完整藏文原文 · 德格版页 当前仅加载第 36 函德格 113b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཐམས་ཅད་ཀྱི་གནས་སུ་འགྱུར་བའི་ཕྱིར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་རྗེས་སུ་སོང་བ་དེ་བཞིན་དུ་དགེ་བའི་རྩ་བ་དེ་དག་ཕྱི་མའི་མཐར་གྱུར་པའི་བསྐལ་པའི་རྗེས་སུ་འབྲང་ཞིང་རྒྱུན་འཆད་པ་མེད་པའི་ཕྱིར་ཡོངས་སུ་བསྔོའོ། །དེ་བཞིན་ཉིད་
D44.036.0113b01.01ཇི་ལྟར་ཚད་མེད་པ་དེ་བཞིན་དུ་དགེ་བའི་རྩ་བ་དེ་དག་འགྲོ་བ་ཐམས་ཅད་ཀྱི་སེམས། ནམ་མཁའི་དབྱིངས་ལྟར་ཚད་མེད་པར་བྱ་བའི་ཕྱིར་ཡོངས་སུ་བསྔོའོ། །དེ་བཞིན་ཉིད་ཀྱིས་གང་དུ་ཁྱབ་པ་དེ་བཞིན་དུ་དགེ་བའི་རྩ་བ་དེ་དག་འཇིག་རྟེན་གྱི་ཁམས་
D44.036.0113b02.01ཐམས་ཅད་སེམས་གཅིག་གིས་རྒྱས་པར་དགང་བའི་ཕྱིར་ཡོངས་སུ་བསྔོའོ། །དེ་བཞིན་ཉིད་ཇི་སྲིད་དུ་རིང་བར་གནས་པ་དེ་བཞིན་དུ་དགེ་བའི་རྩ་བ་དེ་དག་འཇིག་རྟེན་ཐམས་ཅད་དགའ་བ་ཟད་མི་ཤེས་པར་གནས་པར་བྱ་བའི་ཕྱིར་ཡོངས་སུ་བསྔོའོ། །
D44.036.0113b03.01དེ་བཞིན་ཉིད་ཇི་ལྟར་རྗེས་སུ་འགྲོ་བ་དེ་བཞིན་དུ་དགེ་བའི་རྩ་བ་དེ་དག །སངས་རྒྱས་ཀྱི་ཆོས་དཔེ་མེད་པ་ཐམས་ཅད་ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོའོ། །དེ་བཞིན་ཉིད་ཀྱི་སྙིང་པོ་གང་ཡིན་པ་དེ་བཞིན་དུ་དགེ་བའི་རྩ་བ་དེ་དག་ཉེ་བའི་
D44.036.0113b04.01ཉོན་མོངས་པ་ཐམས་ཅད་བསྩལ་བའི་སྙིང་པོ་དང་ལྡན་པར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་མི་ཤིགས་པ་དེ་བཞིན་དུ་དགེ་བའི་རྩ་བ་དེ་དག་འགྲོ་བ་ཐམས་ཅད་མི་འཐུན་པ་མེད་པར་བྱ་བའི་ཕྱིར་ཡོངས་སུ་བསྔོའོ། །དེ་བཞིན་ཉིད་ཀྱི་སྣང་
D44.036.0113b05.01བ་གང་ཡིན་པ་དེ་བཞིན་དུ་དགེ་བའི་རྩ་བ་དེ་དག་ཐམས་ཅད་དུ་སྣང་བར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་ཐམས་ཅད་ན་ཡོད་པ་དེ་བཞིན་དུ་དགེ་བའི་རྩ་བ་དེ་དག་ཐམས་ཅད་དུ་འགྲོ་བར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་དུས་ཐམས་ཅད་
D44.036.0113b06.01ན་ཡོད་པ་དེ་བཞིན་དུ་དགེ་བའི་རྩ་བ་དེ་དག་དུས་ཐམས་ཅད་ཀྱི་རྗེས་སུ་འབྲང་བར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་རྣམ་པ་ཐམས་ཅད་ལ་ཡོད་པ་དེ་བཞིན་དུ་དགེ་བའི་རྩ་བ་དེ་དག་འགྲོ་བ་ཐམས་ཅད་ཀྱི་རྗེས་སུ་འགྲོ་ཞིང་རྣམ་
D44.036.0113b07.01