完整藏文原文 · 德格版页 当前仅加载第 36 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་སྣང་བས་འགྲོ་ཀུན་གྱི། །མུན་པ་ཀུན་བསྩལ་ཆོས་ཀྱི་ཚུལ་ཡང་རབ་ཏུ་སྟོན། །དབང་ཕྱུག་དམ་པའི་མཐུ་ཡིས་འགྲོ་བའི་འདོད་ཆགས་སེལ། །དེ་བས་རྒྱལ་སྲས་ཉོན་མོངས་སེལ་ལ་མཁས་ཞེས་བྱ། །འདི་ལ་གནས་པ་དེ་དག་ཁམས་གསུམ་
D44.036.0282b01.01དབང་ཕྱུག་འགྱུར། །ཡེ་ཤེས་ཚུལ་ཤེས་ཐེག་པ་གསུམ་པོ་སྟོན་ལ་མཁས། །སྐད་ཅིག་ཡུད་ཙམ་ཅིག་གསི་ཏིང་འཛིན་གཅིག་མིན་ཐོབ། །ཕྱོགས་བཅུ་ཀུན་ཏུ་རྒྱལ་བའི་དམ་པ་གཅིག་མིན་སྟོན། །འདི་ནི་བདག་གིས་རྒྱལ་སྲས་ས་རྣམས་མདོར་
D44.036.0282b02.01བསྟན་གྱི། །རྒྱ་ཆེར་བསྐལ་པ་བརྒྱ་ཕྲག་སྟོང་གིས་བསྟན་མི་ནུས། །ཡོན་ཏན་འདི་འདྲའི་སངས་རྒྱས་ཡེ་ཤེས་ས་འདི་ལ། །གནས་པ་རྟག་ཏུ་རི་ཡི་རྒྱལ་པོ་བཞིན་མི་གཡོ། །རྒྱལ་སྲས་ཐོག་མ་གཙུག་ལག་ཀུན་གྱིས་མི་གཡོ་སྟེ། །སྨན་གྱི་རྣམ་པ་
D44.036.0282b03.01ཀུན་ནས་རི་རྒྱལ་གངས་བཞིན་ནོ། །ཚུལ་ཁྲིམས་ཐོས་པས་གཉིས་པ་སྤོས་ངད་སྤོས་དང་འདྲ། །རྣམ་འདལ་མེ་ཏོག་ཇི་བཞིན་གསུམ་པ་ཤེས་པར་བྱ། །ལམ་ལ་མོས་བཞིན་མི་འཁྲུགས་འོད་འཕྲོ་ཐོབ་པ་སྟེ། །དྲང་སྲོང་གནས་བཞིན་མཁས་
D44.036.0282b04.01པ་རྣམས་ཀྱི་རྟེན་གྱུར་པའོ། །གནོད་སྦྱིན་གཉའ་ཤིང་འཛིན་བཞིན་བསམ་ཡས་ལྔ་པ་ཐོབ། །རྟ་རྣའི་ཤིང་ཏོག་འདྲ་བར་དྲུག་པའི་འབྲས་བུ་སྟེ། །བདུན་པ་ས་འཛིན་ཀླུ་བཞིན་ཤེས་རབ་ཆེན་པོས་ཐོབ། །ཁོར་ཡུག་དབང་ལྡན་བཞིན་དུ་
D44.036.0282b05.01བརྒྱད་པ་དབང་ཅན་ཐོབ། །དགུ་པ་དྲི་མ་སེལ་བ་དཔལ་ཅན་ལྷ་མིན་བཞིན། །བཅུ་པ་རྒྱལ་བའི་ལེགས་ལྡན་རི་རབ་ལྷ་གནས་འདྲ། །དང་པོ་སྨོན་ལམ་སྔོན་འགྲོ་གོང་མ་ཚུལ་ཁྲིམས་ཚོགས། །གསུམ་པ་སྤྱོད་པའི་ཡོན་ཏན་བཞི་པ་གཅིག་གི་དངོས། །
D44.036.0282b06.01ལྔ་པ་དགེ་མང་དྲུག་པ་ཤིན་ཏུ་ཟབ་པའི་དངོས། །བརྒྱད་པ་བློ་གྲོས་ཡངས་པ་ཀུན་ཏུ་གཅིག་མིན་རྒྱན། །དགུ་པ་མཁས་པ་ཡེ་ཤེས་ཕྲ་ཞིང་ཟབ་དང་ལྡན། །འགྲོ་རྒྱུད་ཐམས་ཅད་ཡེ་ཤེས་ལྡན་པས་རབ་ཏུ་གནོན། །བཅུ་པ་རྒྱལ་བ་རྣམས་ལས་ཡང་
D44.036.0282b07.01