完整藏文原文 · 德格版页 当前仅加载第 36 函德格 91b 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་ཕྱིར་ཡོངས་སུ་བསྔོ་བ་ཞེས་བྱའོ། །འཇིག་རྟེན་གྱི་ཆོས་ལས་གཞན་དུ་གྱུར་པས་ན། དེའི་ཕྱིར་ཡོངས་སུ་བསྔོ་བ་ཞེས་བྱའོ། །དེ་དེ་ལྟར་ཡོངས་སུ་བསྔོ་བས་སངས་རྒྱས་ཀྱི་རྗེས་སུ་སོང་བ་ཡིན། ཆོས་ཀྱི་རྗེས་སུ་སོང་བ་ཡིན། ཡེ་ཤེས་ཀྱི་
D44.036.0091b01.01རྗེས་སུ་སོང་བ་ཡིན། བྱང་ཆུབ་ཀྱི་རྗེས་སུ་སོང་བ་ཡིན། དོན་གྱི་རྗེས་སུ་སོང་བ་ཡིན། ཡོངས་སུ་བསྔོ་བའི་རྗེས་སུ་སོང་བ་ཡིན། སྤྱོད་ཡུལ་གྱི་རྗེས་སུ་སོང་བ་ཡིན། སྤྱོད་པའི་རྗེས་སུ་སོང་བ་ཡིན། རང་བཞིན་གྱི་རྗེས་སུ་སོང་བ་ཡིན།
D44.036.0091b02.01རྣམ་པར་དག་པའི་རྗེས་སུ་སོང་བ་ཡིན་ཏེ། དེ་དེ་ལྟར་ཡོངས་སུ་བསྔོ་བས་ཆོས་ཤེས་པར་བྱ་བ་ཐམས་ཅད་ཁོང་དུ་ཆུད་པར་བྱེད་པ་ཡིན། སངས་རྒྱས་ཐམས་ཅད་མཉེས་པར་བྱ་བ་ཡང་ཡོངས་སུ་རྫོགས་པར་བྱེད་དེ། སངས་རྒྱས་གང་ཡང་
D44.036.0091b03.01ཐུགས་འབྱུང་བར་བྱས་པ་མེད་པ་ཡིན། ཆོས་གང་ཡང་མི་འཐུན་པར་བྱས་པ་མེད་པ་ཡིན། ཆོས་གང་ཡང་ཆུད་གཟན་པ་མེད་པ་ཡིན། ཆོས་གང་དང་ཡང་འགལ་བར་བྱེད་པ་མེད་པ་ཡིན། དངོས་པོ་གང་ཡང་ཉམས་པར་བྱེད་པ་མེད་
D44.036.0091b04.01པ་ཡིན། ཆོས་གང་ཡང་བོར་བ་མེད་པ་ཡིན། རྒྱུ་གང་ཡང་བཤིག་པ་མེད་པ་ཡིན། རྐྱེན་གང་ཡང་ཕྱི་ནང་གི་ཆོས་ཐམས་ཅད་དང་འགལ་བར་བྱས་པ་མེད་པ་ཡིན། ལས་ཀྱི་འབྲས་བུ་ཡང་རྒྱུན་གཅོད་པར་མི་བྱེད་དེ། ཀྱེ་རྒྱལ་བའི་སྲས་
D44.036.0091b05.01དག་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡོངས་སུ་བསྔོ་བ་དྲུག་པ། དགེ་བའི་རྩ་བ་ཐམས་ཅད་དང་མཉམ་པ་ཉིད་ཀྱི་རྗེས་སུ་སོང་བ་ཞེས་བྱ་བ་སྟེ། ཡོངས་སུ་བསྔོ་བ་དེས་ཡོངས་སུ་བསྔོ་བའི་བྱང་ཆུབ་སེམས་དཔའ་སེམས་
D44.036.0091b06.01དཔའ་ཆེན་པོ་སངས་རྒྱས་ཚད་མེད་པས་བྱིན་གྱིས་བརླབས་པ་ཡིན་ནོ། །སྙིང་པོ་ཐོབ་པ་ཡིན་ནོ། །ཆོས་ཉིད་ཐོབ་པ་ཡིན་ནོ། །ཐམས་ཅད་མཁྱེན་པ་ལ་བརྩོན་པ་ཡིན་ནོ། །དོན་ཀྱི་ཆོས་དང་ལྡན་པ་ཡིན་ནོ། །ཆོས་ཐམས་ཅད་ཀྱི་རང་བཞིན་
D44.036.0091b07.01