完整藏文原文 · 德格版页 当前仅加载第 36 函德格 38b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་བསྔོའོ།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་བཞི་བ། །འདི་ལྟར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གླང་པོ་ཅང་ཤེས་ཡན་ལག་བདུན་ཤིན་ཏུ་གནས་
D44.036.0038b01.01པ་ལོ་དྲུག་ཅུ་ལོན་པ་མཆེ་བ་དྲུག་དང་ལྡན་པ། ཁ་དོག་པད་མོ་ལྟ་བུ་གདོང་རྣམ་པར་དག་པ། དཀར་ཞིང་དྲི་མ་{མྱེད་,མེད་}པ། གསེར་གྱི་རྒྱལ་མཚན་ཅན་གསེར་གྱི་རྒྱན་དང་ལྡན་པ། གསེར་གྱི་དྲ་བས་ལུས་ཀུན་ནས་ཡོག་པ། སྣ་རིན་པོ་ཆེ་སྣ་ཚོགས་ཀྱི་
D44.036.0038b02.01དྲ་བའི་རྒྱན་དུ་བཅུག་པ། གསེར་ལྟར་བལྟ་ན་མཛེས་པ་དཔག་ཚད་སྟོང་གི་ཁྱོན་དུ་ངལ་བ་{མྱེད་,མེད་}པར་འགྲོ་བ་སྦྱིན་ཞིང་གཏོང་བ་འམ། རྟ་ཅང་ཤེས་གོམ་པ་ཟོ་མདོག་བདེ་བར་འདོར་ཞིང་འདེག་པ་དང་། བྱ་ལྟར་མགྱོགས་པ་དང་ལྡན་པ། རྔོག་མ་ལྕང་
D44.036.0038b03.01ལོར་འཁྲིལ་བ། ནམ་ཙོང་དང་རྨིག་པར་ལྡན་པ། རྨིག་པའི་དབྱིབས་མཐོ་ཞིང་སྐྱོན་{མྱེད་,མེད་}པ་གསེར་གྱི་དྲིལ་བུའི་དྲ་བས་བརྒྱན་པ་རིན་པོ་ཆེ་སྣ་ཚོགས་ཀྱི་ཉི་མའི་དཀྱིལ་འཁོར་དང་། ཟླ་བ་དང་ལྡན་པ། གློ་ཀུན་ནས་བརྒྱན་པ་རིན་པོ་ཆེ་སྣ་ཚོགས་ཀྱི་གདོང་
D44.036.0038b04.01རྒྱན་གྱིས་རྣམ་པར་བརྒྱན་པ་ཞོན་ན་བདེ་བ་ལུས་ལ་བྱམས་པ་ཤིན་ཏུ་མགྱོགས་པ་ཕྱོགས་བཞིར་ཡིད་ལྟར་མགྱོགས་པའི་ཤུགས་དང་ལྡན་པ། ལྷ་རྫས་ལྟ་བུའི་ལྷབ་ལྷུབ་ཐམས་ཅད་དང་ལྡན་པ་དེ་ལྟ་བུའི་བླ་མའི་སྐྱེ་བོ་དང་། བླ་མར་བྱ་བ་དང་། དགེ་བའི་བཤེས་
D44.036.0038b05.01གཉེན་དང་། ཕ་དང་མ་དང་ཕོངས་པ་དང་། བཀྲེན་པ་དང་། སློང་བ་དང་ལེན་པའི་འགྲོ་བ་ཐམས་ཅད་ལ་སྦྱིན་ཞིང་ཡོངས་སུ་གཏོང་བ་དང་། སེམས་ཡངས་པས་སྦྱིན་པ་དང་། སེམས་ལ་ཆགས་པ་མེད་པར་གཏོང་བ་དང་། རྗེས་སུ་འགྱོད་པ་{མྱེད་,མེད་}
D44.036.0038b06.01པས་ཡིད་མགུ་བར་བྱེད་པ་དང་། སྙིང་རྗེ་ཆེན་པོས་ཡོངས་སུ་རྒྱས་པའི་བསམ་པས་གཏོང་བ་ཆེན་པོ་རབ་ཏུ་གཏོང་ཞིང་། བྱང་ཆུབ་སེམས་དཔའི་ཡོན་ཏན་ཐམས་ཅད་ལ་རབ་ཏུ་བརྩོན་པ་དང་། བྱང་ཆུབ་སེམས་དཔའི་རིགས་སུ་མངོན་པར་སྐྱེས་
D44.036.0038b07.01