完整藏文原文 · 德格版页 当前仅加载第 36 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
རིན་པོ་ཆེའི་སྲད་བུས་ལེགས་པར་བཏགས། རིན་པོ་ཆེའི་བཻ་ཌཱུརྱའི་རྩ་བའི་རྒྱལ་མཚན་གྱི་རྩེ་མོ་ལ་བཞག་སྟེ། འོད་ཐམས་ཅད་འབྱུང་བར་འགྱུར་ལ་རྒྱལ་པོས་བསྔགས་པར་གྱུར་ཏེ། རིན་པོ་ཆེའི་རིགས་བཅུ་ལས་འདས་ཤིང་ཤིན་ཏུ་འཕགས་
D44.036.0278b01.01པར་གྱུར་པ་དེའི་ཚེ། སེམས་ཅན་ཐམས་ཅད་ལ་རིན་པོ་ཆེས་ཕན་གདགས་པའི་དོན་དུ་ཉེ་བར་གནས་པ་ཡིན། ཀྱེ་རྒྱལ་བའི་སྲས་དེ་བཞིན་དུ་བྱང་ཆུབ་སེམས་དཔའི་ཐམས་ཅད་མཁྱེན་པ་ཉིད་ཀྱི་སེམས་རིན་པོ་ཆེ་བསྐྱེད་པ་ཡང་སྦྱངས་པའི་ཡོན་ཏན་གྱི་སྡོམ་པ་
D44.036.0278b02.01དང་ཚུལ་ཁྲིམས་དང་བརྟུལ་ཤུགས་དང་དཀའ་ཐུབ་ཀྱིས་ཤིན་ཏུ་བསྲེགས། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པས་ཤིན་ཏུ་བསྒྲུབས། ལམ་གྱི་ཡན་ལག་གི་རྣམ་པས་ཤིན་ཏུ་སྦྱངས།
D44.036.0278b03.01ཐབས་དང་མངོན་པར་ཤེས་པས་ཤིན་ཏུ་དག་པར་བྱས། རྟེན་ཅིང་འབྲེལ་པར་འབྱུང་བས་ཤིན་ཏུ་ཕུག །ཐབས་དང་ཤེས་རབ་རིན་པོ་ཆེ་སྣ་ཚོགས་ཀྱི་སྲད་བུས་ཤིན་ཏུ་བཏགས། དབང་གི་རིན་པོ་ཆེ་བཻ་ཌཱུཪྻའི་ཡུ་བའི་རྒྱལ་མཚན་གྱི་རྩེ་མོ་ལ་
D44.036.0278b04.01བཞག །སེམས་ཅན་གྱི་སྤྱོད་པ་རབ་ཏུ་བརྟགས་པ་དང་། ཐོས་པའི་ཡེ་ཤེས་ཀྱི་འོད་རབ་ཏུ་འབྱུང་བར་གྱུར་ཏེ། ཆོས་ཀྱི་རྒྱལ་པོ་དེ་བཞིན་གཤེགས་པས་ཡང་དག་པར་རྫོགས་པའི་སངས་རྒྱས་ཀྱི་མངོན་པར་དབང་བསྐུར་བས་དབང་བསྐུར་བར་གྱུར་པ་
D44.036.0278b05.01དེའི་ཚེ། སེམས་ཅན་ཐམས་ཅད་ལ་སངས་རྒྱས་ཀྱི་ཕྲིན་ལས་རིན་པོ་ཆེ་ཐམས་ཅད་ཀྱིས་ཡང་དག་པར་ཕན་གདགས་པའི་དོན་དུ་ཉེ་བར་གནས་པ་ཡིན་ཏེ། དེའི་ཚེ་ཐམས་ཅད་མཁྱེན་པ་ཞེས་ཀྱང་བྱའོ། །ཀྱེ་རྒྱལ་བའི་སྲས་བྱང་ཆུབ་སེམས་
D44.036.0278b06.01དཔའི་སྤྱོད་པ་ཡང་དག་པར་བསྒྲུབ་ཅིང་། རྣམ་པ་ཐམས་ཅད་མཁྱེན་པའི་ཡེ་ཤེས་དང་ཡོན་ཏན་ཡང་དག་པར་བསྩགས་པའི་ཆོས་ཀྱི་སྒོའི་རྒྱུད་འདི་ནི་སེམས་ཅན་དགེ་བའི་རྩ་བ་མ་བསྐྱེད་པ་རྣམས་ཀྱི་རྣ་ལམ་དུ་གྲག་པར་མི་འགྱུར་རོ། །བྱང་ཆུབ་
D44.036.0278b07.01