完整藏文原文 · 德格版页 当前仅加载第 36 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་ཐོབ་པའི་ཕྱིར། །ཆོས་ལ་དབང་སྒྱུར་བའི་སེམས་ཀྱིས་ཆོས་ཀྱི་སྣང་བ་ཐམས་ཅད་སྟོན་པར་གྱུར་ཅིག །བྱང་ཆུབ་ཏུ་སེམས་བསྐྱེད་པའི་སྣང་བ་རབ་ཏུ་ཐོབ་པའི་ཕྱིར། ཡེ་ཤེས་ཀྱི་འབྱུང་གནས་དང་། མངོན་
D44.036.0109a01.01པར་ཤེས་པ་ཐམས་ཅད་རྣམ་པར་དག་པར་གྱུར་ཅིག །སངས་རྒྱས་རྗེས་སུ་དྲན་པ་རབ་ཏུ་ཐོབ་པའི་ཕྱིར་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་ཐམས་ཅད་རྗེས་སུ་དྲན་པ་རྣམ་པར་དག་པར་གྱུར་ཅིག །ལྟོད་པ་མེད་པར་ཡོངས་
D44.036.0109a02.01སུ་འབྱུང་བའི་ཕྱིར། ཁོ་ན་མེད་པར་གནས་པའི་ལྷག་པའི་བསམ་པ་ཡོངས་སུ་རྫོགས་པར་གྱུར་ཅིག །སྟོབས་བཅུའི་ཡེ་ཤེས་ལ་རབ་ཏུ་དགོད་པའི་ཕྱིར་འགྲོ་བ་ཐམས་ཅད་ཉེ་བར་བླངས་པས་ཁྱབ་པར་བྱ་བ་རྒྱུན་ཆད་པ་མེད་པར་གྱུར་ཅིག །གོས་
D44.036.0109a03.01པ་མེད་པར་འཇིག་རྟེན་གྱི་ཁམས་སུ་གནས་པར་བྱ་བའི་ཕྱིར་འཇིག་རྟེན་གྱི་ཁམས་ཐམས་ཅད་དུ་རྒྱུ་བའི་ཏིང་ངེ་འཛིན་རབ་ཏུ་ཐོབ་པར་གྱུར་ཅིག །སེམས་ཅན་མཐའ་ཡས་པ་གདུལ་བ་རྒྱུན་ཆད་པ་{མྱེད་,མེད་}པར་བྱ་བའི་ཕྱིར། འཇིག་རྟེན་གྱི་ཁམས་ཐམས་ཅད་
D44.036.0109a04.01དུ་གནས་པར་བྱ་བས་མི་སྐྱོ་བར་གྱུར་ཅིག །བྱང་ཆུབ་སེམས་དཔའ་བསམ་གྱིས་མི་ཁྱབ་པ་རབ་ཏུ་བསྒྲུབ་པའི་ཕྱིར་བསམ་པའི་རང་བཞིན་མཐའ་དང་དབུས་མེད་པ་མངོན་པར་བསྒྲུབ་པ་ལ་མཁས་པར་གྱུར་ཅིག །རྣམ་པ་ཐ་དད་པའི་ཕྱོགས་སུ་ཡེ་ཤེས་
D44.036.0109a05.01ཀྱིས་འཇུག་པ་ཡོངས་སུ་རྫོགས་པར་བྱ་བའི་ཕྱིར། འཇིག་རྟེན་གྱི་ཁམས་ཐམས་ཅད་ལ་རྨོངས་པ་མེད་པའི་ཡེ་ཤེས་དང་ལྡན་པར་གྱུར་ཅིག །ཡེ་ཤེས་དང་མངོན་པར་ཤེས་པ་ལ་དབང་སྒྱུར་བར་བྱ་བའི་ཕྱིར་སེམས་སྐད་ཅིག་གི་འབྱུང་བས་འཇིག་རྟེན་གྱི་ཁམས་
D44.036.0109a06.01རྣམ་པར་དག་པ་ཐམས་ཅད་ཡོངས་སུ་རྒྱས་པར་གྱུར་ཅིག །འཇིག་རྟེན་ཐམས་ཅད་མཐོང་བ་རྣམ་པར་དག་པ་རབ་ཏུ་འཐོབ་པར་བྱ་བའི་ཕྱིར། ཆོས་ཐམས་ཅད་ལ་འཇུག་པའི་རང་བཞིན་ཡོངས་སུ་རྫོགས་པར་གྱུར་ཅིག །ཐ་དད་པ་མེད་པའི་ཡེ་ཤེས་
D44.036.0109a07.01