完整藏文原文 · 德格版页 当前仅加载第 36 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱི་ཆོས་ཉིད་དེ། དེ་བཞིན་གཤེགས་པ་རྣམས་བྱུང་ཡང་རུང་མ་བྱུང་རུང་། ཆོས་ཀྱི་དབྱིངས་དང་ཆོས་ཀྱི་གནས་ཉིད་འདི་ནི་དེ་བཞིན་དུ་འདུག་པ་སྟེ། འདིས་ནི་དེ་བཞིན་གཤེགས་པ་རྣམས་ཉི་ཙེ་བརྗོད་པར་བྱ་བ་མ་ཡིན་ཏེ། ཉན་ཐོས་
D44.036.0241a01.01དང་། རང་སངས་རྒྱས་ཐམས་ཅད་ཀྱང་རྣམ་པར་མི་རྟོག་པའི་ཆོས་ཉིད་འདི་འཐོབ་བོ། །རིགས་ཀྱི་བུ་ཁྱོད་ངེད་ཀྱི་ལུས་ཚད་མེད་པ་དང་། ཡེ་ཤེས་ཚད་མེད་པ་དང་། སངས་རྒྱས་ཀྱི་ཞིང་ཚད་མེད་པ་དང་། ཡེ་ཤེས་མངོན་པར་བསྒྲུབ་པ་ཚད་མེད་པ་དང་། འོད་ཀྱི་
D44.036.0241a02.01དཀྱིལ་འཁོར་ཚད་མེད་པ་དང་། དབྱངས་ཀྱི་ཡན་ལག་རྣམ་པར་དག་པ་ཚད་མེད་པ་ལ་ལྟོས། ཁྱོད་ཀྱིས་ཀྱང་དེ་བཞིན་དུ་མངོན་པར་བསྒྲུབ་པར་བྱ་དགོས་སོ། །འདི་ལྟར་རིགས་ཀྱི་བུ་གང་དེ་ལྟར་ཆོས་ཐམས་ཅད་ལ་རྣམ་པར་མི་རྟོག་པ་དེ་ནི་ཁྱོད་ཀྱི་སྣང་བ་གཅིག་པུར་
D44.036.0241a03.01ཟད་དེ། རིགས་ཀྱི་བུ་དེ་བཞིན་གཤེགས་པ་རྣམས་ཀྱི་ཆོས་སྣང་བ་ནི་འདི་འདྲ་སྟེ། ཡོངས་སུ་མཐའ་ཡས་པར་སོང་ལ་ཡོངས་སུ་མཐའ་ཡས་པར་བསྒྲུབ་པ་སྟེ། དེ་སྙེད་ཀྱི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་གིས་ཀྱང་བགྲང་བར་དཀས། དེ་དག་ཐོབ་
D44.036.0241a04.01པར་བྱ་བའི་ཕྱིར་མངོན་པར་བསྒྲུབ་པ་སྐྱེད་ཅིག །འདི་ལྟར་ཡང་རིགས་ཀྱི་བུ་ཕྱོགས་བཅུའི་ཞིང་ཚད་མེད་པ་དང་། སེམས་ཅན་ཚད་མེད་པ་དང་། ཆོས་རྣམ་པར་ཕྱེ་བ་ཚད་མེད་པ་ལྟོས་ཏེ། དེ་དག་ཐམས་ཅད་མ་ནོར་བར་བགྲང་བར་གྱིས་ཤིག་ཅེས་
D44.036.0241a05.01སྟེ། ཀྱེ་རྒྱལ་བའི་སྲས་དག །དེ་ལྟར་དེ་ལྟ་བུའི་ཡེ་ཤེས་དང་ལྡན་པའི་བྱང་ཆུབ་སེམས་དཔའ་ལ་སངས་རྒྱས་བཅོམ་ལྡན་འདས་དེ་དག་ཡེ་ཤེས་མངོན་པར་བསྒྲུབ་པའི་སྒོ་དེ་དག་ལ་{སྩོགས་,སོགས་}པ་གང་གིས་བྱང་ཆུབ་སེམས་དཔའ་ཡེ་ཤེས་རྣམ་པར་ཕྱེ་བའི་ཚུལ་མངོན་
D44.036.0241a06.01པར་བསྒྲུབ་པའི་ལས་ཚད་མེད་པ་ཡོངས་སུ་རྫོགས་པར་བྱེད་པ་གཞལ་དུ་མེད་པ་དེ་དག་ཉེ་བར་བསྒྲུབ་པ་མཛད་དོ། །ཀྱེ་རྒྱལ་བའི་སྲས་དག །ཁྱེད་ཀྱིས་ཡིད་ཆེས་པ་དང་། ཁོང་དུ་ཆུད་པར་བྱ་ན་གལ་ཏེ་སངས་རྒྱས་བཅོམ་ལྡན་འདས་དེ་དག་གིས་
D44.036.0241a07.01