完整藏文原文 · 德格版页 当前仅加载第 36 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བ་ལ་བརྩོན་ཞིང་འོད་གཟེར་གྱི་དྲ་བའི་མཛོད་རབ་ཏུ་འགྱེད་པའི་སོར་མོ་དང་ལྡན་པར་གྱུར་ཅིག །སེམས་ཅན་ཐམས་ཅད་སོར་མོ་ཤིན་ཏུ་མཛེས་པ་དྲ་བ་ལེགས་པར་འབྲེལ་པ་དང་ལྡན་ཞིང་སོར་མོ་ལེགས་པ་དང་ལྡན་པར་གྱུར་ཅིག་ཅེས།
D44.036.0063b01.01དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་སོར་མོ་སློང་བ་རྣམས་ལ་སོར་མོ་ཡོངས་སུ་གཏོང་བའི་ཚེ། སེམས་ཅན་ཐམས་ཅད་རྣམ་པར་དག་པར་བྱ་བའི་སེམས་ཀྱིས་དགེ་བའི་རྩ་བ་དེ་དག་ཐམས་ཅད་སེམས་ཅན་རྣམས་ལ་ཡོངས་སུ་བསྔོའོ། །གཞན་
D44.036.0063b02.01ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་འདོད་པ་ལ། ལ་ལ་ཞིག་གིས་ཆོས་ཐོས་པར་བྱ་བར་བསམས་ཏེ། དེས་འདི་སྐད་དུ་གལ་ཏེ་ཁྱོད་ཀྱི་ཤ་དང་བཅས་པའི་སེན་མོ་ང་ལ་བྱིན་ན་ནི། ངས་ཁྱོད་ལ་ཆོས་བསྟན་པར་བྱའོ། །ཟེར་བ་ཞིག་ཡོད་ན།
D44.036.0063b03.01དེ་ལ་འདི་སྐད་དུ་སྨྲས་ཏེ། བདག་གི་ཤ་དང་བཅས་པའི་སེན་མོ་ཅི་བདེར་ཁྱེར་ལ་བདག་ལ་ཆོས་བསྟན་པར་མཛོད་ཅིག་ཅེས་ནས། ཇི་ལྟར་རྒྱལ་པོ་དབང་ཕྱུག་ཏུ་གྱུར་པ་ལེགས་པར་བཤད་པ་ཚོལ་བ་དང་། བྱང་ཆུབ་སེམས་དཔའ་ཟད་མི་ཤེས་པ་དང་།
D44.036.0063b04.01དེ་མ་ཡིན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་གཞན་ཚད་མེད་པ་ཆོས་ཀྱི་ཆོས་བཟང་པོ་ཉིད་ལ་བརྩོན་པ། འགྲོ་བ་ཀུན་ཏུ་ཆོས་ཀྱི་ལོ་ཤིན་ཏུ་ལེགས་པ་ཡང་དག་པར་བསྟན་པའི་ཕྱིར་ཤ་དང་། བཅས་པའི་སེན་མོ་ཡོངས་སུ་བཏང་བར་
D44.036.0063b05.01གྱུར་པ་དེ་ལྟར་སློང་བ་རྣམས་ལ་རང་གི་ཤ་དང་བཅས་པའི་སེན་མོ་ཡོངས་སུ་གཏོང་བའི་ཚེ། དགེ་བའི་རྩ་བ་དེ་དག་སེམས་ཅན་ཐམས་ཅད་ལ་འདི་ལྟར་ཡོངས་སུ་བསྔོ་སྟེ། སེམས་ཅན་ཐམས་ཅད་སངས་རྒྱས་ཀྱི་ཕྱག་སེན་རབ་ཏུ་གྲུབ་ཅིང་ཟངས་ཀྱི་ཁ་
D44.036.0063b06.01དོག་ལྟ་བུའི་སེན་མོ་དང་ལྡན་པར་གྱུར་ཅིག །སེམས་ཅན་ཐམས་ཅད་དཔེ་བྱད་བཟང་པོའི་སེན་མོ་རབ་ཏུ་ཐོབ་ཅིང་མདོག་སྣུམ་པའི་སེན་མོ་དང་ལྡན་པར་གྱུར་ཅིག །སེམས་ཅན་ཐམས་ཅད་སེན་མོའི་དམ་པ་དང་ལྡན་ཞིང་འོད་འཚེར་བའི་སེན་མོ་དང་ལྡན་
D44.036.0063b07.01