完整藏文原文 · 德格版页 当前仅加载第 36 函德格 322b 版页；藏文 NFD、目录标记与异常页序保留在来源切片中，重复版页行以稳定序号区分。
བསྐལ་པ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་དུ་བྱང་ཆུབ་སེམས་དཔའི་སྤྱད་པ་སྤྱོད་ཅིང་གནས་སོ། །ཡོངས་སུ་རྒྱུན་མི་གཅོད་དོ། །དེ་ན་དེ་ལྟར་བྱང་ཆུབ་སེམས་དཔའ་དེ་མཉམ་པར་བཞག་པས་སྙོམས་
D44.036.0322b01.01པར་འཇུག་གོ །རྣམ་པར་ལྡང་ངོ་། །དེ་དེ་ལྟར་ཏིང་ངེ་འཛིན་དེ་ལ་སྙོམས་པར་ཞུགས་ཤིང་། རྣམ་པར་ལྡང་བ་དང་། འཇིག་རྟེན་གྱི་ཁམས་མངོན་པར་བསྒྲུབ་པ་དག་ཀྱང་རབ་ཏུ་སྤྱོད་དོ། །དེར་ཡང་སེམས་ཅན་གྱི་ཁམས་ཡོངས་སུ་སྨིན་
D44.036.0322b02.01པར་བྱེད་དོ། །ཆོས་ཀྱི་དབྱིངས་ཁོང་དུ་ཆུད་པར་བྱེད་དོ། །དུས་ཤེས་པར་བྱ་བ་རབ་ཏུ་རྟོགས་པར་བྱེད་དོ། །ཆོས་བསྟན་པ་ཤིན་ཏུ་བྱིན་གྱིས་རློབ་པོ། །ཆགས་པ་མེད་ཅིང་ཐོགས་པ་མེད་པའི་རྒྱུད་ཀྱང་ཡོངས་སུ་རྫོགས་པར་བྱེད་དོ། །
D44.036.0322b03.01ཆོས་ཀྱི་དབྱིངས་ཀྱི་དབང་གིས་མིག་ཐ་དད་པ་མེད་པ་འང་ཁོང་དུ་ཆུད་པ་ཡིན། རྣ་བ་ཐ་དད་པ་མེད་པའི་དམ་པའི་ཕ་རོལ་ཏུ་ཕྱིན་པ་ཡིན། སྣ་ཐ་དད་པ་མེད་པ་ལ་མཁས་པར་གྱུར་པ་ཡིན། ལྕེ་ཐ་དད་པ་མེད་པའི་བསླབ་པ་ལ་ཤིན་ཏུ་བསླབས་པ་ཡིན།
D44.036.0322b04.01ལུས་ཐ་དད་པ་མེད་པ་ཤིན་ཏུ་གྲུབ་པ་ཡིན། སེམས་ཐ་དད་པ་མེད་པའི་རྗེས་སུ་སོང་ཞིང་ཁོང་དུ་ཆུད་པ་ཡིན་ཏེ། དེ་དེ་ལྟ་བུའི་ཡེ་ཤེས་དང་ལྡན་པས་གཟུངས་ཁྲག་ཁྲིག་སྟོང་ཕྲག་བཅུའི་ཆོས་སྣང་བ་འབྱུང་ངོ་། །སྤྱོད་པ་ཡོངས་སུ་དག་པ་
D44.036.0322b05.01ཁྲག་ཁྲིག་སྟོང་ཕྲག་བཅུ་ཡོངས་སུ་འགྲུབ་བོ། །དབང་པོ་ཐམས་ཅད་མངོན་པར་ཤེས་པ་ཁྲག་ཁྲིག་སྟོང་ཕྲག་བཅུ་རབ་ཏུ་གནོན་ཏོ། །མངོན་པར་ཤེས་པ་ཁྲག་ཁྲིག་སྟོང་ཕྲག་བཅུ་ཡོངས་སུ་རྫོགས་པར་འགྱུར་རོ། །ཏིང་ངེ་འཛིན་ཁྲག་ཁྲིག་སྟོང་ཕྲག་
D44.036.0322b06.01བཅུ་ཡོངས་སུ་གནོན་ཏོ། །རྫུ་འཕྲུལ་ཁྲག་ཁྲིག་སྟོང་ཕྲག་བཅུ་ཡོངས་སུ་འགྲུབ་བོ། །སྟོབས་ཁྲག་ཁྲིག་སྟོང་ཕྲག་བཅུ་རྣམ་པར་འཕེལ་ལོ། །བསམ་པ་ཁྲག་ཁྲིག་སྟོང་ཕྲག་བཅུ་ཡོངས་སུ་རྫོགས་པར་འགྱུར་རོ། །བྱིན་གྱི་རླབས་
D44.036.0322b07.01