完整藏文原文 · 德格版页 当前仅加载第 36 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་དག་པས། །ཆོས་དང་ལྡན་པར་ཆོས་ཀྱི་འཁོར་ལོ་བསྐོར། །དེ་དག་འཁྲུག་མེད་རྒྱལ་སྲིད་སྐྱོང་བ་བྱེད། །ཕྱོགས་རྣམས་ཀུན་ནས་འཁོར་ལོ་ཕྱིར་མི་ལྡོག །དེ་དག་ཡོན་ཏན་གཟུགས་དང་རབ་ཏུ་ལྡན། །མཁས་པའི་བློ་དང་ཤེས་རབ་ཡེ་ཤེས་
D44.036.0092b01.01ལྡན། །དེ་དག་ཟིལ་ནོན་མཐུ་ལ་ལྡོག་པ་མེད། །བདུད་ཀྱི་དཀྲུགས་མ་ཐམས་ཅད་རབ་ཏུ་འཇོམས། །དེ་དག་ཚུལ་ཁྲིམས་རྣམ་པར་དག་པ་སྟེ། །བཟོད་པའི་སྟོབས་ལ་སྡོམ་པའི་སེམས་ཀྱིས་གནས། །ཁོན་འཛིན་ཁྲོ་བ་རྣམ་དག་ཡིད་བསྩལ་
D44.036.0092b02.01བས། །རྒྱལ་བ་རྣམས་ཀྱི་ཆོས་འདིར་རྟག་ཏུ་བརྩོན། །དེ་དག་ཟས་དང་སྐོམ་དག་སྦྱིན་བྱེད་ཅིང་། །བཞོན་དང་ཕྲེང་བ་གོས་དང་སྤོས་མང་དང་། །མལ་དང་བྱུག་པ་རྒྱབ་རྟེན་མར་མེ་དག །རྣམ་པ་མཐའ་ཡས་ཇི་སྙེད་གཏོང་བྱེད་ཅིང་། །ཕན་པའི་
D44.036.0092b03.01སེམས་ཀྱིས་དེ་དག་སྦྱིན་བྱེད་ཚེ། །དེ་ལ་ཤིན་ཏུ་དད་པའི་སེམས་བསྒྱུར་ཅིང་། །བསམ་པ་དག་པས་དགའ་བ་ཡངས་བསྐྱེད་དེ། །འཇིག་རྟེན་བླ་མ་དག་ལ་སྦྱིན་པ་བྱེད། །དེ་དག་དངོས་པོ་ཐམས་ཅད་གཏོང་བྱེད་ཅིང་། །ཕྱི་དང་ནང་དང་གང་རྣམས་
D44.036.0092b04.01ཇི་སྙེད་པ། །ཀུན་ཀྱང་དང་བའི་ཡིད་ཀྱིས་རབ་ཏུ་གཏོང་། །ཡིད་ལ་ཞུམ་པར་བྱེད་པ་གང་ཡང་མེད། །མགོ་ཡང་གཏོང་ཞིང་མིག་ཀྱང་རབ་ཏུ་གཏོང་། །ལག་པ་གཏོང་ཞིང་དེ་བཞིན་རྐང་པ་གཏོང་། །ཤ་དག་གཏོང་ཞིང་དེ་བཞིན་རྐང་ཡང་གཏོང་། །
D44.036.0092b05.01ཐམས་ཅད་ལུས་ཀྱང་མི་དགའ་མེད་པར་གཏོང་། །དེ་དག་དབང་ཕྱུག་ཤིན་ཏུ་ཡངས་སྒྱུར་ཅིང་། །རིགས་དང་རུས་ལྡན་འགྲོ་བ་མི་ཡི་རྗེ། །ཁ་ནས་ལྕེ་ཡང་ཤིན་ཏུ་བརྐྱང་བྱས་ཤིང་། །སློང་བ་རྣམས་ལ་མི་དགའ་མེད་པར་གཏོང་། །དེ་དག་དབང་ཕྱུག་
D44.036.0092b06.01ཤིན་ཏུ་ཡངས་སྒྱུར་ཅིང་། །སློང་བ་རྣམས་ལ་ལྕེ་སྦྱིན་བྱས་ནས་ཀྱང་། །འདི་ན་འགྲོ་བ་ཡོད་པ་མ་ལུས་ཀུན། །རྒྱལ་བའི་ལྗགས་ཡངས་ཇི་བཞིན་ཐོབ་འགྱུར་བསྔོ། །རབ་ཏུ་སྤྲོ་བྱས་བུ་ཡང་སྦྱིན་པར་བྱེད། །མི་དགའ་མེད་བྱས་ཆུང་མ་སྦྱིན་པར་
D44.036.0092b07.01