完整藏文原文 · 德格版页 当前仅加载第 36 函德格 244a 版页；藏文 NFD、目录标记与异常页序保留在来源切片中，重复版页行以稳定序号区分。
མཚེ་མའི་འཁོར་གྱི་དཀྱིལ་འཁོར་དང་། དགའ་ལྡན་གྱི་འཁོར་གྱི་དཀྱིལ་འཁོར་དང་། འཕྲུལ་དགའི་འཁོར་གྱི་དཀྱིལ་འཁོར་དང་། གཞན་འཕྲུལ་དབང་བྱེད་ཀྱི་འཁོར་གྱི་དཀྱིལ་འཁོར་དང་། ཚངས་པའི་འཁོར་གྱི་དཀྱིལ་འཁོར་
D44.036.0244a01.01ནས་འོག་མིན་གྱི་འཁོར་གྱི་དཀྱིལ་འཁོར་གྱི་བར་ཏུ་དེ་ལྟ་དེ་ལྟ་བུའི་ཁ་དོག་དང་གཟུགས་སྟོན་ཏོ། །དེ་ཉན་ཐོས་ཀྱིས་འདུལ་བའི་སེམས་ཅན་རྣམས་ལ་ཉན་ཐོས་ཀྱི་ལུས་དང་ཁ་དོག་དང་གཟུགས་སྟོན་ཏོ། །རང་སངས་རྒྱས་ཀྱིས་འདུལ་བའི་སེམས་ཅན་རྣམས་ལ་རང་སངས་
D44.036.0244a02.01རྒྱས་ཀྱི་ལུས་དང་ཁ་དོག་དང་གཟུགས་སྟོན་ཏོ། །བྱང་ཆུབ་སེམས་དཔས་འདུལ་བའི་སེམས་ཅན་རྣམས་ལ་བྱང་ཆུབ་སེམས་དཔའི་ལུས་དང་ཁ་དོག་དང་གཟུགས་སྟོན་ཏོ། །དེ་བཞིན་གཤེགས་པས་འདུལ་བའི་སེམས་ཅན་རྣམས་ལ་དེ་བཞིན་
D44.036.0244a03.01གཤེགས་པའི་སྐུ་དང་ཁ་དོག་དང་གཟུགས་སྟོན་ཏོ། །ཀྱེ་རྒྱལ་བའི་སྲས་དག །དེ་ལྟར་སངས་རྒྱས་ཀྱི་ཞིང་བརྗོད་དུ་མེད་པ་ཇི་སྙེད་པ་དེ་དག་གི་སེམས་ཅན་རྣམས་ཀྱི་མོས་པ་རབ་ཏུ་མང་བ་དེ་དག་ཐམས་ཅད་དུ་རང་གི་ལུས་དེ་ལྟ་དེ་ལྟར་རྣམ་པར་ཕྱེ་བ་ཡོངས་སུ་
D44.036.0244a04.01སྟོན་ཏོ། །དེ་ལུས་ཀྱི་རྣམ་པར་རྟོག་པ་དང་། འདུ་ཤེས་ཐམས་ཅད་དང་རྣམ་པར་བྲལ་བ་སྟེ། ལུས་མཉམ་པ་ཉིད་ཐོབ་པས། སེམས་ཅན་གྱི་ལུས་རབ་ཏུ་ཤེས་སོ། །ཞིང་གི་ལུས་དང་རྣམ་པར་སྨིན་པའི་ལུས་དང་། ཉན་ཐོས་ཀྱི་ལུས་དང་། རང་སངས་
D44.036.0244a05.01རྒྱས་ཀྱི་ལུས་དང་། བྱང་ཆུབ་སེམས་དཔའི་ལུས་དང་། དེ་བཞིན་གཤེགས་པའི་སྐུ་དང་། ཡེ་ཤེས་ཀྱི་ལུས་དང་། ཆོས་ཀྱི་ལུས་དང་། ནམ་མཁའི་ལུས་ཀྱང་རབ་ཏུ་ཤེས་སོ། །དེས་སེམས་ཅན་རྣམས་ཀྱི་སེམས་དང་བསམ་པ་མངོན་པར་བསྒྲུབ་
D44.036.0244a06.01པ་ཡོངས་སུ་ཤེས་པས། འདོད་ན་སེམས་ཅན་གྱི་ལུས་ནམ་མཁའི་ལུས་སུ་བྱིན་གྱིས་རློབ་བོ། །དེ་བཞིན་དུ་ཞིང་གི་ལུས་དང་། ལས་རྣམ་པར་སྨིན་པའི་ལུས་དང་། ཉན་ཐོས་ཀྱི་ལུས་དང་། རང་སངས་རྒྱས་ཀྱི་ལུས་དང་། བྱང་ཆུབ་
D44.036.0244a07.01