完整藏文原文 · 德格版页 当前仅加载第 36 函德格 18a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་ཐམས་ཅད་མ་ལུས་པར་ཤིན་ཏུ་བྱུང་བའི་དེ་བཞིན་གཤེགས་པའི་སྐུ་དང་། ཐམས་ཅད་མཁྱེན་པར་འབྱུང་བར་བགོ་སྐལ་མེད་པར་ཡོངས་སུ་བསྔོས་པ་དང་། ནམ་མཁའི་ཁམས་ཚད་མེད་པའི་རྗེས་སུ་སོང་བའི་སེམས་ཀྱི་ས་དང་། ཡོངས་
D44.036.0018a01.01སུ་བསྔོ་བའི་ཚད་བསམ་གྱིས་མི་ཁྱབ་པའི་རྗེས་སུ་ཞུགས་པ་དང་། ཡོངས་སུ་བསྔོ་བ་མཉམ་པ་ཉིད་ལས་ཀྱི་རྣམ་པར་སྨིན་པ་ཐམས་ཅད་ལས་རྣམ་པར་གྲོལ་ཞིང་ཤིན་ཏུ་མོས་པ་དང་། ཡོངས་སུ་བསྔོ་བའི་ཁྱད་པར་མཐའ་ཡས་པར་འབྲེལ་བར་བྱས་པ་དང་། ཡོངས་སུ་
D44.036.0018a02.01བསྔོ་བའི་ཚུལ་ཆོས་ཀྱི་དབྱིངས་ཐམས་ཅད་ཀྱི་རྗེས་སུ་སོང་བས་ཡོངས་སུ་བསྔོ་བའི་ཚེ་བདག་ལ་མི་རྟོག་གོ །བདག་གི་ལུས་ལ་རྣམ་པར་མི་རྟོག་གོ །སངས་རྒྱས་ལ་མི་རྟོག་གོ །སངས་རྒྱས་ཀྱི་ཆོས་ལ་རྣམ་པར་མི་རྟོག་གོ །ཞིང་ལ་མི་རྟོག་གོ །ཞིང་གི་ཡང་དག་པར་སྤྱོད་པས་རྣམ་
D44.036.0018a03.01པར་དག་པ་ལ་རྣམ་པར་མི་རྟོག་གོ །སེམས་ཅན་ལ་རྣམ་པར་མི་རྟོག་གོ །སེམས་ཅན་གདུལ་བ་ལ་རྣམ་པར་མི་རྟོག་གོ །ལས་ལ་མི་རྟོག་གོ །ལས་ཀྱི་རྣམ་པར་སྨིན་པ་ལ་རྣམ་པར་མི་རྟོག་གོ །སེམས་པ་ལ་ཆགས་པར་མི་བྱེད་དོ །བསམ་པས་ཀྱང་མངོན་པར་ཆགས་པར་མི་བྱེད་དོ། །
D44.036.0018a04.01རྒྱུ་ཆུད་གཟོན་པར་མི་བྱེད་དོ། །རྒྱུ་དང་འབྲས་བུ་ཆུད་གཟོན་པར་མི་བྱེད་དོ། །དངོས་པོ་ཉེ་བར་ལེན་པར་མི་བྱེད་དོ། །དངོས་པོའི་ཆོས་ལ་ཆགས་པར་ཡང་མི་བྱེད་དོ། །འཁོར་བའི་རྣམ་པ་ཐ་དད་པ་གཅིག་ཏུ་མི་བྱེད་དོ། །ཞི་བ་རྣམ་པར་བརྟགས་པ་མེད་པས་རློམ་སེམས་མི་བསྐྱེད་
D44.036.0018a05.01དོ། །དེ་བཞིན་གཤེགས་པ་རྣམས་ཀྱི་དེ་བཞིན་གཤེགས་པའི་ཡུལ་གྱིས་བསྙེམས་པར་མི་བྱེད་དོ། །ཆོས་གང་གིས་ཀྱང་ཆོས་ལ་གནས་པར་མི་བྱེད་དོ། །དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་བ་དེ་དག་ཉེ་བར་སྟོབས་སོ། །ཁོང་དུ་ཆུད་པར་བྱེད་དོ། །ཡོངས་སུ་བསྔོའོ། །ཡོངས་སུ་སྨིན་པར་བྱེད་
D44.036.0018a06.01དོ། །མཉམ་པར་བྱེད་དོ། །སྒྲུབ་བོ། །མཚན་མར་མི་བྱེད་དོ། །དམིགས་པར་མི་བྱེད་དོ། །མི་འཇལ་ལོ། །མི་རྟོག་གོ །རྣམ་པར་མི་རྟོག་གོ །བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཡོངས་སུ་བསྔོ་བ་ནི་འདས་པ་དང་མ་བྱོན་པ་དང་ད་ལྟར་བྱུང་བའི་སངས་རྒྱས་ཐམས་ཅད་རྗེས་སུ་དྲན་པས་དགེ་བའི་རྩ་བ་{མྱི་,མི་}ཟད་པ་ཡིན།
D44.036.0018a07.01