完整藏文原文 · 德格版页 当前仅加载第 36 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཐམས་ཅད་བལྟ་བ་དང་མི་འབྲལ་བའི་མཆོད་སྦྱིན་དུ་འགྱུར་བ་དང་། ཆོ་ག་དང་ཤིན་ཏུ་ལྡན་པའི་མཆོད་སྦྱིན་ཏུ་འགྱུར་བ་དང་། བྱང་ཆུབ་སེམས་དཔའི་ཡོན་ཏན་ཐམས་ཅད་ཀྱིས་ཡོངས་སུ་གྲུབ་པའི་སངས་རྒྱས་ཀྱི་
D44.036.0087a01.01ཡེ་ཤེས་ཀྱི་མཆོད་སྦྱིན་དུ་འགྱུར་བ་དང་། སེམས་ཅན་ཐམས་ཅད་བླ་ན་མེད་པའི་མཆོད་སྦྱིན་བྱེད་ཅིང་དེ་བཞིན་གཤེགས་པའི་མཆོད་སྦྱིན་གྱི་མཐར་ཐུག་པར་འགྱུར་བར་ཡོངས་སུ་བསྔོའོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་
D44.036.0087a02.01ཡོ་བྱད་ཀྱི་ཚོགས་དང་། དངོས་པོ་ལ་ཆགས་པ་མེད་པའི་སེམས་དང་ལྡན་པ། མངོན་པར་མ་ཆགས་པའི་སེམས་དང་ལྡན་པ། རྣམ་པར་སྨིན་པ་ལ་མི་རེ་བའི་སེམས་དང་ལྡན་པ། འཇིག་རྟེན་གྱི་ཕུན་སུམ་ཚོགས་པ་ཐམས་ཅད་རེ་ཞིང་འདོད་པ་མེད་
D44.036.0087a03.01པའི་སེམས་དང་། སྐྱོན་མེད་པའི་སེམས་དང་། རྨོངས་པ་མེད་པའི་སེམས་དང་། ཆོས་ལ་རྟོགས་པས་ཤིན་ཏུ་བསྩལ་བའི་སེམས་དང་། སེམས་ཅན་ཐམས་ཅད་དོན་ལ་གཞག་པར་ཡོངས་སུ་བསྔོ་བའི་སེམས་དང་། ཆོས་ཐམས་ཅད་ཀྱི་རང་བཞིན་ཡང་དག་པ་ཇི་
D44.036.0087a04.01ལྟ་བ་བཞིན་དུ་རབ་ཏུ་རྟོགས་པའི་སེམས་དང་ལྡན་པ། ལོངས་སྤྱོད་མཐའ་ཡས་པ་སྣ་ཚོགས་ཐམས་ཅད་ལ་དམིགས་པ་ཚད་མེད་པའི་རིམ་གྲོ་བྱེད་པའི་ཚུལ་ཅན་སེམས་ཅན་ལ་ཕན་པ་རྣམ་པ་ཐ་དད་པས་རྣམ་པ་སྣ་ཚོགས་དུ་མར་ཡང་དག་པར་སྤྱོད་པ་དངོས་
D44.036.0087a05.01པོའི་རྣམ་པ་ཚད་མེད་པ་བརྗོད་དུ་མེད་པ་དང་། མངོན་པར་འདུ་བྱ་བའི་རྒྱན་མཚན་ཉིད་སྣ་ཚོགས་ཅན་ཐམས་ཅད་སྦྱིན་པའི་ཚོགས་ལ་རབ་ཏུ་བརྩོན་པ། གཏང་བར་བྱ་བ་མཐའ་ཡས་པ་སྟོབས་པས་གཏོང་བ་ཐམས་ཅད་ཡང་དག་པར་གཏོང་བ་ལ་གཞོལ་བ། ཕྱི་
D44.036.0087a06.01ནང་གི་ཡུལ་ཟད་མི་ཤེས་པའི་དམིགས་པ་ཐམས་ཅད་ཤིན་ཏུ་སྟོན་པས་དེ་དག་གཏོང་བ་དང་། ཡོངས་སུ་གཏོང་བ་དང་། སྟོབས་པ་དང་། སྦྱིན་པར་བྱེད་པ་དང་། འབུལ་བ་དང་། བསམ་པའི་སྟོབས་རྣམ་པར་འཕེལ་བར་བྱེད་པ་དང་། འགྲོ་བ་ཐམས་
D44.036.0087a07.01