完整藏文原文 · 德格版页 当前仅加载第 36 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
ཁེབས་པའི་ལྕེ་དང་ལྡན་པར་གྱུར་ཅིག །སེམས་ཅན་ཐམས་ཅད་སངས་རྒྱས་ཐམས་ཅད་ཀྱི་ཆོ་འཕྲུལ་དང་རྣམ་པར་འཕྲུལ་པ་ཡང་དག་པར་སྟོན་པའི་ཕྱིར་སངས་རྒྱས་ཀྱི་ཞིང་ཐམས་ཅད་དུ་ཁྱབ་པའི་ལྕེ་དང་ལྡན་པར་གྱུར་ཅིག །སེམས་
D44.036.0054a01.01ཅན་ཐམས་ཅད་རོ་བྲོ་བའི་མཆོག་ཤིན་ཏུ་རྣམ་པར་དག་པ་དང་། ལྡན་ཞིང་ཤིན་ཏུ་སྲབ་པའི་ལྕེ་དང་ལྡན་པར་གྱུར་ཅིག །སེམས་ཅན་ཐམས་ཅད་འགྲོ་བ་ཀུན་གྱི་ཚིག་ཤེས་པས་ཐེ་ཙོམ་གཅོད་པའི་ཕྱིར་ངེས་པའི་ཚིག་གི་དབྱངས་མཐའ་ཡས་པ་ཡོད་པའི་
D44.036.0054a02.01ལྕེ་དང་ལྡན་པར་གྱུར་ཅིག །སེམས་ཅན་ཐམས་ཅད་ལྕེའི་མཛོད་ནས་འོད་གཟེར་བྱེ་བ་ཁྲག་ཁྲིག་བརྗོད་དུ་མེད་པའི་ཡང་བརྗོད་དུ་མེད་པ་འགྱེད་པའི་ཕྱིར་སྣང་བ་མཐའ་ཡས་པ་འབྱུང་བའི་ལྕེ་དང་ལྡན་པར་གྱུར་ཅིག །སེམས་ཅན་ཐམས་ཅད་ཆོས་ཐམས་ཅད་
D44.036.0054a03.01རྣམ་པར་ངེས་པའི་སྤོབས་པའི་ཚོགས་མི་ཟད་པས་སྟོན་ཅིང་བརྗོད་པས་ཚིག་ཤིན་ཏུ་ངེས་པར་བརྗོད་པའི་ལྕེ་དང་ལྡན་པར་གྱུར་ཅིག །སེམས་ཅན་ཐམས་ཅད་སྤྱོད་པ་ཀུན་བརྗོད་པ་ཚད་མེད་པའི་མཛོད་ཀྱི་ལྕེ་དང་ལྡན་ཞིང་འདུལ་བའི་མཐའ་དང་མཉམ་པར་
D44.036.0054a04.01སེམས་ཅན་ཀུན་གྱི་ཚིག་ཐམས་ཅད་དང་། སྨྲ་བ་ཐམས་ཅད་རྣམ་པར་འགྲེལ་བའི་ལྕེ་དང་ལྡན་པར་གྱུར་ཅིག །སེམས་ཅན་ཐམས་ཅད་སྤྱོད་པ་རྗེས་སུ་བརྗོད་པའི་ཚིག་གི་རྒྱ་མཚོ་ཐམས་ཅད་ལ་རབ་ཏུ་ཞུགས་པས་དབྱངས་ཀྱི་ཚོགས་དང་། ཚིག་
D44.036.0054a05.01གི་རྣམ་པར་ཤེས་པའི་ལྕེ་དང་ལྡན་པར་གྱུར་ཅིག །སེམས་ཅན་ཐམས་ཅད་སྤྱོད་པ་ཐམས་ཅད་མངོན་པར་བརྗོད་པའི་ཡེ་ཤེས་ཀྱི་ཕ་རོལ་ཏུ་ཕྱིན་པ་ཐོབ་ཅིང་ཆོས་ཐམས་ཅད་ཀྱི་ཚིག་ཐམས་ཅད་ཤིན་ཏུ་སྟོན་པའི་ལྕེ་དང་ལྡན་པར་གྱུར་ཅིག་ཅེས། དེ་ལྟར་བྱང་ཆུབ་སེམས་
D44.036.0054a06.01དཔའ་སེམས་དཔའ་ཆེན་པོ་ཐམས་ཅད་མཁྱེན་པ་ཉིད་དུ་{དམྱིགས་,དམིགས་}པའི་སྨོན་ལམ་ལ་རབ་ཏུ་བརྩོན་པ་དེ་ལྕེ་ཡོངས་སུ་བཏང་བས། ཡང་དག་པར་བསྡུས་པའི་དགེ་བའི་རྩ་བ་དེ་དག་སེམས་ཅན་ཐམས་ཅད་ཀྱིས་བསྒྲིབས་པ་མེད་པའི་ཡེ་ཤེས་ཆགས་པ་{མྱེད་,མེད་}པ་
D44.036.0054a07.01