完整藏文原文 · 德格版页 当前仅加载第 36 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་ཆུང་ངུའི་རྣམ་པ་བྱེད་ཀྱང་རུང་། །ཐམས་ཅད་མཐའ་ཡས་རྣམ་པར་ཡོངས་སུ་བསྔོ། །དེ་དག་དངོས་པོ་ཇི་སྙེད་གང་ཡོད་པ། །རྒྱ་ཆེ་ཡངས་པ་གང་དང་གང་ཡང་རུང་། །གླང་པོའི་ཤིང་རྟ་རྟ་ཡི་ཤིང་རྟ་དང་། །གོས་
D44.036.0107a01.01དང་དབྱིག་དང་གསེར་དང་དངུལ་དག་གིས། །ཕྱོགས་དང་ཞིང་རྣམས་མཐའ་ཡས་ཀུན་བཀང་ཞིང་། །དེ་དག་མགོ་དང་མིག་དང་ལག་པ་དང་། །ཤ་དང་རྐང་དང་དེ་བཞིན་རྐང་པ་དང་། །རང་གི་ལུས་ཀྱིས་ཀུན་བཀང་སྦྱིན་པར་བསྔོ། །དེ་དག་དེ་ལྟར་ཡོངས་སུ་
D44.036.0107a02.01བསྔོ་བྱས་ནས། །སེམས་ཅན་ཕན་ཕྱིར་ཡོངས་སུ་དགྲོལ་སེམས་ཀྱིས། །མཐའ་དང་དབུས་མེད་བསྐལ་པར་སྤྱོད་པ་བྱེད། །འགྲོ་བ་ཀུན་ནས་དེ་དག་སེམས་མི་ལྡོག །དེ་དག་འགྲོ་བ་ཀུན་ལ་ཕན་པའི་ཕྱིར། །ལེགས་པར་བྱས་པའི་ལས་ཀྱིས་སྲིད་
D44.036.0107a03.01གསུམ་གྱི། །འགྲོ་བ་མ་ལུས་ཐམས་ཅད་ཅི་ནས་ཀྱང་། །བདེ་བར་འགྱུར་ཞིང་བྱང་ཆུབ་ཐོབ་པར་བསྔོ། །དེ་དག་མཉམ་ཞིང་མཚུངས་པར་ཡོངས་སུ་བསྔོ། །ལས་རྣམས་དག་པ་ཇི་ལྟར་ཡོངས་བསྒྲུབས་པ། །དེ་དག་འགྲོ་བ་ཀུན་དང་མཉམ་པར་བསྔོ། །
D44.036.0107a04.01དེ་དག་སྨོན་ལམ་འཆིང་བར་འགྱུར་བ་མེད། །འགྲོ་བ་ཀུན་ཏུ་ཅི་ལ་འང་ཐོགས་མེད་པར། །ཐམས་ཅད་རྗེས་སུ་སྨོན་ལམ་དེ་དག་འགྲོ། །དེ་དག་འགྲོ་ལ་ཕན་ཕྱིར་སྔོ་བྱེད་ཀྱང་། །མཁས་པ་རྣམས་ལ་སྤྲོས་པ་གང་ཡང་མེད། །འགྲོ་བ་ཀུན་ལ་དེ་དག་གཉིས་
D44.036.0107a05.01འགྱུར་ཅིང་། །སྦྱིན་པས་འཕགས་ཏེ་ཚུལ་ཁྲིམས་རྣམ་དག་ལ། །བརྩོན་འགྲུས་སྟོབས་ཀྱིས་སེམས་ལ་བཅིངས་མེད་པ། །དེ་དག་སྨོན་ལམ་ཕྱིར་ལྡོག་མེད་པ་ཡིན། །དེ་དག་བསྔོ་བའི་ཕ་རོལ་ཕྱིན་པ་དག །ཆོས་ཀྱི་རྒྱུད་ལ་བློ་གྲོས་གཉིས་མཉམ་
D44.036.0107a06.01པ། །དེ་དག་དོན་དེས་ཕ་རོལ་ཕྱིན་པའི་ཕྱིར། །རྐང་གཉིས་དབང་པོའི་དྲུང་དུ་ཡེ་ཤེས་རྐང་པས་འདོང་། །དེ་དག་ཆོས་ཀྱི་རྔ་ཡི་མཐར་ཕྱིན་པས། །རྟག་ཏུ་ཡེ་ཤེས་རྣམ་པའི་སྙིང་པོ་འཆང་། །ཚུལ་བཞིན་ཆོས་ལ་ཆགས་པ་མེད་པར་ཞུགས།
D44.036.0107a07.01