ལ། འཇིག་རྟེན་གྱི་ཁམས་ཐམས་ཅད་ལས་ཀྱང་རྣམ་པར་འདས་པ་ཡིན། སེམས་ཅན་གྱི་ཁམས་ཡོངས་སུ་དགྲོལ་བ་ལའང་བརྩོན་ལ་སེམས་ཅན་གྱི་འདུ་ཤེས་ཐམས་ཅད་ཀྱང་མེད་པ་ཡིན། ཆོས་ཀྱི་དབྱིངས་ཐམས་
D44.036.0332a06.01ཅད་ཀྱང་ཡེ་ཤེས་ཀྱི་སྤྱོད་ཡུལ་དུ་གྱུར་ལ་ཆོས་ཐམས་ཅད་ཀྱིས་སྙེམས་པའི་སེམས་ཀྱང་མེད་པ་ཡིན། སངས་རྒྱས་ཐམས་ཅད་བལྟ་བས་ཀྱང་མི་ངོམས་ལ། སངས་རྒྱས་ཐམས་ཅད་ལ་བལྟ་བའི་གནས་ཀྱང་ཡོངས་སུ་བསྩལ་བ་ཡིན།
D44.036.0332a07.01