完整藏文原文 · 德格版页 当前仅加载第 36 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཀྱི་རྣམ་པ་ཅི་འདྲར་རྣམ་ཕྱེ་བ། །དེ་དག་ཡང་དག་བསྒྲུབ་པར་མངོན་པར་བརྩོན། །ཁ་ལོ་སྒྱུར་སར་ཐམས་ཅད་གཟུང་སེམས་ལྡན། །ཡོངས་སུ་གདུང་མེད་ཆགས་མེད་ཡིད་དང་ལྡན། །དོན་དང་ཆོས་ཉིད་དེ་དག་རྗེས་སུ་ཐོབ། །འགྲོ་ལ་ཕན་ཕྱིར་དེ་
D44.036.0119b01.01དག་མངོན་པར་བརྩོན། །དེ་དག་ཡིད་ཀྱིས་དགེ་བ་རྟོགས་གྱུར་ཅིང་། །གང་དག་རྣམ་པ་ཐ་དད་གྲངས་མང་བ། །དེ་དག་རྒྱུ་དང་ཚུལ་ཡང་རབ་ཏུ་ཤེས། །དེ་དག་འཇིག་རྟེན་ཕན་ཕྱིར་ཡོངས་སུ་བསྔོ། །ཤིན་ཏུ་ཡངས་པའི་ཚུལ་གྱི་དམ་པ་འདིས། །མཉམ་ཡངས་
D44.036.0119b02.01ཡེ་ཤེས་རྟག་ཏུ་ཚུལ་ཤེས་པས། །གནས་རྣམས་ཐམས་ཅད་མ་ལུས་མཐོང་བྱས་ཤིང་། །དེ་བཞིན་ཉིད་ལྟར་ཡོངས་སུ་བསྔོ་བ་བྱེད། །གང་ལ་དེ་བཞིན་ཉིད་དེ་ཡོད་པ་ཡི། །རྣམ་པ་ཐམས་ཅད་འཇིག་རྟེན་བླངས་བྱས་ཤིང་། །འཇིག་རྟེན་རྒྱུད་རྣམས་ཆགས་པ་མེད་
D44.036.0119b03.01པའི་ཕྱིར། །དེ་འདྲའི་ལས་སུ་བརྟན་པ་ཡོངས་སུ་བསྔོ། །དེ་ནི་ཀུན་ཏུ་འགྲོ་བར་རྟོག་བྱས་ཤིང་། །དེ་བཞིན་ཉིད་ཀྱི་ཚུལ་རྒྱུད་གང་ཡིན་དང་། །དམིགས་པ་དག་དང་འོན་ཏམ་{དམྱིགས་,དམིགས་}མེད་པ། །དེ་ལྟར་བསོད་ནམས་ཡིད་དུ་འོང་བ་བསྔོ། །མུན་ལ་ཡོད་དང་ཉིན་ལ་
D44.036.0119b04.01ཡོད་པ་དང་། །ཡུད་དུ་ཡན་མན་དེ་བཞིན་ཟླ་ཡོད་དང་། །ལོ་ལ་ཡོད་དང་བསྐལ་ལ་ཡོད་པ་འམ། །དེ་བཞིན་ཅི་བཞིན་དེ་བཞིན་ཉིད་བཞིན་བསྔོ། །དུས་ལ་ཡོད་པ་འམ་ཞིང་ལ་ཡོད་པ་དང་། །སེམས་ཅན་ཡོད་པ་འམ་ཆོས་ལ་ཡོད་པ་དང་། །ཀུན་ལ་ཡོད་པ་འམ་
D44.036.0119b05.01ཡོད་པ་མ་ཡིན་པ། །དེ་བཞིན་བསོད་ནམས་མ་ལུས་ཡོངས་སུ་བསྔོ། །དེ་བཞིན་ཉིད་ཀྱི་རང་བཞིན་ཅི་འདྲ་བ། །རང་བཞིན་དེ་འདྲར་སེམས་ཀྱང་བསྒྱུར་བྱས་ཤིང་། །ཇི་ལྟར་དེ་བཞིན་ཉིད་དེ་རྗེས་འགྲོ་བ། །དེ་ལྟར་བསོད་ནམས་གཅིག་མིན་ཡོངས་སུ་བསྔོ། །
D44.036.0119b06.01དེ་བཞིན་ཅི་བཞིན་དེ་བཞིན་ཉིད་ཀྱི་དངོས། །དེ་ལ་ཆོས་ཉིད་གང་ཡང་ཡོད་མེད་ཅིང་། །རང་བཞིན་མི་ལྡན་ཇི་ལྟར་དེ་བཞིན་ཉིད། །དེ་ལྟར་ལས་རྣམས་མཁས་པ་ཡོངས་སུ་བསྔོ། །དེ་བཞིན་ཉིད་ཀྱི་མཚན་ཉིད་ཅི་འདྲ་དང་། །དེ་བཞིན་ཉིད་ཀྱི་ངང་ཚུལ་ཅི་འདྲ་དང་། །
D44.036.0119b07.01