完整藏文原文 · 德格版页 当前仅加载第 36 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཕྱིར་ཡོངས་སུ་བསྔོའོ། །དགེ་བའི་རྩ་བ་དེ་འཇིག་རྟེན་ལས་འདས་པའི་ཆོས་ལ་ཡང་དག་པར་སྤྱོད་པས་ཡོངས་སུ་བསྔོའོ། །དགེ་བའི་རྩ་བ་དེ་འགྲོ་བ་ཐམས་ཅད་མི་དམིགས་ཤིང་། མི་གནས་པས་ཡོངས་སུ་བསྔོའོ། །
D44.036.0113a01.01དགེ་བའི་རྩ་བ་དེ་ཐམས་ཅད་ཟིལ་གྱིས་གནོན་པའི་ནན་ཏན་བསྟན་པས་ཡང་དག་པར་བསྐྱེད་པས་ཡོངས་སུ་བསྔོའོ། །དགེ་བའི་རྩ་བ་དེ་ཆོས་ཀྱི་འབྱུང་གནས་རྣམ་པར་བརྟག་པ་མེད་པ་མངོན་པར་བསྒྲུབས་པས་ཡོངས་སུ་བསྔོའོ། །དགེ་བའི་རྩ་བ་དེ་དེ་
D44.036.0113a02.01བཞིན་ཉིད་ཀྱི་སྒོ་ཐམས་ཅད་དུ་འགྲོ་ཞིང་མཐའ་དང་དབུས་མེད་པར་འགྲོ་བས་ཡོངས་སུ་བསྔོའོ། །དེ་བཞིན་ཉིད་ཇི་ལྟ་བ་དེ་བཞིན་དུ་དགེ་བའི་རྩ་བ་དེ་དག་ཆོས་ཐམས་ཅད་ཀྱི་དེ་ཁོ་ན་རབ་ཏུ་རྟོགས་པར་བྱ་བའི་ཕྱིར་ཡོངས་སུ་བསྔོའོ། །དེ་བཞིན་ཉིད་ཀྱི་ངང་ཚུལ་
D44.036.0113a03.01གང་ཡིན་པ་དེའི་ངང་ཚུལ་དུ་གྱུར་པ་དགེ་བའི་རྩ་བ་དེ་དག་ཡོངས་སུ་བསྔོའོ། །དེ་བཞིན་ཉིད་ཀྱི་རང་བཞིན་གང་ཡིན་པ་དེ་བཞིན་དུ་དགེ་བའི་རྩ་བ་དེ་དག་ཆོས་ཐམས་ཅད་ཀྱི་རང་བཞིན་རང་བཞིན་མེད་པའི་ཕྱིར་ཡོངས་སུ་བསྔོའོ། །དེ་བཞིན་ཉིད་ཀྱི་མཚན་ཉིད་གང་ཡིན་
D44.036.0113a04.01པ་དེ་བཞིན་དུ་དགེ་བའི་རྩ་བ་དེ་དག་མཚན་ཉིད་མེད་པའི་ཆོས་ཐམས་ཅད་མཚན་ཉིད་ཀྱིས་ཡང་དག་པར་དམིགས་པའི་ཕྱིར་ཡོངས་སུ་བསྔོའོ། །ཆོས་ཉིད་གང་གིས་དེ་བཞིན་ཉིད་དེ་རྟོགས་པར་འགྱུར་བ་དེ་བཞིན་དུ་དགེ་བའི་རྩ་བ་དེ་དག་སངས་རྒྱས་ཀྱི་ཆོས་
D44.036.0113a05.01ལས་ཕྱིར་མི་ལྡོག་པའི་ཕྱིར་ཡོངས་སུ་བསྔོའོ། །དེ་བཞིན་ཉིད་ཀྱི་སྤྱོད་ཡུལ་གང་ཡིན་པ་དེ་བཞིན་དུ་དགེ་བའི་རྩ་བ་དེ་དག་དེ་བཞིན་གཤེགས་པའི་སྤྱོད་ཡུལ་ཁོང་དུ་ཆུད་པར་བྱ་བའི་ཕྱིར་ཡོངས་སུ་བསྔོའོ། །དེ་བཞིན་ཉིད་ཀྱི་སྤྱོད་ཡུལ་གང་ཡིན་པ་དེ་བཞིན་དུ་དགེ་
D44.036.0113a06.01བའི་རྩ་བ་དེ་དག་འདས་པ་དང་མ་བྱོན་པ་དང་ད་ལྟར་བྱུང་བའི་སངས་རྒྱས་ཐམས་ཅད་ཀྱི་ཡུལ་ཡུལ་མེད་པའི་རང་བཞིན་དུ་ཁོང་དུ་ཆུད་པ་ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོའོ། །དེ་བཞིན་ཉིད་གང་ལ་གཞོག་པ་དེ་བཞིན་དུ་དགེ་བའི་རྩ་བ་དེ་དག་འགྲོ་
D44.036.0113a07.01