完整藏文原文 · 德格版页 当前仅加载第 36 函德格 324b 版页；藏文 NFD、目录标记与异常页序保留在来源切片中，重复版页行以稳定序号区分。
སྙོམས་པར་འཇུག་པ་ཡང་རབ་ཏུ་བརྗོད་དོ། །སངས་རྒྱས་ཐམས་ཅད་ཀྱི་འཁོར་ཀུན་ནས་འདུས་པ་གཅིག་ནས་གཅིག་ཏུ་བརྒྱུད་པ་འང་རྣམ་པར་དམིགས་པ་མཛད་དོ། །སངས་རྒྱས་ཐམས་ཅད་ཀྱི་ཆོས་བསམ་གྱིས་མི་ཁྱབ་པ་འང་བྱིན་གྱིས་བརླབ་པ་མཛད་དོ། །ཆོས་
D44.036.0324b01.01ཐམས་ཅད་མཉམ་པ་ཉིད་ཀྱང་ཡང་དག་པར་བསྟན་ཏོ། །ཆོས་ཐམས་ཅད་མི་འཕོ་ཞིང་རྒྱུན་འཆད་པ་མེད་པ་ཡང་ཁོང་དུ་ཆུད་པར་མཛད་དོ། །ཆོས་ཀྱི་དཀྱིལ་འཁོར་ཐམས་ཅད་ཀྱི་རྗེས་སུ་འགྲོ་བ་ཡང་རབ་ཏུ་རྫོགས་པར་མཛད་དོ། །དེ་བཞིན་
D44.036.0324b02.01གཤེགས་པའི་ཡོན་ཏན་ཚད་མེད་པ་ཡང་ཡོངས་སུ་བསྟན་ཏོ། །ཏིང་ངེ་འཛིན་གྱི་དཀྱིལ་འཁོར་ཐམས་ཅད་སྦྱང་བ་ཡང་ཁོང་དུ་ཆུད་པར་མཛད་དོ། །སེམས་སྒྱུ་མ་ལྟ་བུ་མཐར་ཐུག་པ་མེད་པ་ཡང་རབ་ཏུ་བསྒྲུབ་པ་མཛད་དོ། །ཀྱེ་རྒྱལ་བའི་
D44.036.0324b03.01སྲས་དག །བྱང་ཆུབ་སེམས་དཔའི་ཏིང་ངེ་འཛིན་ཆོས་ཀྱི་དབྱིངས་ལ་དབང་བསྒྱུར་བ་འདི་ལ་གནས་པའི་བྱང་ཆུབ་སེམས་དཔའ་ནི། སངས་རྒྱས་བཅོམ་ལྡན་འདས་མཚན་ཐ་དད་པ་མཚན་རེ་རེ་ཞིང་ཡང་རྣམ་པར་དབྱེ་བའི་བྱེ་བྲག །སངས་རྒྱས་
D44.036.0324b04.01ཀྱི་ཞིང་གྲངས་མེད་པ་སྟོང་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་མངའ་བ་མཚན་དེ་དག་རེ་རེའི་རྣམ་པར་དབྱེ་བའི་རྣམ་གྲངས་ཀྱང་སངས་རྒྱས་ཀྱི་ཞིང་གྲངས་མེད་པ་སྟོང་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་མངའ་བདག་གིས་མཐའ་དང་དབུས་མེད་པའི་ཚུལ་
D44.036.0324b05.01དུ་ལུས་ཀྱང་བྱིན་གྱིས་བརླབ་པ་མཛད་དོ། །ཆགས་པ་མེད་པའི་ཚུལ་དུ་སེམས་ཀྱང་བྱིན་གྱིས་བརླབ་པ་མཛད་དོ། །ཆོས་ཐམས་ཅད་ཉམས་པ་མེད་པ་ལ་གཞོལ་བར་དྲན་པའང་བྱིན་གྱིས་བརླབ་པ་མཛད་དོ། །ཆོས་ཐམས་ཅད་
D44.036.0324b06.01རྟོགས་པར་ཁོང་དུ་ཆུད་པར་བློ་གྲོས་ཀྱང་བྱིན་གྱིས་བརླབ་པ་མཛད་དོ། །ཆོས་ཐམས་ཅད་ཤིན་ཏུ་འཛིན་པར་རིག་པའང་བྱིན་གྱིས་བརླབ་པར་མཛད་དོ། །ཆོས་ཐམས་ཅད་ཡངས་ཤིང་འབྱམ་ཀླས་པའི་ཚུལ་དུ་བློ་ཡང་བྱིན་གྱིས་བརླབ་
D44.036.0324b07.01