完整藏文原文 · 德格版页 当前仅加载第 36 函德格 389b 版页；藏文 NFD、目录标记与异常页序保留在来源切片中，重复版页行以稳定序号区分。
འཇུག་སྟེ། །བརྗོད་དུ་མེད་པ་གཅིག་ནས་གཅིག་བརྒྱུད་པའི། །སྐྲ་རྩེ་བཟུང་བ་བརྗོད་དུ་མེད་པ་སྟེ། །སྐྲ་རྩེ་དེ་དག་མཐར་ཐུག་གང་ཡང་མེད། །བསྐལ་པ་གཅིག་ནས་གཅིག་ཏུ་བརྒྱུད་པ་ཡི། །ཡུན་རིང་བརྗོད་དུ་མེད་པ་
D44.036.0389b01.01བཟུང་བྱས་ཤིང་། །ཚུལ་འདིར་བརྗོད་དུ་མེད་པ་འཛུད་པ་བྱེད། །བསྐལ་པ་ཀུན་ཀྱང་དེ་བཞིན་བརྗོད་དུ་མེད། །མཐའ་དང་དབུས་མེད་ཚུལ་འདི་བཟུང་བྱས་ཤིང་། །བརྟན་པ་བརྗོད་དུ་མེད་པའི་སྤྱོད་ཡུལ་གྱིས། །
D44.036.0389b02.01དེ་དག་བརྗོད་དུ་མེད་པར་རབ་ཏུ་འཇུག །བརྗོད་དུ་མེད་པའི་འཇུག་ཚུལ་འདི་ཡིན་ནོ། །ཡིད་ཀྱི་དབང་པོ་བརྗོད་དུ་མེད་པ་དང་། །རྣམ་པར་གནོན་པ་བརྗོད་དུ་མེད་པ་དང་། །རྣམ་པར་འཕྲུལ་པ་བརྗོད་དུ་མེད་པ་ཡིས། །
D44.036.0389b03.01ཕྱོགས་རྣམས་བརྗོད་དུ་མེད་པ་ཀུན་ཏུ་འགྲོ། །དེ་དག་སེམས་ཀྱང་བརྗོད་དུ་མེད་པ་སྟེ། །རྒྱ་ཆེན་ཡངས་པ་བརྗོད་དུ་མེད་པས་ན། །དེ་དག་དམིགས་པ་བརྗོད་དུ་མེད་པ་སྟེ། །དེས་ནི་བརྗོད་མེད་ཀུན་གྱི་མཐར་ཕྱིན་བྱེད། །དེ་བཞིན་
D44.036.0389b04.01ལུས་ཀྱི་ལས་ཀྱང་བརྗོད་མེད་དེ། །ངག་གི་ལས་ཀྱང་བརྗོད་དུ་མེད་པ་ཡིན། །དེ་བཞིན་སེམས་ཀྱང་བརྗོད་དུ་མེད་པ་འབྱུང་། །མོས་པ་དག་པ་དག་ཀྱང་བརྗོད་དུ་མེད། །དེ་དག་རྣམ་ཤེས་དག་པ་བརྗོད་དུ་མེད། །དེ་དག་ཤེས་རབ་གསལ་
D44.036.0389b05.01བ་བརྗོད་དུ་མེད། །བརྗོད་དུ་མེད་པའི་ཚུལ་རྣམས་ཡོངས་སུ་གནོན། །ཐེ་ཙོམ་བརྗོད་དུ་མེད་པ་རབ་ཏུ་གཅོད། །དེ་དག་འབྱུང་བ་བརྗོད་དུ་མེད་པ་དང་། །ཡོངས་སུ་གནོན་པ་བརྗོད་དུ་མེད་པ་ཡིས། །དེ་དག་ཏིང་འཛིན་བརྗོད་དུ་མེད་པ་སྟེ། །
D44.036.0389b06.01དེས་ནི་བརྗོད་མེད་ཐམས་ཅད་འདའ་བར་བྱེད། །སེམས་ཅན་ཐམས་ཅད་བརྗོད་དུ་མེད་པ་སྟེ། །ཞིང་རྣམས་ཀུན་ཀྱང་དེ་བཞིན་བརྗོད་དུ་མེད། །སེམས་ཅན་ལུས་རྣམས་བརྗོད་དུ་མེད་པ་སྟེ། །དེ་དག་བསམ་པ་བརྗོད་དུ་མེད་པ་ཡིན། །དེ་དག་
D44.036.0389b07.01