完整藏文原文 · 德格版页 当前仅加载第 36 函德格 178a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱ་བ་དང་སངས་རྒྱས་ཀྱི་ཆོས་ལ་གཟུད་པ་དང་། ལམ་གྱི་རྒྱུད་འགྲངས་པ་ཐམས་ཅད་རྒྱུན་གཅད་པ་དང་། ཐམས་ཅད་མཁྱེན་པའི་ཡེ་ཤེས་ལ་དགོད་པའི་ཕྱིར་ཆོས་ཀྱི་དབྱིངས་ཀྱིས་ཀླས་པར། རྒྱ་ཆེ་བ་ནམ་མཁའི་
D44.036.0178a01.01དབྱིངས་ཀྱི་མཐར་ཐུག་པ། ཕྱི་མའི་མཐའི་མུར་ཐུག་པ་བསྐལ་པ་འགྲངས་པ་ཐམས་ཅད་དང་། སེམས་ཅན་འགྲངས་པ་ཐམས་ཅད་དུ་སེམས་ཅན་གྱི་ཁམས་ཡོངས་སུ་སྨིན་པར་བྱ་བ་ལ་རྒྱུན་མི་འཆད་པའི་སྨོན་ལམ་ཆེན་པོ་མངོན་པར་སྒྲུབ་བོ། །
D44.036.0178a02.01འདི་ལྟ་སྟེ། འཇིག་རྟེན་གྱི་ཁམས་ཡངས་པ་དང་། དོག་པ་དང་། རྒྱ་ཆེན་པོ་དང་། ཚད་{མྱེད་,མེད་}པ་དང་། ཕྲ་བ་དང་། ཆེ་བ་དང་། སྣྲེལ་ཞི་དང་། སྦྱིའུ་ཚུགས་སུ་རྒྱུ་བ་ཐམས་ཅད་མ་ལུས་པ་ལྷག་མ་{མྱེད་,མེད་}པ་མཐའ་དག་གཞི་མཉམ་པར་ཡང་
D44.036.0178a03.01དག་པར་འཇུག་པ་ཁོང་དུ་ཆུད་པར་བྱ་བ་དང་། {མྱིག་,མིག་}འཕྲུལ་གྱི་རྣམ་པ་ལྟར་ཕྱོགས་བཅུའི་རྣམ་པ་ཐ་དད་པ་མ་ལུས་པའི་རྣམ་པ་ལ་འཇུག་པ། རྣམ་པར་ཕྱེ་བའི་ཡེ་ཤེས་ཁོང་དུ་ཆུད་ཅིང་། མངོན་དུ་འགྱུར་བར་བྱ་བའི་ཕྱིར་ཆོས་ཀྱི་དབྱིངས་ཀྱིས་ཀླས་
D44.036.0178a04.01པར་རྒྱ་ཆེ་བ། ནམ་མཁའི་དབྱིངས་ཀྱི་མཐར་ཐུག་པ། ཕྱི་མའི་མཐའི་མུར་ཐུག་པ། བསྐལ་པ་འགྲངས་པ་ཐམས་ཅད་དུ། འཇིག་རྟེན་གྱི་ཁམས་འགྲངས་པར་འཇིག་རྟེན་གྱི་ཁམས་ཐམས་ཅད་ལ་འཇུག་ཅིང་ཡོངས་སུ་དག་པར་བྱ་བའི་ཕྱིར། སྨོན་ལམ་ཆེན་པོ་མངོན་པར་སྒྲུབ་བོ། །
D44.036.0178a05.01འདི་ལྟ་སྟེ། ཞིང་ཐམས་ཅད་ཞིང་གཅིག་ཏུ་ཡང་དག་པར་གཞོལ་བར་བྱ་བ་དང་། ཞིང་གཅིག་ཞིང་ཐམས་ཅད་དུ་ཡང་དག་པར་གཞོལ་བར་བྱ་བ་དང་། ཡོངས་སུ་སྦྱང་བ་དང་། སངས་རྒྱས་ཀྱི་ཞིང་ཚད་མེད་པ་འོད་མང་པོའི་རྒྱན་གྱིས་རབ་ཏུ་བརྒྱན་པར་བྱ་
D44.036.0178a06.01བ་དང་། ཀུན་ནས་ཉོན་མོངས་པ་ཐམས་ཅད་བསྩལ་བས། ཡོངས་སུ་དག་པའི་ལམ་དང་ལྡན་པ་དང་། སེམས་ཅན་ཡེ་ཤེས་ཀྱི་འབྱུང་གནས་ཚད་མེད་པས་ཡོངས་སུ་གང་བའི་སངས་རྒྱས་ཀྱི་ཡུལ་རྒྱ་ཆེན་པོ་ལ་ཡང་དག་པར་གཞོལ་ཞིང་ཁོང་དུ་ཆུད་
D44.036.0178a07.01